UNHCR yahamasisha wakimbizi kutambuliwa

Kamishna Mkuu wa UNHCR,Antonio Guterres

Shirika la Wakimbizi duniani linaanzisha kampeni ya kumaliza hali ya kuwepo kwa watu wasio na makazi yani wasio na uraia na pasi za kusafiria.

Umoja wa Mataifa unakadiria kuwa kuna takriban watu milioni kumi duniani ambao hawapati huduma za afya, elimu na hata haki za kisiasa wakiwemo watoto wanaozaliwa kwenye kambi za wakimbizi na hata makundi ya watu wanaonyanyaswa.

Kamishna Mkuu wa Shirika hilo Antonio Guterres ametoa wito kwa Serikali mbalimbali duniani kutoa uraia kwa Watoto wasio na makazi wanaozaliwa katika maeneo ya mipaka yao.