Huduma ya maji yaepusha kuvunjika kwa ndoa na watoto wa nje ya ndoa

Waziri wa Maji Prof. Jumanne Maghembe akisaini kitabu cha wageni katika ofisi za Mkuu wa Wilaya ya Bunda baada ya kuwasili ofisini hapo. 

Mkuu wa Wilaya ya Bunda, Joshua Mirumbe akisoma taarifa ya Sekta ya Maji ya wilaya yake kwa Waziri wa Maji Prof. Jumanne Maghembe.

Wananchi wa Kijiji cha Ligamba wakimkaribisha Waziri wa Maji Prof. Jumanne Maghembe. 

Mtendaji wa Kijiji cha Ligamba A, Debora Faresi akisoma taarifa ya Mradi wa Maji wa Ligamba/Kitaramaka. 

Waziri wa Maji Prof. Jumanne Maghembe, akiweka jiwe la msingi la Mradi wa Maji wa Ligamba/Kitaramaka.

Wananchi wa kijiji cha Mumagunga, wakimkaribisha Waziri wa Maji Prof. Jumanne Maghembe kwenye mradi wa kijiji hicho. 

Mwenyekiti wa Jumuiya ya Watumiaji Maji kijiji cha Mumagunga, Wegoro Chikoba, akisoma taarifa ya Mradi wa Maji wa kijiji hicho. 

Waziri wa Maji Prof. Jumanne Maghembe, akiteta jambo na Mbunge wa Mwibara Kangi Lugola. 

Mwenyekiti wa Kijiji cha Mumagunga Francis Kazimoto, na akipokea hati ya makabidhiano ya Mradi wa Maji wa Mumagunga,  na Mkandarasi  wa Mhandisi wa Kampuni ya Ukandarasi ya Halem Co Ltd, Mhandisi Juma Msasa. 

Mbunge wa Mwibara Kangi Lugola, akizungumza na wananchi wa kijiji huku akionesha furaha yake kwa Waziri wa Maji, Prof. Maghembe.

Mbunge wa Mwibara Kangi Lugola, akipeana mkono na Waziri wa Maji, Prof. Maghembe, kuashiria furaha aliyonayo kwa kukamilika kwa mradi wa kijiji cha . 

Baadhi ya wananchi wa kijiji cha Mumagunga, wakieleza furaha yao kwa kupata maji. 

Baadhi ya wananchi wa kijiji cha Mumagunga, wakieleza furaha yao kwa kupata maji.

Baadhi ya wananchi wa kijiji cha Mumagunga, wakieleza furaha yao kwa kupata maji.

Hussein Makame-MAELEZO, Bunda

WANANCHI wa Vijiji vya Ligamba A na Mumagunga wameishukuru Serikali kwa kuwapatia huduma ya maji kwani ndoa zilianza kuparaganyika na kwamba itaepusha watoto wa nje ya ndoa kutokana na wanaume kukosa muda wa kukaa na wake zao kwa kuhangaikia maji.

Wameleza hayo baada ya Waziri wa Maji, Prof. Jumanne Maghembe kuweka mawe ya msingi kwenye miradi ya maji ya vijiji vyao ambayo itawafanya wapate maji ambayo walikuwa wakiyakosa kwa muda mrefu.

Wakizungumza kwenye mkutano wa kijiji cha Mumagunga, baadhi ya wananchi wa kijiji hicho wamesema wamekuwa wakihamka saa 8: 00 usiku kwenda kutafuta maji huku wakiwaacha waume zao nyumbani na wakati mwingine kurejea bila maji.

“Kwa niaba ya kina mama wa kijiji cha Mumagunga napenda kumshukuru Waziri kwa kupata nafasi ya kufika hapa kwetu leo, ni farijiko la kina mama wa Mumagunga kwa mara ya kwanza tumumuona Waziri hapa kijijini kwetu” alisema Milta Masau na kuongeza:

“Lakini pia tunapenda kushukuru mradi kufika hapa kwetu na wakina mama wa Mumagunga tumekuwa tukipata adha ya siku nyingi na tumekuwa tukihangaika kwa muda mrefu sana.Utakuta mama anaamka asubuhi saa 12 kwenda kutafuta maji lakini mpka saa 9 ndio anafika nyumbani huku hajapata maji”

Alisema hali hiyo ilisababisha familia zetu ziki[ata shida ni namna gani ya kupata huduma za kila siku lakini sasa kutokana na kupelekewa mradi huo adha hiyo itakuwa umeondoka.

Naye Lucia Mahela  alishukuru kwa kupata maji kwani walikuwa na shida sana na huduma hiyo kwani walikuwa wakiamka asubuhi sana na wakati mwengine walipigana na waume zao kutoakana na kukosa huduma hiyo.

“Tunashuku mbunge wetu kwa kupata maji kwa sababu tulikuwa tunamka saa 8 usiku kutafuta maji na saa nyingine tunarudi bila maji na tunapigana kwa ajili ya maji, lakini leo tumenenepa kwa ajili ya maji” alisema Mahela na kuongeza:

"Msinione kukonda hivi ni kwa ajili ya maji nafikiri baada ya muda wa wiki moja nitakuwa nimeshanenepa.Sasa mimi naomba kwa wenzangu huyu (mbunge) tumfanye mkono aendelee mpaka mwisho”

Kwa upande wao Wilison Mlengwa na Yahya Gngemka walishukuru kupata maji kwani wake zao walikuwa wanawaacha vitandani kwenda kutafuta maji na hali hiyo itaepusha kupata watoto nje ya ndoa.

“Nishukuru ujio wa Waziri wa Mji Profesa Jumanne Maghemba na mbunge wetu Kangi Lugola kwa jitihada kubwa, nisememe kwamba kwa muda mrefu tulikuwa na shida ya maji lakini leo tumepata nuru” alisema Lmengwa na kuongeza:

“Na hata wake zetu watapata kupumua kwa sababu siku nyingi tulikuwa wanatuacha kwenye vitanda wanaenda kwenye maji na tutakuwa nao bega kwa bega mpaka asubuhi”.

Naye Gengemka alishukuru kupata maji kwani ndoa zo zilishaanza kuparaganyika kwa sababu ya shida ya maji.

“Kwanza nashukuru kupata maji tulikuwa na matatizo mengi ndoa zetu pia zilikuwa zimeanza kuparaganyika kwa sababu zilikuwa zinaonekana nusu siku, robo siku tulikuwa tunakaa na wanawake” alisema na kuongeza:

“Kati ya saa 12 usiku tulikuwa tunakaa saa 3 tu, asaa zaidi zilikuwa ni kuhemea maji, kwa hiyo sasa hivi nashukuru kwamba ndoa zimezidi kuimarika kwa hiyo hatutakuwa na matatizo tena ya watoto ambao wapo kinyume na utaratibu wa ndoa”

Wananchi wa kijiji cha Ligamba walisema tatizo la maji timewasababishia matatizo makubwa katika ndoa zao, hivyo kuwekwa jiwe la msingi ni matumaini kuwa watapata maji ya inavyotarajiwa.

Mbunge Lugola alikiri kumsumbua sana Waziri Prof. Maghembe juu ya huduma ya maji kwa wananchi wake lakini alimuomba amuamini kwamba maji yatapatikana na yeye angekwenda, na kweli ameona.

Alisema tatizo hilo la maji lilisababisha wanawake wa Mumagunga wakipata posa wanakataliwa kutokana na tatizo la maji, hivyo anashukuru kwa jitihada zake za kuwapatia maji.

Waziri wa Maji Prof. Maghembe alioneshaKarukekere mradi umekamilika na Mramba mradi umetekelezwa kwa asilimia 70 ambayo asilimia iliyobaki itakamilishwa kwa asilimia 100.

Alisema mradi huo sasa ni wa kijiji hivyo wauendeshe kwa kufuata taratibu na kuzingatia utoa matunda ya kutosha kwa wananchi wa kijiji hicho na wala wasifanye mradi huo kuwa biashara.