Makombora:UN yaishtumu Korea Kaskazini

 
Korea Kaskazini

Baraza la usalama la Umoja wa Mataifa limeishutumu vikali Korea Kaskazini kufuatia majaribio ya hivi majuzi ya makombora ya masafa marefu na kuitaka iache kukiuka maazimio ya Umoja wa Mataifa.

Baraza hilo linalojumuisha mshirika wa Korea Kaskazini China kwa pamoja lilikubaliana na taarifa iliyosema kuwa majaribio hayo hayakubaliki.

Siku ya Ijumaa Korea Kaskazini ilirusha kombora moja ambalo lilisafiri karibu umbali wa kilomita 800 kabla ya kuanguka baharini

Pia ilirusha makombora mawili ya masafa mafupi mapema mwezi huu.