Aliyekuwa mpiga gita wa Skylight Band, marehemu Chiri Challa azikwa jijini Dar es Salaam

Waombolezaji wakiwa msibani jana. Kushoto mwenye tisheti nyeusi ni Mratibu wa Skylight Band.

Baadhi ya waombolezaji wakibadilishana mawazo. Katikati ni mwanamuziki wa Skylight band, Joniko Flower.

Waombolezaji wakiendelea kubadilishana mawazo wakati wakisubiri mwili wa marehemu kufika. Mwenye baibui nyeusi ni mke wa Chicago Matelephone na wanamuziki wa Skylight band.

Mkurugenzi wa Skylight Band, akijadili jambo na Aneth Kushaba ili kuweka mambo sawa kabla ya mwili wa marehemu kuwasili.

Gari lililobeba mwili wa marehemu Chill Challa likiwasili nyumbani kwa marehemu.

Ndugu na jamaa, wakishusha mwili wa marehemu Chili Challa.

Mwili wa marehemu ukishushwa kwa ajili ya ibada ya kuuombea.

Mchungaji wa Kanisa alipokuwa anasali marehemu Challa, akiongoza ibada ya kumuombea marehemu Ayoub Songoro maaruf Chill Challa aliyekuwa mwanamuziki na mpiga gita wa Skylight Band.

Misa ya kumuombea marehemu Chill Challa, ikiendelea nyumbani kwake, Mwananyamala.

Mke wa marehemu Challa, akiwa na majonzi.

Meneja wa bendi ya Skylight, Aneth Kushaba akiaga mwili wa marehemu, Challa.

Waombolezaji wakiuaga mwili wa marehemu Challa.

Jenenza la Challa likiingizwa kaburini.

Ndugu wa marehemu wakiweka Shada la maua kwenye kaburi.

MPIGA gitaa wa bendi ya Skylight, aliyefariki juzi katika Hospitali ya Muhimbili jijini Dar es Salaam, Chiri Challa, amezikwa katika makaburi ya Mwananyamala kwa Kopa, Kinondoni jana na kuhudhuriwa na wadau mbalimbali.

Awali uongozi wa bendi hiyo kupitia kwa Meneja wake, Aneth Kushaba ‘AK47’, ulieleza kuwa mwanamuziki huyo alifariki kutokana na ugonjwa wa kupooza nusu ya mwili wake, hali iliyosababisha kutofanya kazi ipasavyo.

Kushaba alibainisha kuwa kupooza huko kulisababisha mishipa ya damu kichwani kupasuka na kumsababishia maumivu makali sehemu za kichwani.

“Tunatoa pole kwa familia ya marehemu na mashabiki wetu wote katika kipindi hiki kigumu cha msiba wa mpendwa wetu,” alisema Kushaba.