Shein atangazwa mshindi wa urais Zanzibar

Bofya hapa kwa habari za karibuni zaidi
12:30 Matokeo kamili kama yalivyotangazwa na Tume ya Uchaguzi Zanzibar (ZEC), yanaonesha licha ya Chama cha Wananchi (CUF) kususia, mgombea wake Maalim Seif Sharif Hamad alipata kura 6,076 kwenye uchaguzi wa marudio uliofanyika Jumapili.

Hamad Rashid Mohamed wa chama cha ADC ndiye wa pili akiwa na kura 9,734.

12:20 Mgombea wa CCM Dkt Ali Mohammed Shein amekabidhiwa cheti wa ushindi wa urais.

12:08 Dkt Ali Mohammed Shein atangazwa mshindi wa uchaguzi wa urais Zanzibar akiwa na kura 299,982.

Download Flash Player now

You need to install Flash Player to play this content.

11:57 Mgombea urais wa CCM Dkt Ali Mohammed Shein yumo ukumbini.

11:54 Bw Jecha kwa sasa anatoa hotuba ya kufungua kikao cha kutangazwa kwa matokeo.
11:49 Mwenyekiti wa Tume ya Uchaguzi Zanzibar (ZEC) Salim Jecha amewasili ukumbi wa kutangaziwa matokeo. Tume imesema itatangaza matokeo yote muda mfupi ujao.

11:27 Gazeti la Mwananchi linaripoti kwamba mgombea urais wa CCM Dkt Ali Mohamed Shein aongoza matokeo ya awali ya urais majimbo ya Chonga kura 3598, Ziwani (2890), Wawi (4147), Ole (3818), Chake Chake (4551). Matokeo rasmi bado yanasubiriwa.
11:00 Baadhi ya waliowania urais wamefika ukumbini na kuketi. Mmoja wao ni mgombea wa ADC Hamad Rashid.

10:30 Wanahabari, waangalizi na maafisa wengine wa uchaguzi tayari wamo ukumbini wakisubiri kuanza kutangazwa kwa matokeo.

10:20 Kulikuwa na wagombea 14 kwenye karatasi za kura za kumchagua rais. Majina yao ndiyo haya:

1	Khamis Iddi Lila	ACT-W
2	Juma Ali Khatib	ADA-TADEA
3	Hamad Rashid Mohamed	ADC
4	Said Soud Said	AFP
5	Ali Khatib Ali	CCK
6	Ali Mohamed Shein	CCM
7	Mohammed Massoud Rashid	CHAUMMA
8	Seif Sharif Hamad	CUF
9	Taibu Mussa Juma	DM
10	Abdalla Kombo Khamis	DP
11	Kassim Bakar Aly	JAHAZI
12	Seif Ali Iddi	NRA
13	Issa Mohammed Zonga	SAU
14	Hafidh Hassan Suleiman	TLP

10:15 Ulinzi mkali umewekwa katika ukumbi wa kutangazia matokeo. Mbwa wa ulinzi pia wametumika kukagua eneo hilo, ambalo mwenyekiti wa Tume ya Uchaguzi Zanzibar Selim Jecha Selim anatarajiwa kutumia kutangaza matokeo.
10:00 (Saa za Afrika Mashariki). Hujambo! Matokeo ya mapema ya uchaguzi wa marudio uliofanyika visiwani Zanzibar Jumapili yanatarajiwa kutangazwa leo.
Karibu kwa taarifa za moja kwa moja kuhusu kutangazwa kwa matokeo hayo.