KCB yafungua akaunti ya Taasisi za Kijamii nchini

Kaimu Mkurugenzi wa Benki ya KCB Tanzania, Godfrey Ndalahwa akiongea na wadau wa Taasisisi za kijamii (hawapo pichani)wakati wa hafla ya chakula cha jioni kilichoandaliwa na benki hiyo kwa lengo la kuwaelimisha wadau hao jinsi ya kujiunga na Akaunti ya kijamii isiyokuwa na makato. Akaunti hiyo ni kwaajili ya Taasisi mbalimbali za Kijamii, zikiwemo mashule, NGO, Vikoba, Saccos. Hafla hiyo ilifanyika mwishoni mwa wiki jijini Dar es Salaam.

Kaimu Mkurugenzi wa Benki ya KCB Tanzania, Godfrey Ndalahwa akiwafafanulia  Jambo kwenye vipeperushi Mkurugenzi Mtendaji wa Shule ya Heritage iliyopo Banana Dar es Salaam,(katikati) Mkuu wa T-Marc Tanzania Ibrahim Toroka vinavyoelezea jinsi ya kujiunga na Akaunti ya kijamii isiyokuwa na makato akaunti hiyo ni kwaajili ya Taasisi mbalimbali za Kijamii ,zikiwemo mashule,NGO,Vikoba,Saccos. Hafla hiyo ilifanyika mwishoni mwa wiki jijini Dar es Salaam.

Dar es Salaam, Juni 27, 2014

KATIKA kuboresho huduma za kijamii  nchini benki ya KCB Tanzania imewaletea wateja wake huduma mpya ya akaunti ya jamii ambayo imelenga zaidi taasisi zenye malengo ya kuisaidia jamii kama vile Elimu, Afya, kidini, manispaa, mashirika yasiyo ya kiserikali (NGOs), SACCOS, VIKOBA, vilabu mbalimbali vya kijamii.

Hayo yalibahanishwa  na Kaimu Mkurugenzi Mtendaji wa benki hiyo, Godfrey Ndalahwa wakati wa hafla fupi ya chakula cha jioni iliyoandaliwa mwishoni mwa wiki kwa ajili ya wateja wao jijini Dar es Salaam ambapo waliweza kufahamishwa juu ya huduma mbalimbali zinazotolewa na benki hiyo ikiwemo akaunti mpya za kijamii.

“Leo tumekusanyika hapa katika hafla hii fupi ya chakula cha jioni kwa lengo la kuongea na ninyi wateja wetu ili tubadilishana mawazo juu ya huduma zetu za kibishara tunavyoendesha. Tumekuwa tukikutana na wateja wetu mara kwa mara katika mikoa ya mikoa ya Arusha, Kilimanjaro, Morogoro, Mwanza, Zanzibar na leo jijini Dar es Salaam.tukiwa na lengo kubwa la kuwafikia wateja wengi zaidi kwa kuzungumza nao kwani tunaamini kwa kufanya hivyo tutakuwa tumewasaidia zaidi jinsi ya kufanya biashaa na kuweza kutunza fedha zao.” Alisema Ndalahwa

Akizungumzia juu ya huduma mpya ya akaunti ya jamii, Mkurugenzi huyo alisema, “Akaunti ya jamii (community account) ni sawa kabisa na ile ya biashara (current account) lakini tofauti kubwa ni kwamba hii imeelekezwa zaidi kuisaidia jamii. Hivyo basi, hii haina makato yoyote ya uendeshaji na inatoa huduma zote shirikishi bure kabisa kama hundi, uhamishaji na uingizaji wa pesa kutoka akaunti moja kwenda nyingine  hapa nchini (TT). Pia hakuna kiwango cha kufungulia akaunti, akaunti hii ni maalumu kwa taasisi zenye kuleta mabadiliko katika jamii yaani taasisi zenye malengo ya  ustawi wa jamii kama vile; Taasisi za elimu, afya, kidini, manispaa, mashirika yasiyo ya kiserikali, SACCOS, VIKOBA, vilabu mbali mbali vya kijamii (social clubs) na kadhalika.

“Kuzinduliwa kwa akaunti hii kunaambatana pia na mikakati ya benki ya KCB katika kuisadia jamii yatu inayotuzunguka. Benki yetu kwa kulijua hili imeelekeza misaada yake kwa jamii kupitia sekta muhimu zikiwemo elimu, afya, mazingira , ujasiriamali  na kusaidia maafa mbalimbali nchini. Kwa kipindi cha miaka mitatu iliyopita

benki ya KCB imeweza kusaidia jamii kwa kutoa misaada mbalimbali yenye  thamani ya zaidi ya Sh. Bilioni 1.0 ” Aliongezea

Kwa upande wa kuisaidia jamii Bw. Ndalahwa alielezea kuwa wanafahamu kwamba si rahisi kuondoa kabisa matatizo mbalimbali yanayoikabili jamii yetu kwa mara moja. Kikubwa wanachokiamini ni kuwa jitihada za kufanya hivyo zinatakiwa ziwe endelevu hadi pale matatizo hayo yatakapotokomea kabisa na benki yake itakuwa mstari  wa mbele katika hilo.

 “Mkurugenzi huyo alitoa wito  kwa shule mbalimbali, hospitali na vituo vya afya mbalimbali, taasisi za kidini, mashirika yasiyo ya kiserikali, Vikoba, SACCOS kujaribu kutumia akaunti halafu mjionee kama mtatamani tena  akaunti ya biashara ya kawaida. Pia tuna akaunti nyingine nzuri sana kama akaunti yetu ya akiba inayoitwa simba servers – ambapo unapata asilimia 6-7.” Alisema.

Mbali na kuwa na matawi mbalimbali nchini, huduma za benki ya KCB pia zinapatikana katika nchi sita za Afrika yaani; Kenya, Uganda, Rwanda, Burundi na Sudani  Kusini ambapo huduma zake ziko kidigitali zaidi.