Tigo yachangisha fedha kwa ajili ya makundi ya wasiojiweza Kanda ya Ziwa

Watazamaji wakifuatilia  

 Watazamaji wakifuatilia onesho hilo.

 Wakiwa kwenye mafunzo ya muziki.

David twininge akiburudisha. 

 David twininge akiburudisha.

Emmanuel Muabe. 

 Emmanuel Muabe.

Wasanii wakitumbuiza. 

 Wasanii wakitumbuiza.

Wasnii wakitumbuiza. 

 Wakifundishwa kuogelea. 

 Wakifundishwa kuogelea.  

 Mashauri akizungumza na waandishi wa habari.

Mashauri akizungumza na waandishi wa habari. 

Pendo Kuzenza akichora.

 Pendo Kuzenza akichora.

Wakiwa red carpet kupiga picha.

 Wakiwa red carpet kupiga picha.

Wakishangilia kwa shangwe. 

Wakishangilia kwa shangwe.

Na Mwandishi wetu, Mwanza

 20 Machi 2015 

TIGO Tanzania leo imeungana na wanafunzi wa shule ya kimataifa ya Isamilo pamoja na wasanii kadhaa kutoka Mwanza katika tamasha la muziki linalokusudia kuchangisha fedha kwa ajili ya kuwasaidia wananchi wenye shida mbali mbali kutoka ukanda wa ziwa ikiwemo wanaokumbwa na umasikini na maradhi.

Harambee hiyo ilihudhuriwa na Meneja Masoko wa Tigo Kanda ya Ziwa Bw. Ally Mashauri jijini Mwanza ambaye alisema, “Tukio hili linadhihirisha nia yetu ya dhati ya kuboresha hali ya maisha ya watu nchini Tanzania. Pesa hii inayochangishwa itawanufaisha mashirika yasiyo ya kiserikali kama Friends of Children, Saturday School na Forever Angels.

”

“Imekuwa ikirudiwa mara nyingi kwamba elimu ni ufunguo wa maisha kwa mtu mmoja mmoja, jamii na hata nchi nzima. Ni kwa moyo huu huu basi Tigo inapenda kuwaunga mkono yatima hawa katika kufanikisha malengo yao ya kimaisha,” alisema Mashauri.

 

Mashauri pia alisema kwamba, “Siku zote tumekuwa tukishiriki katika kutoa mchango wetu kwa jamii, si tu katika sekta hii ya elimu, bali hata kwa sekta zingine ikiwemo afya, ujasiriliamali jamii, uwajibikaji kwa jamii na mengine mengi ambayo yamesaidia kuboresha maisha ya mamilioni ya Watanzania nchini, kama mlivyoshuhudia hivi karibuni katika kijiji cha Mkwata, Shinyanga ambapo Tigo tulitoa msaada wa kiasi cha shilingi milioni 30 kwa waathirika wa mafuriko ya mvua.”

“Tunafanya hivi tukiamini ya kwamba kama kampuni ya Kitanzania, ni wajibu wetu kuendelea kushirikiana na wadau wetu na serikali katika kujaribu kutoa suluhu kwa changamoto mbali mbali za kijamiii, ili kuweza kubadilisha maisha ya Watanzania pamoja na uchumi mzima wa nchi kwa ujumla,” alisema.