TANGAZO


Wednesday, July 27, 2016

MPIGA CHAPA MKUU WA SERIKALI KASSIAN CHIBOGOYO AWATAKA WANANCHI KUHESHIMU, KUTUMIA VIELELEZO SAHIHI VYA TAIFA

Mpiga Chapa Mkuu wa Serikali Bw.Kassian Chibogoyo (kushoto), akionesha kwa waandishi wa habari (hawapo pichani)  rangi sahihi zinazotakiwa kutumika katika bendera ya Taifa wakati akielezea umuhimu wa wananchi kutumia vielelezo sahihi vya Taifa na kuachana na vile vya kughushi. Kulia ni Afisa Habari toka Idara ya Habari (Maelezo), Bw. Frank Shija. 
Mpiga Chapa Mkuu wa Serikali Bw. Kassian Chibogoyo (kulia) akifafanua jambo kwa waandishi wa habari (hawapo pichani) kuhusu umuhimu wa wananchi kutumia vielelezo sahihi vya Taifa na kuachana na vile vya kughushi. Kusoto ni Afisa Habari toka Ofisi ya Waziri Mkuu, Bi. Nyamagori Omari. 
Mpiga Chapa Mkuu wa Serikali Bw. Kassian Chibogoyo (katikati) akionesha kwa waandishi wa habari (hawapo pichani), baadhi ya vielelezo sahihi vya Taifa vinavyotakiwa kutumiwa na wananchi wakati alipokuwa akielezea umuhimu wa wananchi kutumia vielelezo sahihi vya Taifa na kuachana na vile vya kughushi mapema leo, jijini Dar es Salaam. Kulia ni Afisa Habari toka Idara ya Habari (Maelezo) Bw. Frank Shija na kushoto ni Afisa Habari toka Ofisi ya Waziri Mkuu Bi. Nyamagori Omari.(Picha zote na Eliphace Marwa - Maelezo)

Na Frank Shija, MAELEZO
KATIKA kuhakikisha heshima, hadhi na maadili miongoni mwa jamii ya Watanzania Serikali ya Awamu ya Tano chini ya uongozi mahiri wa Rais John Pombe Magufuli imewakumbusha wananchi  kuheshimu na kuzingatia matumizi sahihi ya Vielelezo vya Taifa.

Haya yamebainishwa na Mpiga Chapa Mkuu wa Serikali Cassian Chibogoyo alipokuwa akizungumza na waandishi wa habari katika Kipindi chake cha ‘Tujikumbushe’’ Sehemu ya Pili kilichofanyika leo Jijini Dar es Salaam.

Chibogoyo amesema amesema kuwa wakati sasa umefika kwa jamii kuendeleza utamaduni uliokuwapo wa kuheshimu na kufuata desturi zilizowekwa katika kuendeleza umoja, amani na mshikamano.

‘Natoa wito kwa watanzania wote, katika kufanya maboresho ya kurejesha hadhi ya taifa tunapaswa kuheshimu sana Vielelezo vya Taifa letu, hapa na maanisha tuheshimu wimbo wa taifa na Nembo ya Taifa.’

Amesema kuwa katika kuhakikisha vielelezo hivyo vinaheshimiwa Ofisi yake imejipanga kufuatilia kwa karibu wale wote watakao kiuka matumizi sahihi ya Vielelezo vya Taifa ikiwemo Nembo, Bendera na Wimbo wa Taifa.

Aliongeza kuwa kuanzia sasa matumizi ya Bendera ya Taifa yatakwenda sambamba na matumizi ya Bendera ya Jumuiya ya Afrika Mashariki hivyo amezitaka Ofisi zote za Serikali pamoja na Taasisi zake waanze utaratibu wa kupandisha pia bendera hiyo kwani Tanzania tunaamini katika ushirikiano huo.

Katika hatua nyingine uongozi wa Chama cha Wafanyakazi wa Serikali Kuu (TUGHE) Tawi la Ofisi ya Mpiga Chapa Mkuu wa Serikali wamekanusha tuhuma zilizoandikwa na moja ya gazeti hapa nchini(Jina limehifadhiwa) zikimtuhumu Mpiga Chapa Mkuu wa Serikali kuwa na kusema kuwa tuhuma zilizoandikwa katika Gazeti hilo siyo zakweli na ata wao kama wafanyakazi wameshangazwa.

Katibu wa TUGHE Tawi la Mpiga Chapa Mkuu wa Serikali amesema kuwa ni vyema waandishi wakafanya kazi zao kwa weledi kuliko kuandika taarifa zizizosahihi kwani kufanya hivyo kuta waingiza matatizoni.

Nilitegemea kabla mwandishi hajachapisha habari ile angetafuta ukweli kutoka upande wa pili ikiwemo kuhusishwa kwa uongozi wa Chama cha Wafanyakazi kwani ndiyo wenye mamlaka yakutoa taarifa katika ngazi husika kwa tupo kwa ajili ya kuwawakilisha na kuwatetea wafanyakazi.


Kipindi cha Tujikumbushe kimekuwa kikionyeshwa na TBC1 ambapo lengo lake kuu ni kutoa elimu kwa jamiii juu ya matumizi sahihi na umuhimu wa kutunza nyaraka na tunu za Taifa, ambapo Sehemu ya Kwanza ya kipindi hicho kilihusu Nyaraka za Serikali. Kipindi kinachofuata kitahusu Historia ya kuwepo kwa Katiba na Katiba inayopendekezwa.

WIZARA OFISI YA WAZIRI MKUU, SERA, URATIBU, BUNGE NA WATU WENYE ULEMAVU KUHAMIA DODOMA WIKI IJAYO

Mkurugenzi wa Utawala na Raslimaliwatu Ofisi ya Waziri Mkuu, Issa Nchasi akifafanua jambo wakati wa kikao cha Waziri Jenista Mhagama na Watendaji Wakuu na Watumishi wa Wizara na Taasisi zilizo chini ya Ofisi ya Waziri Mkuu kuhusu utekelezaji wa kuhamia Dodoma. Kulia kwake ni Mkurugenzi Msaidizi-Utawala, Samwel Mwashambwa. 
Waziri wa Nchi Ofisi ya Waziri Mkuu, Sera, Uratibu, Bunge, Kazi,Ajira, Vijana na Watu wenye Ulemavu, Mhe. Jenista Mhagama (Kushoto) akiongea leo jijini Dar es Salaam na Watendaji Wakuu na Watumishi wa Wizara na Taasisi zilizo chini ya Ofisi ya Waziri Mkuu kuhusu utekelezaji wa kuhamia Dodoma, Kulia ni Naibu Waziri wa Nchi, Ofisi ya Waziri Mkuu (Watu wenye Ulemavu), Dr. Abdallah Possi. 
Baadhi ya Watendaji Wakuu na Watumishi wa Wizara na Taasisi zilizo chini ya Ofisi ya Waziri Mkuu wakimsikiliza Waziri Jenista Mhagama wakati wa kikao kuhusu utekelezaji wa kuhamia Dodoma.

SERIKALI YAZITAKA FAMILIA ZENYE UWEZO KUTOKWEPA JUKUMU LA KULEA WAZEE NA WATU WENYE ULEMAVU

Katibu Mkuu Wizara ya Afya, Maendeleo ya Jamii, Jinsia, Wazee na Watoto Bi. Sihaba Nkinga akisaini kitabu cha wageni alipotembelea kambi ya kulea wazee ya SukaMahela iliyopo Wilayani Manyoni Mkoani Singida, Kulia ni Bw. Richard Mallya Mkurugenzi Idara ya Ununuzi na Ugavi kutoka Wizara hiyo. 
Katibu Mkuu Wizara ya Afya, Maendeleo ya Jamii, Jinsia, Wazee na Watoto Bi. Sihaba Nkinga akimueleza jambo Afisa Mfawidhi wa Kambi ya kulea wazee ya Sukamahela Bw. Jeremiah Paul 
Katibu Mkuu Wizara ya Afya, Maendeleo ya Jamii, Jinsia, Wazee na Watoto Bi. Sihaba Nkinga akiongea na Wazee wanaoishi katika kambi ya kulea wazee ya Sukamahela na kuwaeleza dhumuni la serikali la kuzisaidia kambi hizo.
Katibu Mkuu Wizara ya Afya, Maendeleo ya Jamii, Jinsia, Wazee na Watoto Bi. Sihaba Nkinga akimkabidhi moja ya Mzee katika kambi ya wazee ya Sukamahela boksi la sabuni kwa niaba ya wazee katika kituo hicho chenye jumla ya wazee 67.  
Viongozi wa Kambi ya kulea Wazee ya Sokamahela wakimuonesha Katibu Mkuu Wizara ya Afya, Maendeleo ya Jamii, Jinsia, Wazee na Watoto Bi. Sihaba Nkinga baadhi ya nyumba wazazoishi wazee ambapo sehemu ya nyumba hizo zipo kwenye hali mbaya za kuhitaji marekebisho. 
Viongozi wa Kambi ya kulea Wazee ya Sokamahela wakimuonesha Katibu Mkuu Wizara ya Afya, Maendeleo ya Jamii, Jinsia, Wazee na Watoto Bi. Sihaba Nkinga baadhi ya nyumba wazazoishi wazee ambapo sehemu ya nyumba hizo zipo kwenye hali mbaya za kuhitaji marekebisho.  
Viongozi wa Kambi ya kulea Wazee ya Sokamahela wakimuonesha Katibu Mkuu Wizara ya Afya, Maendeleo ya Jamii, Jinsia, Wazee na Watoto Bi. Sihaba Nkinga baadhi ya nyumba wazazoishi wazee ambapo sehemu ya nyumba hizo zipo kwenye hali mbaya za kuhitaji marekebisho.  
Katibu Mkuu Wizara ya Afya, Maendeleo ya Jamii, Jinsia, Wazee na Watoto Bi. Sihaba Nkinga akisalimiana na Bi. Theresia Msiwa anayeishi katika kambi ya kulea wazee ya SukaMahela iliyopo Wilayani Manyoni Mkoani Singida. 
Baadhi ya Wazee wanaoishi katika kambi ya Sukamahela iliyopo Wilayani Manyoni Mkoani Singida.
Jengo la Zahanati ya Serikali ya Sukamahela iliyo karibu na kituo hicho ambayo pia inasaidia kutoa kuhuma za matibabu kwa wazee wa kituo hicho. 

WAZIRI MBARAWA ATEMBELEA TTCL, AZUNGUMZA NA WAFANYAKAZI

Waziri wa Ujenzi, Uchukuzi na Mawasiliano Profesa Makame Mbarawa (kushoto) akipata maelezo kutoka kwa Ofisa Mtendaji Mkuu wa kampuni ya simu Tanzania (TTCL), jinsi ya mfumo wa kutoa taarifa kwa wafanyakazi unavyofanya kazi wakati alipotembelea ofisini hiyo jijini Dar es Salaam. 
Ofisa Mtendaji Mkuu wa kampuni  ya Simu Tanzania (TTCL) Dkt. Kamugisha Kazaura akisoma taarifa ya utendaji kwa Waziri wa Ujenzi, Uchukuzi na Mawasiliano Profesa Makame Mbarawa (Hayupo pichani) wakati alipoongea na uongozi wa kampuni hiyo, jijini Dar es Salaam. 
Mwenyekiti wa bodi ya Kampuni ya Simu Tanzania (TTCL) Profesa Tolly Mbwete akifafanua jambo kwa Waziri wa Ujenzi, Uchukuzi na Mawasiliano Profesa Makame Mbarawa (hayupo pichani) wakati Waziri alipotembelea ofisi hiyo, jijini Dar es Salaam. 
Waziri wa Ujenzi, Uchukuzi na Mawasiliano Profesa Makame Mbarawa akiongea na Uongozi wa Kampuni ya Simu Tanzania (TTCL) wakati alipotembelea kampuni hiyo, Jijini Dar es Salaam. 
Ofisa Mtendaji Mkuu wa kampuni  ya Simu Tanzania (TTCL) Dkt. Kamugisha Kazaura akifafanua jambo kwa Waziri wa Ujenzi, Uchukuzi na Mawasiliano Profesa Makame Mbarawa wakati alipofanya mazungumzo na wafanyakazi wa kampuni hiyo,jijini Dar es salaam. 
Waziri wa Ujenzi, Uchukuzi na Mawasiliano Profesa Makame Mbarawa akiongea na wafanyakazi wa Kampuni ya Simu Tanzania (TTCL),Jijini Dar es Salaam.(Picha zote na Benjamini Sawe-Maelezo)

TANZANIA YAENDELEA KUPATA MAFANIKIO KATIKA KUKABILIANA NA UGONJWA WA VIKOPE (TRACHOMA)

Mkurugenzi wa Huduma za Kinga kutoka Wizara ya Afya, Maendeleo ya Jamii, Jinsia, Wazee na Watoto Dk.Neema Rusibamayila akizungumza leo jijini Dar es Salaam wakati wa Mkutano uliowahusiaha  Wadau wa Wizara hiyo na washirika wa maendeleo Maendeleo kutoka Mfuko wa Malkia Elizabeth unaojihusisha na utokomezaji wa Ugonjwa wa Vikope na wale wa Idara ya Kimataifa ya Maendeleo (DFID).
Mkurugenzi Mkuu wa mfuko wa Malkia wa Uingereza unaojihusisha na utokomezaji wa ugonjwa wa Vikope katika nchi mbalimbali za Bara la Afrika ikiwemo Tanzania (The Queen Elizabeth Diamond Jubilee Trust Trachoma Initiative) Dk. Aristid Bonifield akieleza namna Mfuko huo utavyoendelea  kuisaidia Tanzania kwa kuwa inafanya vizuri katika kuhakikisha ugonjwa huo unatokomezwa nchini leo jijini Dar es salaam.
 Mkuu wa Idara ya Kimataifa ya Maendeleo nchini Tanzania (DFID) Vel Gnanendra akifafanua namna wadau wa maendeleo walivyojipanga kuiunga mkono Tanzania kwa kuhakikisha ugonjwa wa vikope (Trachoma) unatokomezwa nchini.
Mratibu wa Taifa wa Magonjwa yasiyopewa kipaumbele,   Upendo John Mwingira akizungumza wakati wa mkutano huo leo jijini Dar es salaam.
 Mkurugenzi Mkuu wa Shirika la Sightsavers kutoka Uingereza Dk. Caroline Harper akifafanua jambo wakati wa Mkutano wa wadau wa kutokomeza ugonjwa wa Vikope leo jijini Dar es salaam.
Mkurugenzi Mkuu wa Shirika la Sightsavers kutoka Uingereza Dk. Caroline Harper akifafanua jambo wakati wa Mkutano wa wadau wa kutokomeza ugonjwa wa Vikope leo jijini Dar es salaam.
Washiriki wa Mkutano wa Kutokomeza Ugonjwa wa Vikope kutoka Wizara ya Afya, Maendeleo ya Jamii, Jinsia Wazee na Watoto  na Wale wa Mashirika ya Kimataifa wakiwa katika picha ya Pamoja leo jijini Dar es salaam.(Picha/Aron Msigwa – MAELEZO)

Na Aron Msigwa – Dar es Salaam.
WIZARA ya Afya, Maendeleo ya Jamii, Jinsia, Wazee na Watoto imeeleza kuwa licha ya Tanzania kuendelea kupata mafanikio katika mapambano dhidi ya ugonjwa wa Vikope (Trachoma) jamii bado inalojukumu la kuendelea kuzingatia na kufuata kanuni za afya kwa kufanya usafi wa mwili na mazingira ili kudhibiti kuenea kwa ugonjwa huo.

Akizungumza leo jijini Dar es Salaam wakati wa Mkutano wa Wadau wa magonjwa yasiyopewa kipaumbele wenye lengo la kuutokomeza ugonjwa wa Vikope,  Mkurugenzi wa Huduma za Kinga kutoka Wizara ya Afya, Maendeleo ya Jamii, Jinsia, Wazee na Watoto Dk.Neema Rusibamayila amesema kuwa Tanzania imepiga hatua katika kupunguza ugonjwa huo ikishirikiana na wadau mbalimbali kutoka ndani na nje ya nchi.

Amesema kupitia idadi ya wagonjwa wanaougua vikope imeendelea kupungua mwaka hadi mwaka kupitia afua mbalimbali chini mpango ujulikanao kama “SAFE” ambao unahusisha huduma za Upasuaji,utoaji wa dawa za Antibayotiki, kuosha uso  pamoja na usafi wa mazingira.

VIJANA WAASWA KUACHA KUSUBIRI FURSA MAJUMBANI

Waziri wa Sera, Bunge, Kazi, Vijana na Walemavu, Jenista Mhagama, akinazungumza na vijana wakati wa uzinduzi wa utafiti wa Sauti za Vijana Tanzania.(Picha zote na Kassim Mbarouk-www.bayana.blogspot.com) 
Vijana wakimsikiliza Waziri wa Sera, Bunge, Kazi, Vijana na Walemavu, Jenista Mhagama wakati akizungumza.

Na Ally Daud-Maelezo
VIJANA wameaswa kuacha kukaa majumbani na kusubiri fursa za maendeleo ziwafate walipo na badala yake watumie muda mwingi kujishughulisha kwa kufuata fursa zilipo ili kukabiliana na tatizo la ajira kwa vijana nchini.

Akizungumza hayo wakati wa uzinduzi wa Kitabu cha taarifa ya utafiti wa Sauti za Vijana Tanzania Waziri wa Sera, Bunge, Kazi, Vijana ,Ajira na walemavu Mhe. Jenista Mhagama amesema kuwa vijana wasikae majumbani na vijiweni kutegemea Serikali iwapelekee fursa hizo.

“Vijana tusikae majumbani na kushinda vijiweni tukitegemea kwamba tutawaletea fursa huko mlipo , mnatakiwa mtoke na mtumie muda wenu kufikiri jinsi ya kujikwamua na tatizo la ukosefu wa ajira kwa kutumia fursa zitolewazo” alisema Mhe. Mhagama.
Aidha Mhe. Jenista alisema kuwa  Serikali imeanza kutenga Shilingi Bilioni 15 kila bajeti kwa ajili ya kukuza ujuzi na kujikwamua kiuchumi ili kuleta maendeleo kwa vijana na taifa kwa ujumla.

Mbali na hayo Mhe. Mhagama aliunga mkono kauli ya Mkuu wa Mkoa wa Dar es salaam Paul Makonda kwamba ni marufuku kwa kumbi za starehe na mahali popote kuuza kilevi aina ya shisha kwani kinaharibu nguvu kazi ya vijana wa leo.

“Nasisitiza tena marufuku kwa  kumbi za starehe na mahali popote kuuza kilevi aina ya shisha kwani inaharibu uwezo wa kufikiri kwa vijana na kushindwa kufanya kazi matokeo yake uchumi wa nchi unazorota ,kwa yeyote atayekiuka maagizo haya hatua kali zitachukuliwa juu yake.


Aidha Mhe. Jenista aliwataka vijana kutumia vizuri fursa iliyotolewa na Serikali ya awamu ya tano kwa kutoa Shilingi Milioni 50 kwa kila kijiji ili kuleta chachu ya maendeleo kwa jamii na taifa kwa ujumla.

BALOZI SEIF IDDI AKUTANA NA KUZUNGUMZA NA MAMENEJA, WAKURUGENZI WA MASHIRIKA NA TAASISI ZA UMMA ZENYE MATAWI TANZANIA BARA JIJINI DAR ES SALAAM

Makamu wa Pili wa Rais wa Zanzibar, Balozi Seif Ali Iddi akizungumza na Mameneja na Wakurugenzi wa Mashirika na Taasisi za Umma zenye Matawi yake Tanzania Bara kwenye jengo la Ofisi ya Shughuli za Uratibu wa SMZ Magogoni jijini Dar es Salaam. Kushoto kwa Balozi Seif ni Mkuu wa Ofisi ya Uratibu wa shughuli za SMZ Mjini Dar es Salaam Ndugu Issa Mlingoti Ali, aliyekuwa Mkurugenzi wa Uratibu wa Ofisi hiyo, Bibi Shumbana Ramadhan Taufiq na Meneja wa Shirika la Meli la Zanzibar, Ndg. Salum Ahmad Vuai.
Picha na Hassan Issa - OMPR – ZNZ)

Na Othman Khamis Ame
OMPR – ZNZ
27/7/2016.
MAKAMU wa Pili wa Rais wa Zanzibar  Balozi Seif Ali Iddi alisema kwamba Viongozi na Watendaji wa Taasisi na Mashirika ya Umma wana wajibu wa kubadilika na kubuni mbinu zitakazowezesha  kuongeza mapato kwa Taasisi hizo kwa faida ya Taifa na Jamii kwa jumla.

Amesema Serikali Kuu haiwezi kuleta maendeleo bila ya kuwa na vianzio madhubuti ambavyo ni pamoja na ukusanyaji wa mapato yanayokusanywa kupitia taasisi zilizopewa jukumu la kushughulikia makusanyo katika vianzio mbali mbali.

Balozi Seif Ali Iddi alisema hayo wakati akizungumza na Wakurugenzi na Mameneja wa Matawi ya  Benki ya Watu wa Zanzibar (PBZ), Shirika la Bima (ZIC), Shirika la Meli pamoja na Shirika la Taifa la Biashara Zanzibar (ZSTC) waliopo Tanzania Bara hapo katika jengo la Ofisi ya Uratibu wa shughuli za SMZ Mtaa wa Magogoni Jijini Dar es Salaam.

Mkutano huo, pia ulilenga kumtambulisha rasmi kwa Wakurugenzi hao Mkuu wa Ofisi ya Uratibu wa shughuli za SMZ Mjini Dar es salaam Ndugu Issa Mlingoti Ali aliyeteuliwa hivi karibuni na Rais wa Zanzibar na Mwenyekiti wa Baraza la Mapinduzi Dr. Ali Mohammed Shein kushika wadhifa huo mpya.

Balozi Seif alisema Taasisi na Mashirika yanayosimamia fedha lazima yaongeze jitihada mara dufu katika ukusanyaji wa mapato ili kukidhi mahitaji na matarajio ya Taifa kwa vile hali ya fedha sio nzuri katika kipindi hichi.

Alisema suala hili ni vyema likaenda sambamba na matumizi bora ya fedha za Serikali na kuwataka Wakuu wa vitengo waendelee  kusimamia vyema na kuwa wakali kwa kuwadhibiti watendaji waliokosa uaminifu.

Makamu wa Pili wa Rais wa Zanzibar alifahamisha kwamba wapo baadhi ya watumishi wa Umma wanaoendelea kukosa uaminifu katika utekelezaji wa majukumu yao ya kila siku na kuamua kujilimbikizia fedha na mali kinyume na taratibu na imani za Dini wanazozifuata.

“Tumekuwa tukishuhudia ndani ya mashirika na Taasisi zetu za Umma kujichomoza Vijana  wasio na maadili ya kazi na kuamuwa kujilimbikizia mali na fedha katika kipindi kifupi tokea wapate ajira na kuwakuta tayari wana uwezo wa kumiliki majumba na magari tofauti na kiwango wanachokipata katika mishahara yao ya mwezi ”. Alionyesha kusikitishwa kwake na tabia hiyo Balozi Seif.

Makamu wa Pili wa Rais wa Zanzibar alieleza kwamba Serikali ya Mapinduzi ya Zanzibar tayari imeshaanza  na utaratibu wa kupunguza matumizi  ya fedha yasiyo ya lazima katika Taasisi zake  kwa lengo la kupata nguvu ya utekelezaji kwa yale mambo yasiyo ya  msingi na muhimu.

Aliwapongeza Viongozi na Watendaji  wa  Taasisi na Mashirika ya Umma yanayowajibika Tanzania Bara kwa jitihada wanazochukuwa katika kutoa huduma kwa Wananchi mbali mbali wa Tanzania sambamba na kukusanya mapato yanayosaidia Taifa.

Nao kwa upande wao Mameneja na Waguruigenzi hao wa Taasisi za SMZ zinazotoa huduma upande wa Pili wa Jamuhuri ya Muungano wa Tanzania  walielezea mafanikio na changamoto wanaopambana nazo katika utekelezaji wa majukumu yao waliyopangiwa ya kila siku.

Meneja wa Shirika la Bima la Zanzibar Tawi la Dar es salaam  Ndugu Imam  Ally Makame alisema Uongozi wa Bodi ya Shirika hilo unaangalia  maeneo ya Mikoa tofauti Nchini Tanzania ili iwekeze miradi  yake kwa lengo la kujitanua  katika kutoa huduma zao zinazokubalika na wateja mbali mbali.

Nd. Imam alimueleza Makamu wa Pili wa Rais wa Zanzibar kwamba  mapato makubwa ya Bima yanayokusanywa na Shirika hilo yanapatikana  katika Mikoa mbali mbali Tanzania Bara.

Alisema mafaniko hayo yamechangia kubuniwa mbinu za kuwasiliana na Taasisi nyengine za Fedha Zanzibar na upande wa Bara katika kuangalia namna ya kujenga jengo la kudumu litakalopunguza gharama kubwa zinazotumika kwa kukodi majengo ya huduma.

Kwa upande wake Menaja wa Benki ya  Watu wa Zanzibar (PBZ) Tawi la Dar es Salaam, Ndugu Mohammed Bakari alielezea kwamba Benki hiyo kwa sasa haina mpango wowote wa kutaka kujenga majengo yake ya kudumu kwa upande wa Tanzania Bara.

Nd. Mohammed alisema hatua hiyo inakuja kutokana na sababu za Kibenki kulazimika kujenga Majengo yao kwa kutumia Mfuko wa Benki husika jambo ambalo kwa sasa nguvu zao wameamua kuendelea kuzielekeza katika biashara zaidi kwenye majengo ya kukodi.

Meneja wa Shirika la Meli Zanzibar  Ndugu Salum Ahmad  Vuai amemueleza Balozi Seif  kwamba Uongozi wa Taasisi hiyo uko katika harakati za kutaka kujenga Jengo kubwa la ghirofa litakalokuwa Kitega uchumi  cha shirika hilo katika Mtaa wa  Magomeni Mjini Dar es salaam.

Nd. Ahmad alisema kinachoendelea kwa sasa ni Uongozi wa Shirika hilo  kutafuta hati miliki katika eneo hilo ili wapate uhakika wa kuanzisha mradi huo baada ya kukamilika kwa mazungumzo na taasisi za fedha za Zanzibar kwa hatua ya mashirikiano katika ujenzi huo.