Wanasayansi wamepiga hatua kubwa katika matibabu ya binadamu kwa kupata kipimo cha damu kinachogundua aina tofauti za Saratani.
Timu ya Watafiti kutoka Chuo Kikuu cha Johns Hopkins wamefanyia utafiti njia ambazo zinaweza kugundua aina nane zinazosababisha ugonjwa huo.
Watafiti hao kutoka Uingereza wanasema mtu anapaswa kufanyiwa uchunguzi kwa mwaka, ili kuweza kugundua ugonjwa wa Saratani mapema na kuweza kuokoa maisha yake. Huku wakisifia matokeo ya utafiti wao.
Uvimbe hutokea na kuonesha dalili kwamba ni ugonjwa wa Saratani hutoa viashiria vidogo vya vinasaba -DNA- zilizobadilika pamoja na protein kwenye mfumo wa damu.
- Uchunguzi wa kutafuta saratani unatafuta mabadiliko ya vinasaba 16 ambavyo hutokea mara kwa mara katika saratani, na proteni nane ambazo huwa ni viashiria vya hali ya mgonjwa.
- Wanyama wanaoweza kudhibiti Saratani
- Mkate 'tosti' unaweza kuchangia saratani
- Waziri India asema ''dhambi husababisha saratani'
- Onyo kuhusu saratani ya matiti bila uvimbe
Utafiti huo ulifanyiwa majaribio kwa wagonjwa 1,005 wenye Saratani katika ini, tumbo, mirija ya uzazi, mapafu na maeneo mengine mbalimbali ambayo bado ugonjwa huo haujaenea katika maeneo mengine.
Kwa ujumla vipimi vya utafiti huo hupata asilimia 70 ya Saratani.
Akizungumza na BBC Dokta Cristian Tomasetti kutoka Chuo Kikuu cha Johns Hopkins amesema hatu ya kutambua ugonjwa wa Saratani mapema ni muhimu na matokeo ni ya kusisimua.
Saratani inapogundulika mapema inakuwa na nafasi kubwa ya kuweza kuitibu.
Wataalamu wanasema pia kwa baadhi ya wagonjwa matibabu yanaweza kuwa mabaya zaidi kuliko kuishi na saratani yenyewe ambayo haiatarishi haraka maisha.
No comments:
Post a Comment