Ndege ya Malaysia Airline iliokuwa ikitetemeka angani yalazimika kutua

Haki miliki ya pichaSANJEEV PANDEY

Image captionAbiria walionyeshwa njia za kukabiliana na dharura na wafanyikazi, wengi wao wakionekana kuogopa na kushtuka.

Ndege moja ya Malaysia ililazimika kutua katika eneo la Australia ya kati baada ya tatizo la kiufundi kuifanya kuanza kutetemeka ikiwa angani, wamesema abiria.

Ndege hiyo aina ya MH122 ilikuwa inasafiri kuelekea Kuala Lumpur kutoka Sidney siku ya Alhamisi wakati iliporudi katika eneo ambalo haliko mbali na Broome, kaskazini Magharibi mwa Australia.

Ndege hiyo iliokuwa ikiwabeba watu 224 ilitua salama katika uwanja wa ndege wa Alice Springs Airport.

Abiria wanasema kuwa ndege hiyo ilikuwa ikitetemeka na kutoa sauti kubwa.

• Ripoti ya mwisho: Ndege ya Malaysia ya MH370 haikupatikana
• Mabaki ya MH370 yapatikana nchini MadagascarKifo cha Kim Jong Nam: Malaysia yalaani utumizi wa kemikali
• Malumbano yachacha baina ya Malaysia na K.Kaskazini

Katika taarifa yake, kampuni ya ndege ya Malaysia Airline ilisema kuwa ndege hiyo ilibadilsha safari kutokana na tatizo la kiufundi.

Image captionRamani ya Australia

Hatahivyo haikusema ni matataizo gani. Abiria Sanjeev Pandev alisema kuwa ndege hiyo ilionekana kuwa na tatizo hilo saa nne kabla ya safari kuanza.

''Ilikuwa ikitetemeka na kelele zilikuwa kubwa '', aliambia BBC.

''Watu walikuwa wakiomba na wengine walikuwa wakitokwa na machozi'', aliambia BBC.

Alisema kuwa abiria walionyeshwa njia za kubaliana na dharura na wafanyikazi wengi wao wakionekana kuogopa na kushtuka.