Mtuhumiwa wa mauaji ya Rwanda akamatwa

Image copyrightGetty

Image captionNtaganzwa ni mmoja wa watu ambao wamekuwa wakitafutwa sana

Marekani inasema kuwa mtu mmoja anayetuhumiwa kuhusika pakubwa katika mauaji ya kimbari nchini Rwanda mwaka 1994, amekamatwa katika Jamhuri ya Kidemokrasia ya Congo.

Ladislas Ntaganzwa, ambaye ni meya wa zamani, anatuhumiwa kwa kuwaua maelfu ya watu na kupanga ubakaji wa jumla mwaka huo wa 1994.

Ni mmoja kati ya washukiwa tisa wakuu wanaosakwa na Umoja wa Mataifa.

Wengine wanane bado hawajulikani waliko.

Marekani ilikuwa imeahidi zawadi ya dola 5 milioni kwa atakayesaidia kukamatwa kwake.

Image copyrightOther

Image captionNtaganzwa ni mmoja wa watu ambao wamekuwa wakitafutwa sana

Idara ya ulinzi nchini Rwanda imekuwa ikimtuhumu kwa kuwa mchochezi mkuu na mpangaji wa mauaji ya kimbari katika wilaya ya Butare, kusini mwa Rwanda.