TANGAZO


Sunday, May 27, 2018

BAYTU ZAKAT YA KUWAIT YAZINDUA PROGRAMU YA DOLA 26400 KWA AJILI YA KUFUTURISHA MWEZI WA RAMADHAN NCHINI TANZANIA

Balozi wa Kuwait nchini Tanzania, Mhe. Jasem Al-Najem anashiriki katika utekelezaji wa programu ya kufuturisha ndani ya Mwezi Mtukufu wa Ramadhan ambayo inafadhiliwa na Chombo cha Baytu Zakat, Wakfu na Mali ya Amana ya Kuwait. Programu kama hii huandaliwa kila mwaka kutoka kwa wasamaria wa nchi ya Kuwait.  

Programu hii thamani yake ni dola elfu 26 na mia nne sawa na shilingi milioni 60.

Awamu ya kwanza ya programu hii ilikuwa ni kugawa vikapu 400 vyenye vyakula kama mchele, sukari,unga,mafuta ya kula, tende na sukari ambapo katika moja ya zoezi la ugawaji alihudhuria Mkuu wa Wilaya ya Ilala. Bi Sophia Mjema.

Ubalozi wa Kuwait umedhamiria mwaka huu kuwasilisha misaada ya futari katika miji, vitongoji, kata, mitaa, vijiji na maeneo ya mbali kote Tanzania ambapo hadi sasa mikoa ya Tanga, Iringa, Dar es salaam na visiwa vya Zanzibar imefaidika na misaada hiyo ambayo Ubalozi hushirikiana na asasi zisizokuwa za kiserikali za Tanzania katika kuwafikia walengwa.






MWANRI AWATANGAZIA KIAMA WANAOSHIRIKI KULA UBWABWA NA KUSHEREHEKEA NDOA ZA WATOTO WADOGO

Mkuu wa Mkoa wa Tabora Aggrey Mwanri
Na Tiganya Vincent 
26 May 2018
MKUU wa Mkoa wa Tabora Aggrey Mwanri ametanga kiama kwa watu wote wanaoshiriki kuwaoza watoto wadogo wakiwemo wa Shule kwa kuwakata na kuwafikisha Mahakamani ili waweze kuadhibiwa.
Hatua hiyo inalenga kukomesha mimba na ndoa za utotoni kwa watoto wa kike ikiwa ni sehemu ya kutetea haki za watoto wa kike kupata elimu kama walivyo wavulana na vile kuokoa maisha yao ambayo yanaweza kupotea wakati wa kijifungua kwa kuwa bado ni wadogo.
Mwanri alitoa amri hiyo jana katika vijiji vya Wilaya ya Igunga na Urambo mbalimbali wakati wa kampeni yake ya kutokomeza ndoa na mimba za utotoni.
Aliwaagiza Vyenyeviti wa Serikali za Mitaa, vijiji au  kuanza mara moja zoezi la kuwakamata watu wote ambao wataokutwa wakila  wali au kushabikia sherehe za ndoa ambayo Bibi harusi ni motto mdogo au mwanafunzi.
Mwanri alisema ni jambo la aibu kuona mfumo wa serikali upo kuanzia ngazi ya kijiji hadi Mkoa lakini bado Tabora inaendelea kutajwa kuwa miongoni mwa vinara wa mimba na ndoa za utotoni.
Mwanri alisema kuwa kiongozi wa ngazi yoyote akiwemo polisi akikuta kuna harusi ya mtoto aliye chini ya miaka 18 awe mwanafunzi au sio akamate watu wote wanaosherekea tukio hilo haramu kwa sababu linarudisha nyuma juhudi za kumkomboa mtoto wa kike kutoka mfumo dume.
“Ukifika katika harusi kabla ujaanza kula chakula ulinza binti aliyefunga ndoa ana umri gani…kama ni chini ya miaka 18 usile chakula ondoka…OCD , Mtendaji ukikutana aliyefungishwa ndoa ni chini ya miaka 18 …wapambe somba… mashangazi somba…bibi harusi na bwana harusi somba” alisisitiza
“Waliokula ubwabwa somba…aliyebeba ubwabwa wa harusi hiyo na kupeleka kwake somba…tutachambua mmoja baada ya mmoja ili kujua mwenye hatia na asiye na hatia tutamwachia ili watu wanyoke na waache kuwafuata watoto wadogo”alisema .
Mkuu huyo wa Mkoa alisema ili kuepuka kuingia katika matatizo ni vema vijana na watu wazima wanaonyemelea watoto wa kike na wale wanaoshabikia ndoa za utotoni kuacha mara moja na kutoa taarifa kwa mamlaka husika wanapoona mtu mwenye tabia chafu kama hizo ili awe kuchukuliwa hatua.
Alisema akiwa amepewa dhamana ya kuongoza Mkoa wa Tabora hatakubali kuendelea kupata aibu ya kunyoshewa vidole kwa mambo mabaya kama vile kuongoza katika mauaji , watoto kuwa watoro , mimba na ndoa za utotoni.
Mwanri aliwaonya viongozi na watendaji ambao watashindwa kusimamia utekelezaji wa kukomesha tabia hizo atawachukulia hatua ikiwemo kuwasimamisha na hatimaye kupendekeza wafukuzwe kazi ambao wako katika Mamlaka za juu.

ZIARA YA NAIBU WAZIRI DKT. NDUGULILE UWANJA WA NDEGE WA J.K NYERERE

Naibu Waziri wa Afya, Maendeleo ya Jamii, Jinsia, Wazee na watoto Dkt. Faustine Ndugulile akihoji ufanisi wa utendaji kazi wa moja ya mashine ya kupima na kutambua dalili za mgonjwa mwenye EBOLA zilizopo Uwanja wa ndege wa Kimataifa wa J.K Nyerere jijini Dar es Salaam.
Naibu Waziri wa Afya, Maendeleo ya Jamii, Jinsia, Wazee na watoto Dkt. Faustine Ndugulile akisikiliza kwa makini maelezo kutoka kwa Afisa Afya Mfawidhi wa Uwanja wa ndege wa Kimataifa wa J.K Nyerere Dkt. George Ndaki wakati alipofanya ziara katika Uwanja huo ili kujiridhisha na utendaji na ufanisi wa mitambo ya kutambua dalili za mgonjwa mwenye EBOLA.
Naibu Waziri wa Afya, Maendeleo ya Jamii, Jinsia, Wazee na watoto Dkt. Faustine Ndugulile akiendelea na Ziara katika Uwanja wa ndege wa Kimataifa wa J.K Nyerere jijini Dar es salaam akiongozana na mwenyeji wake Afisa Afya Mfawidhi wa Uwanja huo.  
Naibu Waziri wa Afya, Maendeleo ya Jamii, Jinsia, Wazee na watoto Dkt. Faustine akitoa maelekezo kwa Afisa Afya Mfawidhi wa Uwanja wa ndege wa Kimataifa wa J.K Nyerere Dkt. George Ndaki pindi alipofanya ziara jana katika uwanja huo. 

Picha ya pamoja ikiongozwa na Naibu Waziri wa Afya, Maendeleo ya Jamii, Jinsia, Wazee na watoto Dkt. Faustine Ndugulile akiwa katika eneo la kupokelea mizigo wakati akiendelea na ziara yake, kulia kwake ni Afisa Afya Mfawidhi wa Uwanja wa ndege wa Kimataifa wa J.K Nyerere Dkt. George Ndaki kushoto ni Kaimu Mkurugenzi wa huduma za kinga Dkt. Khalid Massa.

Na WAMJW-DSM
WIZARA ya Afya, Maendeleo ya Jamii, Jinsia,Wazee na Watoto imeridhika na maandalizi ya mfumo wa ufuatiliaji wa magonjwa ya milipuko ukiwemo ugonjwa wa Ebola katika mipaka yote na viwanja vya ndege nchini

Hayo yamesemwa jana na Naibu Waziri Dkt.Faustine Ndugulile wakati wa ziara yake katika Uwanja wa ndege wa Kimataifa wa Mwl. Julius Nyerere 

Dkt.Ndugulile amesema amefika hapo ili kuangalia hali ya maandalizi na ufungaji wa mashine za kisasa za utambuzi wa ugonjwa wa Ebola endapo itatokea mtu mwenye ugonjwa huo

Aidha, alisema wizara imeimarisha mifumo ya ufuatiliaji wa magonjwa nchini na kuweka mfumo wa kubaini watu wanaoingia kwa kubaini hali ya joto linaloongezeka kwa  mgeni anayeingia na kufanyiwa uchunguzi zaidi.

"tumeweka mfumo wa kuwafuatilia wale ambao watakua wamebainika na joto zaidi mahali watakapofikia na mawasiliano yao ili kujua hali zao na endapo atapata mabadiliko"

Naibu huyo aliongeza kuwa wamewafanyia mazoezi ya kutosha kwa watoa huduma wa mipakani na viwanja vya ndege na pia kuwapatia elimu jinsi ya kukabiliana na ugonjwa huo.

Dkt.Ndugulile ameendekea kusisitiza na kuwatia hofu wananchi kwamba hadi sasa hakuna mtu alobainika kuwa na ugonjwa wa Ebola na hali ya mipaka ya Tanzania ni Salama

Tetesi za Soka Ulaya Jumapili 27.05.2018

Joe Hart akiwania mpira

Haki miliki ya pichaREUTERS
Image captionJoe Hart akiwania mpira
Mlinda mlango wa Manchester City Joe Hart, 31, ameibuka kuwa chaguo la Manchester United kusaidia na David de Gea, 27. Baada ya meneja Jose Mourinho kuona mlinda mlango namba mbili Sergio Romero, 31 anataka kuondoka. (sun).
Meneja wa zamani wa Arsenal Arsene Wenger, anatarajia kurejea Japan kuendelea na kazi yake ya ukocha.(Mail on Sunday).
Juventus imezungumza na Atletico Madrid kuhusu uwezekano wa kumsajili mlinzi mwenye asili ya Uruguay, Diego Godin, 32.(Calciomercato)
Wakati huo huo beki wa kulia wa Juve Stephan Lichtsteiner, 34, anajiandaa kujiunga na Arsenal bila malipo ya uhamisho.(London Evening Standard)
Meneja Steve Bruce amemtaka kiungo wa kati Jack Grealish, 22, kubaki Aston Villa kwa msimu mwingine baada ya fainali ya michuano ya mabingwa.(Express and Star)
Paris St-Germain mshambuliaji Neymar, 26,amerejea kauli yake kuwa ana shauku siku moja acheze chini ya meneja Pep Guardiola.(ESPN Brasil, in Portuguese)
Neymar anatamani kufanya kazi chini ya Pep GuardiolaHaki miliki ya pichaGETTY IMAGES
Image captionNeymar anatamani kufanya kazi chini ya Pep Guardiola
Everton inatarajia kutumia mwanya wa timu za Manchester United na Manchester City kukaa kimya kusajili mlinzi wa kushoto wa Tottenham Danny Rose, 27. (sun).
Wakati huo huo Rose ni miongoni mwa walinzi watatu wa kushoto ambao wapo kwenye rada za Manchester United akiwepo pia beki wa kushoto wa Juventus Alex Sandro, 27, na Elseid Hysaj, 24 wa Napoli. Uhamisho huo unatarajiwa kuona Matteo Darmian, 28, akienda Juventus. (Gazzetto dello Sport).
Hata hivyo, Paris St-Germain iko kwenye ushindani na Manchester United kunyakua saini ya Sandro ingawa United imeripotiwa kuanza mazungumzo na wakala wa mlinzi huyo mwenye asili ya Brazili.(Manchester Evening News)
Mwenyekiti wa klabu ya Ostersunds ya Sweden Daniel Kindberg na meneja wa timu hiyo Graham Potter wamesema wamepokea ombi la kuiongoza klabu ya Swansea City, licha ya kuwa hakuna mazungumzo ambayo yamefanyika mpaka sasa. (Wales Online).
Mshambuliaji wa Swansea,Jordan Ayew, 28, amekuwa akizungumziwa na Celtic, kwa mujibu wa rafiki wa karibu wa mchezaji huyo.(Daily Record)
Manchester City inakamilisha uhamisho wa kiungo mshambuliaji Riyad Mahrez,27 kutoka Leicester City kwa kitita cha Pauni milioni 75. (Mail on Sunday)
Riyad MahrezHaki miliki ya pichaGETTY IMAGES
Image captionRiyad Mahrez
West Ham inaripotiwa kuongoza katika mbio za kumsajili mlinzi wa Barcelona, Marlon Santos, 22, ambaye kwa sasa yuko kwa mkopo na klabu ya Nice.(Mundo Deportivo, in Spanish)
Borussia Dortmund imekuwa na mazungumzo na Chelsea kuhusu ombi la kumsajili Michy Batshuayi. mshambuliaji huyo alitumia nusu ya pili ya msimu kwa mkopo katika klabu hiyo ya Ujerumani.(Mail on Sunday)

Ronaldo kutangaza mustakabali wake punde

Ronaldo amefunga mabao 120 kwenye ligi ya mabingwa kuliko mchezaji mwingine yeyote

Haki miliki ya pichaGETTY IMAGES
Image captionRonaldo amefunga mabao 120 kwenye ligi ya mabingwa kuliko mchezaji mwingine yeyote
Cristiano Ronaldo amesema punde atatangaza mustakabali wake baada ya kuisaidia Real Madrid kushinda kombe mara ya tatu kwenye michuano ya Ligi ya mabingwa.
Real iliitandika Liverpool 3-1 mjini Kiev siku ya Jumamosi, kutokana na matunda ya GarethBale na shambulio la Karim Benzema
Ingawa Ronaldo hakupachika goli, alimaliza akiwa mfungaji bora msimu huu akiwa na magoli 15.
''siku chache zijazo nitatoa majibu kwa mashabiki'' Ronaldo aliliambia shirika la Bein Sports
''Ilikuwa safi sana kuwa Real Madrid.''Mustakabali wa mchezaji yeyote wa Madrid sio muhimu: muhimu ni kuwa tumeweka historia''.
Alipoulizwa kufafanua kwa nini alitumia sentensi ya wakati uliopita kuhusu kuichezea Madrid, Ronaldo aliongeza, ''Sina shaka, sio muhimu.
''Nahitaji kupumzika, kukutana na timu ya Ureno (Kabla ya Kombe la Dunia) na katika kipindi cha wiki chache ''nitawatangazia ''.
Ronaldo 33 amekuwa na Real Madrid tangu mwaka 2009 na ana mkataba na klabu hiyo mpaka mwaka 2021.
Ni mchezaji wa kwanza kushinda mataji matano ya ligi ya mabingwa tangu kubadilishwa mfumo na kuwa Euefa mwaka 1992.
Lakini alipoulizwa kama hakufurahishwa na kutokufunga goli kwenye fainali, alisema ''Nani hakufurahishwa''? Labda wanapaswa kubadilisha jina la michuano na kuwa michuano ya mabingwa ya CR7, akaulizaa, nani ana mataji mengi? na nani mwenye magoli mengi?''

Zidane:Najivunia kuwa sehemu ya Mafanikio ya Real Madrid

Zinedine Zidane ni Meneja pekee aliyewezesha timu yake kunyakua mataji matatu mfululizo

Haki miliki ya pichaGETTY IMAGES
Image captionZinedine Zidane ni Meneja pekee aliyewezesha timu yake kunyakua mataji matatu mfululizo
Zinedine Zidane amesema anajivunia kuweka historia na Real Madrid baada ya kunyakua taji la ligi ya mabingwa dhidi ya Liverpool siku ya Jumamosi.
Real Madrid ilishinda mabao 3-1 huku Gareth Bale akifunga magoli mawili
Real ni timu yenye mafanikio zaidi kwenye historia ya ligi ya mabingwa ikiwa na mataji 13.
Zidane alisema:''hii ni klabu ya wakongwe. Klabu hii imeshinda makombe 13 ya Ulaya nafurahi kuwa sehemu ya historia hii
Aliongeza: '' tunakwenda kufikiria kuhusu tulichokipata, kufurahia wakati huu kwanza.Ni kitu muhimu zaidi kwa sasa''.
Real Madrid ilianza na kikosi cha kwanza dhidi ya Liverpool kama walivyofanya kwenye michuano ya mwaka 2016-17Haki miliki ya pichaGETTY IMAGES
Image captionReal Madrid ilianza na kikosi cha kwanza dhidi ya Liverpool kama walivyofanya kwenye michuano ya mwaka 2016-17
Timu tatu pekee zimeshinda kombe la mabingwa barani Ulaya, Real ikiwa na mataji matano tangu mwaka 1956, Ajax (1971-73) na Bayern Munich (1974-76).
Hata hivyo Real ni ya kwanza tangu kubadilishwa kwa jina la michuano hiyo.
Kiungo Luka Modric anaamini itakuwa ngumu kwa timu kufikia mafanikio ya Real
''Ni jambo la ajabu la kihistoria, aliiambia BT Sport ''Sijui kama kuna mtu atarudia hili siku za usoni.''

Matangazo ya vyakula mitandaoni huponza watoto

Vyakula visivyo bora hutangazwa kwenye mitandao ya kijamii ili kuwavutia watoto

Haki miliki ya pichaENERGYY
Image captionVyakula visivyo bora hutangazwa kwenye mitandao ya kijamii ili kuwavutia watoto
Mitandao ya kijamii huenda ikachochea watoto kula vyakula visivyofaa, utafiti umeeleza
Umegundua kuwa watoto wanaojihusisha sana na kutazama mitandao hii wakiona watu wanatumia vyakula vyenye sukari na mafuta kwa wingi nao huiga kwa kula vyakula vyenye asilimia 26% ya vyakula hivyo zaidi kuliko watoto wasiofuatilia mitandao.
Utafiti, uliowasilishwa kwenye Bunge la Ulaya kuhusu unene, ulichambua kuhusu muitikio wa watoto kutokana na picha za mitandaoni.
Matokeo ya utafiti huoyamekuja baada ya kuwepo kwa wito wa kuweka sheria kali dhidi ya matangazo ya vyakula visivyo bora
Nyota wa kwenye mitandao ya kijamii walioainishwa kwenye utafiti ni pamoja na Zoella, mwenye wafuasi milioni 10.9 kwenye mtandao wa Instagram na Alfie Deyes, mwenye wafuasi milioni 4.6.
Watoto 176 waligawanywa kwenye makundi matatu na kuonyeshwa picha za watu maarufu wakitangaza kuhusu vyakula visivyo na afya, vyakula bora, na bidhaa zisizo chakula.
walionyeshwa vyakula vilivyo bora na visivyo bora ili kuchagua, ikiwemo zabibu, karoti, chocolate na pipi za Jeli.
Dokta Emma Boyland, mmoja kati ya watafiti kutoka chuo cha Livepool, akisema kuwa watoto wanaamini watu wanaowaona kwenye picha ni watu kma marafiki zao.
watangazaji hao wamekuwa wakiaminiwa na vijana wadogo hivyo inapaswa watu kuwajibika, Alieleza.
Watafiti wametoa wito wa kuwalinda watoto mitandaoni, hasa kwenye chaneli za mitandao ya kijamii ambako huwa haijulikani kama wanaelewa tofauti kati ya tangazo na maudhui ya kweli.
Alfie Deyes ni mmoja wa nyota wa kwenye mitandao ya kijamii aliyetumika kwenye utafitiHaki miliki ya pichaPA
Image captionAlfie Deyes ni mmoja wa nyota wa kwenye mitandao ya kijamii aliyetumika kwenye utafiti
Dokta Boyland alisema: ''Kwenye Televisheni kuna maelezo mengi zaidi kuhusu tangazo wakati likiwekwa, kuna muziki ndani ya tangazo na hata mapumziko, lakini kwenye digitali mtazamaji hupewa taarifa nyingi kwa wakati mmoja .
Kiongozi wa jopo la watafiti hao, Anna Coates anasema ''tunajua ukiwaonyesha watoto tangazo la kinywaji, watoto huibuka kukipenda kinywaji hicho.Tulitaka kufahamu mtazamo wao kwa mtu huyu maarufu, kwenye mtandao wa kijamii.
''Tumeona kuwa watoto huvutiwa na watu maarufu mitandaoni , utafiti utakaofuata tutaangalia kama wanaelewa hilo, mara nyingi watu maarufu hulipwa ili kutangaza bidhaa''.
Rais wa Chuo cha afya , kimetaka Serikali kuweka sheria za kumlinda mtoto ambazo zitakuwa mbinu za kupambana na tatizo la uzito mkubwa kwa watoto.