Mahakama Kenya yatupilia mbali kesi zilizopinga ushindi wa Kenyatta

Haki miliki ya pichaAFP/GETTY

Image captionJaji Mkuu David Maraga

Mahakama ya Juu Kenya imetupilia mbali kesi mbili zilizokuwa zimewasilishwa kupinga uchaguzi wa marudio, imeidhinishwa ushindi wa Rais Uhuru Kenyatta.

Rais Kenyatta sasa anatarajiwa kuapishwa Jumanne wiki ijayo.

Jaji Mkuu David Maraga amesema majaji kwa kauli moja wameamua kwamba kesi zote mbili hazina msingi.

• Mfahamu rais 'wa kidijitali' Uhuru Kenyatta
• Wasifu wa Raila Odinga, kiongozi wa upinzani Kenya

• Kenyatta atangazwa mshindi wa urais Kenya akiwa na kura 7.5m

Kesi ya mbunge wa zamani Bw Harun Mwau na wanaharakati wawili Njonjo Mue na Khelef Khalif zimetupiliwa mbali.

"Uchaguzi wa 26 Oktoba umedumishwa, sawa na ushindi wa Bw Kenyatta. Kila upande utasimamia gharama yake," amesema.

Uamuzi wa kina utatolewa katika kipindi cha siku 21.

Image captionWafuasi wa Kenyatta wamejitokeza kusherehekea uamuzi huo katika barabara za Nairobi na mingi mingine

Rais Uhuru Kenyatta alitangazwa mshindi wa urais wa marudio akiwa na kura 7,483,895 sawa na 98%.

Kiongozi wa upinzani Raila odinga aliyesusia uchaguzi huo alipata kura 73,228 sawa na asilimia 0.96.

Jumla ya wapiga kura 7,616,217 kati ya jumla ya wapiga kura 19.6 milioni ambao wamejiandikisha kuwa wapiga kura nchini humo walishiriki uchaguzi huo. Hiyo ni asilimia 38.84.

• Kwa Picha: Uchaguzi wa marudio Kenya

Matokeo kamili ya wagombea wote kama yalivyotangazwa na tume ya uchaguzi

Mgombea	Chama	Kura	Asilimia
Uhuru Kenyatta	Jubilee	7,483,895	98.28
Raila Odinga (Alisusia)	ODM	73,228	0.96
Mohamed Abduba Dida	ARK	14,107	0.19
Japheth Kavinga Kaluyu	Mgombea wa kujitegemea	8,261	0.11
Michael Wainaina Mwaura	Mgombea wa kujitegemea	6,007	0.08
Joseph Nthiga Nyagah	Mgombea wa kujitegemea	5,554	0.07
John Ekuru Aukot	Thirdway Alliance	21,333	0.28
Cyrus Jirongo	UDP	3,832	0.05