TANGAZO


Saturday, December 3, 2016

SERIKALI YAKANUSHA KATIBU MKUU, OFISI YA RAIS-UTUMISHI KUJIUZULU



BALOZI SEIF IDDI AZINDUA KAMBI YA UCHUNGUZI WA AFYA ZA WANANCHI KITUO CHA AFYA CHA MAHONDA ZANZIBAR

Makamu wa Pili wa Rais wa Zanzibar, Balozi Seif Ali Iddi akikata utepe kuashiria kuzindua Kambi ya uchunguzi wa Afya  katika Kituo cha Afya Mahonda chini ya Watalaamu kutoka Jumuiya ya Kimataifa ya Baps Charities. Kushoto ya Balozi Seif Ali Iddi  ni Muweka Hazina wa Jmuiya ya Baps Charities Bwana Kapil Dave. (Picha zote na Hassan Issa – OMPR – ZNZ) 
Daktari dhamana ambaye pia ni Mkuu wa Kitengo cha Macho Hospitali Kuu ya Mnazi Mmoja Dr. Slim Mo’h Mgeni wa kwanza kutoka Kulia akimpatia maelezo Balozi Seif anayeshuhudia uchunguzi wa Macho katika Kambi ya afya iliyowekwa Kituo cha Afya Mahonda. 
Balozi Seif akimvisha Miwani Mmoja wa wananchi baada ya kumaliza kufanyiwa uchunguzi wa Afya na kubainika anahitaji kuwa na miwani ya kusomea. 
Msongamano mkubwa wa wananchi waliojitokeza kufanya uchunguzi wa Afya katika Kituo cha Afya Mahonda chini ya Madaktari na wataalamu wa Jumuiya ya Kimataifa ya Baps  Charities. 

Na Othman Khamis Ame
Ofisi ya Makamu wa Pili wa Rais wa Zanzibar
2/12/2016.
MAKAMU wa Pili wa Rais wa Zanzibar Balozi Seif Ali Iddi alisema utamaduni wa kupima afya kila baada ya kipindi ni jambo la msingi linalomuwezesha Mwanaadamu kuendelea kuishi vizuri kwa matumaini.

Alisema vipo baadhi ya vifo vya kushitua vinavyowashangaza watu katika maeneo mbali mbali lakini vikichunguzwa chanzo chake hubainika kuwa ni ukosefu wa utambuzi  wa maradhi yaliyokuwa yakimsumbua marehemu ambayo wataalamu walikuwa na uwezo wa kuyatibu.

Balozi Seif Ali Iddi ambae pia ni Mwakilishi wa Jimbo la Mahonda alisema hayo wakati akizindua  rasmi Kambi ya Siku mbili ya Uchunguzi wa maradhi mbali mbali yanayowasumbua wananchi pamoja na kutolewa dawa bure, miwani za kusomea kwa wale watakaobanika kuwa na matatizo ikiwemo pia operesheni za Macho.

Kambi hiyo iliyofunguliwa katika Kituo cha Afya Mahonda inaendeshwa chini ya udhamini wa Jumuiya ya Kimataifa ya kuhudumia jamii ya Baps Charities ikijumuisha wataalamu na Madaktari Bingwa wapatao kumi kutoka Nchini India na Dar es salaam.

Balozi Seif aliwaeleza wananchi hao waliojitokeza kufanya uchunguzi wa Afya zao kuwa na tahadhari ya kujiepusha na ongezeko la maradhi ya kisukari na shindikizo la Damu kwa kuwaona wataalamu wa afya pale wanaoanza kuona dalili za maradhi hayo.

 Alisema vifo vingi vinavyotokea ndani ya jamii  kwa sasa vinaripotiwa kuhusisha maradhi ya Kisukari na sindikizo la Damu ambayo hatimae mgonjwa anaishia kukumbwa na maradhi ya kiharusi.

Makamu wa Pili wa Rais wa Zanzibar aliipongeza na kuishukuru Jumuiya hiyo ya Kimataifa ya kuhudumia Jamii ya Baps Charities kwa mchango wake mkubwa wa kusaidia jamii yenye kipato cha chini na mazingira magumu.

Mapema Mweka Hazina wa Jumuiya ya Baps Charities Bwana Kapil Dave alisema Taasisi yao imeamua kutoa huduma za Afya kwa jamii ya kipato cha  chini baada ya kubaini ongezeko kubwa la gharama katika upatikanaji wa huduma za afya.

Bwana Kapil aliwatoa hofu Wananchi kwamba huduma za Afya pamoja na Dawa zinazotolewa na Wataalamu na Mabingwa wa Taasisi hiyo hazina mashaka yoyote baada ya kufanyiwa uhakiki na vyombo vinavyohusika Kimataifa.

Mweka Hazina huyo wa Jumuiya ya Baps Charities aliishukuru Serikali ya Mapinduzi ya Zanzibar pamoja na watendaji wote wa Sekta ya Afya waliochangia kuwajengea mazingira bora ya uchunguzi pamoja na utowaji wa huduma za Afya hapa Zanzibar.

Bwana Kapil alifahamisha kwamba ushirikiano huo wa pande mbili ndio uliowawezesha wataalamu wa Afya wa Baps kurejea kutoa huduma tena  Zanzibar baada ile huduma waliyotowa mwanzo katika Kijiji cha Paje Mkoa wa Kusini Unguja kipindi kilichopita.

Wataalamu na Mabingwa hao wa Sekta ya Afya kutoka Baps Charities wanafanya uchunguzi wa maradhi mbali mbali pamoja na kutoa dawa bure ikiwemo miwani za kusomea kwa Wananchi wanaofika kwenye Kambi hiyo.

Zaidi ya Wananchi 1,000 kutoka sehemu mbali mbali za Majimbo na Shehia zilizomo ndani ya Wilaya ya Kaskazini “B” wamejitokeza kufanya uchunguzi wa afya zao na kupatia dawa pamoja na ushauri.

MREMBO ANNA NITWA AFANIKISHA UKARABATI WA CHOO CHA WODI YA KINAMAMA WANAJIFUNGUA WATOTO NJITI HOSPITALI YA DODOMA

Mlimbwende anayeshikilia Taji la Urembo la Mkoa wa Dodoma (Miss Dodoma 2016/17), Anna Nitwa (wa pili kulia) akiwa na Mbunge wa Jimbo la Dodoma Mjini ambaye pia ni Naibu Waziri, Ofisi ya Waziri Mkuu, Kazi, Vijana na Ajira, Anthony Mavunde (wa pili kushoto) pamoja na madaktari wakati wakielekea kwenye Wodi ya Wazazi wanaojifungua Watoto kabla ya wakati (Njiti), katika Hospitali ya Mkoa wa Dodoma, Desemba 1, 2016.

Mrembo huyo ambaye aliguswa na hali aliyoikuta hapo awali wakati alipotembelea Wodi ya Wazazi wanaojifungua Watoto kabla ya wakati (Njiti) hasa pale alipoona mazingira ya choo cha kina Mama hao kuwa si ya kuridhisha kwa afya ya mama na Mtoto na ikizingatiwa kuwa watoto hao wanahitaji uangalizi wa hali ya juu, alijitolea kukikarabati Choo hicho na Desemba 1, 2016 alikikabidhi kwa uongozi wa Hospitali hiyo ya Mkoa wa Dodoma.

Akizungumza mbele ya wanahabari pamoja na uongozi wa Hospitali hiyo, Mrembo Anna Nitwa alisema "Siku ya Novemba 4, 2016 nilitembelea Wodi ya Watoto Njiti wakati wa kujiandaa na siku ya maadhimisho ya watoto wazaliwao kabla ya wakati ambayo ilikua Novemba 17, Niliona mazingira ya choo kilichokua kinatumiwa na Wazazi wa Watoto Njiti pamoja na wauguzi wao, hakikua katika hali nzuri. Hivyo niliahidi kushirikiana na washikadau mbalimbali ili kuweza kukarabati.

Aliendelea kusema kuwa "Wazazi wangu pamoja na watu wachache walioguswa waliweza kushirikiana nami kuchangia fedha za kukarabati choo hicho, na kazi ya ukarabati imekamilika na sasa nimekikabidhi.

Kwa Upande wa Mbunge wa Jimbo la Dodoma Mjini ambaye pia ni Naibu Waziri, Ofisi ya Waziri Mkuu, Kazi, Vijana na Ajira, Anthony Mavunde aliyeambatana na Mrembo huyo Hospitalini hapo, alimpongeza kwa kazi nzuri aliyoifanya na kumuahidi kuijenga korido ambayo itaunganisha Wodi hiyo na choo ili kuwasaidia wakina mama hao kuwa katika mazingira ya ulinzi hasa nyakati za usiku, kwani kwasasa choo hicho kipo kwa nje ya wodi hiyo, hivyo korido ikijengwa itawasaidia sana. 

Kwa upange wake Mganga Mkuu wa Hospitali ya Dodoma,Dkt. James Charles alitoa shukrani kwa Mrombo huyo kwa jitihada zake za kufanikisha ukarabati huo, na hasa kwa moyo wake wa kujitolea, na kuwaomba Watanzania wengine kujitolea kufanikisha mahitaji mengine Hospitalini hapo.
Mlimbwende anayeshikilia Taji la Urembo la Mkoa wa Dodoma (Miss Dodoma 2016/17), Anna Nitwa (kushoto) na Mbunge wa Jimbo la Dodoma Mjini ambaye pia ni Naibu Waziri, Ofisi ya Waziri Mkuu, Kazi, Vijana na Ajira, Anthony Mavunde (katikati) wakiwa katika Wodi ya Wazazi wanaojifungua Watoto kabla ya wakati (Njiti), katika Hospitali ya Mkoa wa Dodoma, Desemba 1, 2016.
Mbunge wa Jimbo la Dodoma Mjini ambaye pia ni Naibu Waziri, Ofisi ya Waziri Mkuu, Kazi, Vijana na Ajira, Anthony Mavunde akiangalia namna Choo hicho kilivyokarabatiwa kwa jitihada za Miss Dodoma 2016/17, Anna Nitwa.
Kinavyoonekana kwa ndani.
Mlimbwende anayeshikilia Taji la Urembo la Mkoa wa Dodoma (Miss Dodoma 2016/17), Anna Nitwa akiwa amewabeba watoto Mapacha, wakati alipotembelea Wodi ya Wazazi wanaojifungua Watoto kabla ya wakati (Njiti), katika Hospitali ya Mkoa wa Dodoma, Desemba 1, 2016.

MHANDISI NGONYANI AWATAKA DMI KUBUNI VYANZO VYA MAPATO

Mmoja wa Wakufunzi wa Chuo cha Bahari Dar es Salaam (DMI) akimwonyesha Naibu Waziri wa Ujenzi, Uchukuzi na Mawasiliano, Eng. Edwin Ngonyani, moja ya vifaa vinavyotumiwa na abiria wakati meli inapozama wakati Naibu Waziri huyo alipohudhuria mahafali ya 12 ya chuo hicho, jijini Dar es Salaam. 
Mhandisi wa Meli kutoka Chuo cha Bahari Dar es Salaam, Capt. Jumanne Karume. akimwelezea Naibu Waziri wa Ujenzi, Uchukuzi na Mawasiliano, Eng. Edwin Ngonyani namna meli inavyoendeshwa kwenye chumba cha nahodha, alipotembelea chuo hicho wakati wa mahafali ya 12 ya chuo hicho jijini Dar es Salaam.
Naibu Waziri wa Ujenzi, Uchukuzi na Mawasiliano, Eng. Edwin Ngonyani (kushoto), akiwatunuku wahitimu wa moja ya kozi zinazotolewa na Chuo cha Bahari Dar es Salaam (DMI), jijini Dar es Salaam. 
Naibu Waziri wa Ujenzi, Uchukuzi na Mawasiliano, Eng. Edwin Ngonyani (kulia), akimkabidhi zawadi mwanafunzi aliyefanya vizuri katika mahafali ya Chuo cha Bahari Dar es Salaam (DMI), jijini Dar es Salaam. 
Naibu Waziri wa Ujenzi, Uchukuzi na Mawasiliano, Eng. Edwin Ngonyani (kulia) na Makamu Mwenyekiti wa Bodi ya DMI, Bi. Rukia Shamte, wakiangalia zawadi aliyopewa mgeni rasmi na Chuo hicho katika mahafali ya chuo hicho, jijini Dar es Salaam.

NAIBU Waziri wa Ujenzi, Uchukuzi na Mawasiliano Mhandisi Edwin Ngonyani, ameutaka uongozi wa Chuo cha Bahari cha Dar es salaam (DMI), kubuni na kutafuta vyanzo madhubuti vya mapato ili kusaidia kutatua changamoto zilizopo chuoni hapo.

Akizungumza katika Mahafali ya 12 ya Chuo hicho yaliyofanyika jijini Dar es salaam, Mhandisi Ngonyani amesema kuwa uwepo wa vyanzo imara vya mapato chuoni hapo utapelekea kutimiza malengo yake ya kutoa elimu na mafunzo yanayokubalika ndani na nje ya nchi.

“Wizara ingependa kuona DMI inaongeza ubunifu wa kutafuta vyanzo madhubuti vya mapato, Mkiwa na fedha mtaweza kutatua changamoto ndogo ndogo mlizonazo na kufikia malengo mliojiwekea”, amesema Mhandisi Ngonyani.

Ameutaka uongozi huo kukamilisha na kuwasilisha haraka upembuzi yakinifu na usanifu wa kina wa mahitaji halisi ya majengo ya madarasa na ofisi za walimu ili kuiwezesha serikali kuchukua hatua stahiki.

Aidha, amewahakikishia wanafunzi kuwa Serikali itaendelea kusimamia mazoezi ya vitendo kwa wanafunzi wanaochukua fani mbalimbali chuoni hapo ili waweze kukubalika ndani na nje ya nchi.

Kwa upande wake Mwenyekiti wa Bodi chuoni hapo Bi Rukia Shamte, amemhakikishia Naibu Waziri huyo kukamilisha taarifa ya Upembuzi yakinifu na kuiwasilisha kwake ili kuweza kufanyiwa kazi.

Ameiomba Serikali kuongeza bajeti kwa ajili ya chuo hicho ili kuboresha miundombinu ya chuo ikiwemo ununuzi wa vifaa  mbalimbali vya mafunzo na ujenzi wa madarasa.

“ Kwa sasa tupo katika hatua ya mwisho za kumaliza upembuzi yakinifu na usanifu wa kina wa ujenzi wa jengo la wakufunzi pamoja na madarasa ili kukifanya chuo kibaki kwenye hadhi ya kimataifa, tukimaliza tutawasilisha serikalini kwa hatua zaidi, amesema Mwenyekiti wa Bodi.

Zaidi ya wahitimu 70 wa fani mbalimbali wamehitimu katika mahafali ya 12 ya chuo hicho yaliyofanyika jijini Dar es salaam.
Imetolewa na Kitengo cha Mawasiliano Serikalini, Wizara ya Ujenzi, Uchukuzi na Mawasiliano.

PROF. OLE GABRIEL: SIRI YA MAFANIKIO KATIKA TAASISI NI KUFIKIRI KIMKAKATI NA USIMAMIZI BORA

Katibu Mkuu Wizara ya Habari, Utamaduni, Sanaa na Michezo Prof. Elisante Ole Gabriel akiongea na Menejimenti ya Chuo Kikuu cha Sayansi na Teknolojia cha Mbeya (MUST) alipowatembelea akiwa mmoja wa wanachuo wa mwanzao waliohitimu katika chuo hicho ambapo awali kilijulikana na kama Taasisi ya Sayansi na Teknolojia (MIST). Prof. Ole Gabriel amewahimiza viongozi hao wawe msatari wa mbele katika kusimamia taaluma na kuwajengea uwezo wanafunzi wao wajitambue na wawe na utamaduni bora wa kufikiri kimkakati na usimamizi ili waweze kuendana na ulimwengu wa sasa. (Picha zote na Eleuteri Mangi, WHUSM, Mbeya)
Katibu Mkuu Wizara ya Habari, Utamaduni, Sanaa na Michezo Prof. Elisante Ole Gabriel akitembelea moja ya karakana wakati wa ziara yake hivi karibuni katika Chuo Kikuu cha Sayansi na Teknolojia cha Mbeya (MUST).  
Katibu Mkuu Wizara ya Habari, Utamaduni, Sanaa na Michezo Prof. Elisante Ole Gabriel akiteta jambo na Makamu Mkuu wa Chuo Kikuu cha Sayansi na Teknolojia cha Mbeya (MUST) Prof. Joseph Msambichaka mara baada ya kikao na Menejiment ya chuo hicho wakati wa ziara yake hivi karibuni Mkoani Mbeya. 
Makamu Mkuu wa Chuo Kikuu cha Sayansi na Teknolojia cha Mbeya (MUST), Prof. Joseph Msambichaka (katikati), akimkabidhi Katibu Mkuu Wizara ya Habari, Utamaduni, Sanaa na Michezo Prof. Elisante Ole Gabriel (kulia) moja ya madaftari yake aliyotumia wakati akisoma chuni hapo kikijulikana kama Taasisi ya Sayansi na Teknolojia (MIST).
Katibu Mkuu Wizara ya Habari, Utamaduni, Sanaa na Michezo Prof. Elisante Ole Gabriel akifurahia zawadi ya moja ya madaftari aliyotumia akiwa mwanafunzi katika Taasisi ya Sayansi na Teknolojia (MIST), ambapo kwa sasa ni Chuo Kikuu cha Sayansi na Teknolojia cha Mbeya (MUST). 
Moja ya vyombo vya usafiri alivyotumia Katibu Mkuu Wizara ya Habari, Utamaduni, Sanaa na Michezo Prof. Elisante Ole Gabriel akiwa mwanafunzi katika Taasisi ya Sayansi na Teknolojia (MIST), ambapo kwa sasa ni Chuo Kikuu cha Sayansi na Teknolojia cha Mbeya (MUST).  
Katibu Mkuu Wizara ya Habari, Utamaduni, Sanaa na Michezo Prof. Elisante Ole Gabriel (aliyevaa tai nyekundu) akiwa katika picha ya pamoja mara baada ya mkutano wake na Menejimenti ya Chuo Kikuu cha Sayansi na Teknolojia cha Mbeya (MUST) hivi karibuni mkoani Mbeya.

Na Eleuteri Mangi-WHUSM, Mbeya
VIONGOZI wa Chuo Kikuu cha Sayansi na Teknolojia cha Mbeya (MUST) wametakiwa kuwa imara katika kusimamia taaluma chuoni hapo na kuwajengea uwezo wanafunzi wa kujitambua na kuwa utamaduni bora wa kufikiri kimkakati na usimamizi ili waweze kuendana na kasi ya ulimwengu wa sasa wa sayansi na teknolojia.

Katibu Mkuu Wizara ya Habari, Utamaduni, Sanaa na Michezo Prof. Elisante Ole Gabriel amsema hayo, alipokuwa akiongea na wajumbe wa Menejimenti ya Chuo Kikuu cha Sayansi na Teknolojia cha Mbeya (MUST) hivi karibuni alipokuwa katika ziara ya kikazi mkoani Mbeya.

Prof. Ole Gabriel amewaambia wajumbe hao kuwa siri kubwa ya mafanikio ni pamoja na kutimiza amri ya sita za kufikiri kimkakati na usimamizi ikiwemo kujenga utendaji bora, kudumisha utendaji bora, kuelewa kazi za msingi wako, kujua mshindani wako katika kazi unayofanya, kukabiliana na kasi ya Teknolojia pamoja na kuwa wazi juu ya malengo uliyojiwekea wakati wote.

Ili chuo hicho kifikie malengo yake, Prof. Ole Gabriel amewaambia wajumbe wa Menejimenti ya Chuo hicho kuwa ni vema wawe na utamaduni wa kufanya tafiti mbalimbali na usimamizi hatua ambayo itakifanya chuo hicho kuwa bora miongoni mwa vyuo vikuu nchini kwa kutoa wananfunzi wenye ubora unaohitajika kwenye soko la ajira ndani na nje ya nchi.

Zaidi ya hayo, viongozi hao wameshauriwa pia kujenga utamaduni wa kuwa miongoni mwa watu wenye fikra kubwa ambao wanania ya kutengeneza mambo yatokeee na wasiwe watu wa wastani wenye nia lakini wanaangalia mambo yatokee wala wasiwe watu wenye akili za kawaida wenye nia lakini wanashangaa kwanini mambo yanatokea.

Aidha, Prof. Ole Gabriel amezitaja sifa za mtu anayefikiri kimkakati na usimamizi kuwa ni pamoja na daima kuona fursa nje ya matatizo, kuwa na mkakati wa majadiliano, kuripoti matatizo na ufumbuzi mbadala, pamoja na kufanya maamuzi kwa haraka na kwa usahihi.

Kwa upande wake Makamu Mkuu wa Chuo Kikuu cha Sayansi na Teknolojia cha Mbeya (MUST) Prof. Joseph Msambichaka kwa niaba ya Menejimenti amemshukuru Katibu Mkuu Prof. Ole Gabriel kuwajali na kuwathamini ikizingatiwa ni miongoni mwa wanachuo wa mwanzao waliohitimu katika chuo hicho ambapo awali kilijulikana na kama Taasisi ya Sayansi na Teknolojia (MIST).

Akitoa taarifa fupi ya chuo, Prof. Msambichaka amesema kuwa chuo kwa sasa kina jumla ya wanachuo 3,852 ambapo idadi ya wanachuo wa wanaume 3,236 na idadi ya wanawake ni 616 ambao wanasoma katika sehemu nne za chuo hicho.

Sehemu hizo ni Taasisi ya Sayansi na Teknolojia, Taasisi ya Uhandisi na Teknolojia, Shule ya Mafunzo ya Biashara pamoja na Chuo cha Sayansi na Ualimu wa Ufundi.

MWALIMU AFARIKI KATIKA MKUTANO WA CHAMA CHAO CHA CWT JIJINI DAR ES SALAAM


Mwalimu Tuhobwike Mwinuka Mwakatumbula enzi za uhai wake.
Jeneza lenye mwili wa mwalimu Tuhobwike Mwinuka Mwakatumbula likiwa ndani ya Kanisa la Kiinjili la Kilutheri Tanzania (KKKT), Usharika wa Wazo Hili Dar es Salaam leo asubuhi wakati wa ibada ya kuuaga mwili huo.
Mume wa marehemu, Samuel Mwakatumbula akimbusu mke wake wakati wa ibada hiyo ya kumuaga mpendwa wake. Kushoto ni mtoto wake Kelvin.
Binamu wa marehemu, Nobert Nselu (kulia) akimsaidia rafiki wa karibu wa marehemu mama Malugu wakati mwili wa marehemu ukiwasili nyumbani kwake.
 Rafiki wa marehemu mama Malugu (katikati) akisaidiwa.
Waombolezaji wakiwa msibani nyumbani kwa marehemu 
Wazo Hill.

 Ni huzuni kubwa. 
Wakina mama wakiwa na maua wakati wakisubiri mwili wa marehemu kuingizwa ndani.
Jeneza lenye mwili wa marehemu likiingizwa nyumbani kwake. 
Mume wa marehemu Samuel Mwakatumbula akimuaga mke wake.
Mtoto mkubwa wa marehemu, Nico Mwakatumbula (katikati), akisaidiwa baada ya kutoa heshima za mwisho kwa mama yake.
Waombolezaji wakiingiza jeneza lenye mwili wa marehemu katika Kanisa la KKKT Usharika wa Wazo Hill.
Mwili ukiwa kanisani.
Mume wa marehemu akiwa na watoto wake. Kutoka kulia ni Gloria, Kelvin na Nico.
Wanafamilia wakiwa katika ibada hiyo ya kumuaga mpendwa wao.
Waumini wa kanisa hilo, wakiwa kwenye ibada hiyo.

Na Dotto Mwaibale
MWALIMU Tuhobwike Mwinuka Mwakatumbula wa Shule ya Msingi Kumbukumbu katika Manispaa ya Kinondoni amefariki dunia wakati akiwa katika mkutano wa Chama Cha Walimu Tanzania (CWT) na viongozi wa Idara ya Elimu wa manispaa hiyo.

Kifo cha mwalimu huyo, kimetokea Desemba 2, 2016 Siku ya Ijumaa majira ya jioni wakati viongozi hao, walipokuwa wakimalizia ziara yao ya kutembelea shule mbalimbali katika manispaa hiyo.

Akizungumza na mwandishi wa habari hizi, mume wa marehemu Samuel Mwakatumbula alisema mke wake hakuwa na tatitizo lolote la kiafya na siku ya tukio hilo, aliamka salama na kumuaga kuwa anawahi kwenye mkutano huo.

"Siku chache kabla ya kifo chake, mke wangu aliniambia alikuwa hajisikii vizuri kwani alikuwa na uchovu wa kawaida," alisema Mwakatumbula.

Mwakatumbula alisema alipigiwa siku na kuambiwa kuwa mke wake alianguka ghafla wakati mkutano ukiendelea na kupoteza fahamu ambapo alikimbizwa Hospitali ya Mount Mkombozi iliyopo maeneo ya Morocco ambapo waliambiwa tayari alikuwa amefariki.

Mwili wa marehemu ulisafirishwa jana kwenda Kiwira wilayani Rungwe mkoani Mbeya kwa maziko yatakayofanyika leo marehemu ameacha mume na watoto watatu, Nico, Kelvin na Gloria.(Imeandaliwa na Dotto Mwaibale)

Maiti za walioangamia kwenye ajali ya ndege Colombia kuwasili Brazil

Ajali hiyo ilingamiza karibu timu yote ya ChapecoenseImage copyrightAP
Image captionAjali hiyo ilingamiza karibu timu yote ya Chapecoense
Miili 71 wa watu walioangamia kwenye ajali ya ndege nchini Colombia ambapo pia timu ya kandanda ya Brazili iliangamia zinarejeshwa nyumbani.
Zaidi ya watu 100,000 wanatarajiwa kujitokesa katika ibada ambayo itafanyika kwenye uwanja wa michezo wa Chapeco baadaye
Ni watu 6 walionusurika kwenye ajali hiyo ya siku ya Jumatatu.
Ibada itafanyika uwanja wa ChapecoImage copyrightREUTERS
Image captionIbada itafanyika uwanja wa Chapeco
Rais wa Brazil Michele Temer ataamkua ndege ya kijeshi ambayo itabeba maiti hizo.
Bwana Temer anatarajiwa kuwapa tuzo katika sherehe katika uwanja wa ndege wa Chapeco -nyumbani kwa wachezaji hao, Kusini mwa Brazil.