Bungeni leo mjini Dodoma

Waziri wa TAMISEMI Mhe.Hawa Ghasia akijibu swali kwa niaba ya Waziri wa Nchi,Ofisi ya Rais na Menejimenti ya Utumishi wa Umma lililoulizwa na Mhe. Yahya Issa (Mb )wa Chwaka tarehe 20.03.2015.Mjini Dodoma. 

Serikali yahitaji (Laboratory Technician) 10,000

Na Anitha Jonas – MAELEZO, Dodoma.

SERIKALI imesema inauhitaji wamafundi sanifu 10,000 wa maabara (Laboratory Technicians) mpya  zionazojengwa  nchini.

Hayo yameyasema na Waziri wa Nchi, Ofisi ya Waziri Mkuu, Tawala  za  Mikoa na Serikali za Mitaa (TAMISEMI) Bungeni Mjini Dodoma, Mhe.Hawa Ghasia  alipokuwa  akijibu  swali la nyongeza la Mbunge wa Chwaka, Yahya Kassim Issa (CUF).

Katika swali lake Issa alitaka kujua kwa nini Serikali huwapa mikataba watumishi waliostaafu wakati wapo vijana wengi ambao hawana kazi.

Waziri Ghasia alisema Serikali hutoa mikataba kwa baadhi ya kada ambazo bado hazijitoshelezi kutokana na kuwa na wataalamu wachache.

“Kwa mfano kwa sasa Serikali ina mahitaji makubwa wa mafundi sanifu wa maabara kwa ajili ya kusimamia maabara zetu zinazojengwa walipo kwa sasa hawafiki 1,000 wakati mahitaji ni 10,0000,” alisema Ghasia.

Awali akijibu swali la Msingi la Mbunge huyo, Ghasia alisema sio sera ya Serikali kuwaajiri wastaafu isipokuwa pale tu inapoonekana ni kwa manufaa ya umma kutokana na mahitaji makubwa katika sekta husika.

Alisema vijana na wasomi waliohitimu vyuo mbalimbali hapa nchini hupatiwa ajira kulingana na mahitaji ya bajeti  iliyopo.

Waziri Ghasia alisema Kwa mujibu wa Kifungu cha 17 (1) cha Sheria ya Pensheni kwa Watumishi wa Umma sura namba 371, mtumishi wa umma anayo hiari ya kustaafu kwa hiyari akifikisha umri wa miaka 55.

aibu Waziri wa Wizara ya Habari Vijana Utamaduni na Michezo Mhe.Juma Nkamia  akijibu swali la msingi la Mhe.Abdallah Ali (Mb) wa Kiwani tarehe 20.03.2015,Mjini Dodoma.

Serikali kuboresha kiwango cha Soka nchini

Na Anitha Jonas – MAELEZO, Dodoma.

SERIKALI ya Jamhuri ya Muungano wa Tanzania  yajipanga kufanya Utafiti  wa  kushuka kwa kiwango cha soka nchini hayo yasemwa Naibu Waziri wa Habari,Vijana,Utamaduni na Michezo Mhe.Juma Nkamia,Bungeni Mjini Dodoma tarehe 20.03.2015.

Mhe.Nkamia aliyasema hayo alipokuwa akijibu swali la Mhe.Abdallah Ali Mbunge wa (Kiwani)lililohoji juu ya kushuka kwa kiwango cha soka nchini ikilinganishwa na miaka ya 1970 na 1980,na kusema kushuka kwa soka nchini kunategemeana na vigezo mbalimbali ikiwemo ligi za ndani,Idadi ya Timu zinazoshiriki pamoja na matokeo ya Kimataifa na Viwango vya FIFA.

“Serikali inatoa pongeza Shirika la NSSF  pamoja na Timu ya Real Madrid kwa kuanzisha mfumo mzuri wa kuinua soka la Tanzania kwa kuanzisha timu za kuibua vvijana wenye vipaji vya kucheza soka nchini”,alisema Mhe.Nkamia.

Katika kipindi cha maswali ya nyongeza Mhe. Mussa Azzan Zungu, Mbunge wa Ilala, ambaye ni mdau mkubwa wa michezo alihoji juu ya mpango wa Serikali wa kuweka picha za wachezaji maarufu wa zamani katika Uwanja wa Taifa mfano kama mchezaji  Abdallah Kibadeni na wengine waliyoiletea sifa kubwa taifa.

Naye Naibu Waziri wa Habari,Vijana,Utamaduni na Michezo alijibu kuwa serikali inashughulikia suala hilo ila kumekuwa na tatizo kubwa la upatikanaji wa picha za wachezaji hao wazamani lakini Wizara itajitahidi kulighulikia hilo kwa ushirikiano na Idara ya Habari Maelezo.

Mbali na hayo Mhe.Nkamia alisema  kigezo cha wachezaji wa miaka ya 1970  hadi 1980 kulikuwa na idadi ndogo ya wachezaji ukilinganisha na sasa pia idadi ya klabu za soka zilikuwa hazidi hata 30 kwa wakati  huo bali kwa sasa kuna zaidi ya vilabu 100.

Pia katika miaka ya 1980 Tanzania ilikuwa na wachezaji wasiozidi watano waliokuwa wakicheza soka la kulipwa na kuanzia miaka ya 2000 mpaka sasa kuna wachezaji zaidi ya 15 wanaocheza soka la kulipwa kwa wakati mbalimbali nje ya nchi.

Serikali ya Pinga Hoja ya Kuanzishwa kwa Mwenge Mikoani

Na Anitha Jonas- MAELEZO, Dodoma.

SERIKALI imepinga Suala la kuanzishwa kwa Mwenge utakao kuwa unakimbizwa kwa kila Mkoa kwa dhana ya kujaribu kupunguza gharama za Mbio za Mwenge nchini,hayo aliyasema Naibu Waziri wa Habari,Vijana,Utamaduni na Michezo Mhe.Juma Nkamia alipokuwa akijibu swali Bungeni Mjini Dodoma.

Mheshimiwa Nkamia alisema kuwa kuanzishwaji kwa Mwenge kwa kila Mkoa kutaondoa dhana halisi ya  kuwepo kwa Mwenge nchini kwani falsafa ya Mwenge ni Mshikamano kwa Taifa,Umoja kwa Taifa,Amani kwa Taifa pamoja na Maendeleo kwa Taifa.

“Suala  la kuwepo na Mwenge mmoja Kitaifa ni kitu sahihi kabisa na hata tukiangalia nchi za wenzetu mfano Jumuiya ya Madola wanakifimbo cha malkia ambacho huzungushwa katika nchi zote za Jumuiya ya Madola,pia upo Mwenge wa Olimpiki ambao huzungushwa dunia nzima hivyo si busara kwa nchi yetu kuanzisha  utaratibu wa Mwenge kwa kila  Mikoa”,alisema Nkamia.

Hoja hiyo ya kupunguza gharama za mwenge pamoja na suala la kuanzishwa kwa Mwenge katika mikoa  ni swali  lilihojiwa na Mhe.Meshark Opulukwa Mbunge wa Meatu katika kipindi cha maswali na majibu na huku akiishauri serikali kutengeneza Mwenge huo hata kwa mabati chakavu kupunguza gharama.

Akijibu swali hilo Mhe. Nkamia alisema kutengeneza Mwenge kwa Mabati chakavu ni kuudhalilisha Mwenge na kuonyesha kutodhamini na kuelewa umuhimu wa Mwenge kwa Taifa. 

Waheshimiwa Wakuu wa Wilaya wakiwa wamesimama ndani ya Bunge mara baada ya kutambulishwa kwa uwepo wao, Mjini Dodoma tarehe 20.03.2015.

Muswada wa Sheria ya Udhibiti wa Umiliki Silaha wasomwa kwa mara ya Pili Bungeni 

Na Anitha Jonas – MAELEZO, Dodoma.

NAIBU Waziri  wa Mambo ya Ndani Mhe. Pereira Silima amesoma Muswada wa Sheria ya Kupendekeza kutungwa kwa  Sheria ya Usimamizi na Udhibiti wa Silaha ya mwaka 2014 Bungeni Dodoma kwa mara ya pili tarehe 19 Machi 2015.

Mhe.Silima alisema Serikali imeona umuhimu wa kutunga Sheria hii ya Udhibiti wa  Umiliki wa silaha kutokana na kukabiliana na tatizo la kuwepo na watu wengi wanao kumiliki silaha kinyume na sheria pamoja na kufanya matumizi mabaya ya silaha.

“Serikali imekubaliana na nchi wanachama wa Jumuiya ya Afrika Mashariki kuwa na mfumo wa kisheria baada ya kusaini na kuridhia maazimio ya kudhibiti uzagaaji wa  silaha haramu na sheria hii inaelekeza wazi kuwa mtu anaweza kumiliki silaha akiwa na umri wa kuanzia miaka 25,”alisema Mhe.Silima.

 Mhe.Silima aliendelea kusema kuanzia mwaka 2000 mpaka 2013 serikali ilikamata zaidi ya silaha 34,156 zilizokamatwa katika operesheni mbalimbali na silaha hizo ziliteketezwa.

Kwa upande wa Kamati ya kudumu ya Bunge ya Ulinzi na Usalama inayoongozwa na Mhe.John Chiligati aliipongeza serikali kupitia kifungu chake cha 19 kinachoeleza kuwa sihala zote zitawekwa alama ya utambuzi wa kitaifa,Pia baada ya sheria hii kupitishwa suala hilo lizingatiwe. 

“Kamati inapenda kuishauri Serikali katika kifungu cha 20(2) kuondoa adhabu ya kulipa faini kwa mtu anayemiliki silaha kinyume na sheria na badala yake ni kutumikia kifungu kisichozidi miaka mitano”,alisema Mhe.Chiligati.

Mhe.Chiligati aliendelea kusema kamati imeridhia marekebisho ya Serikali ya kuongeza idadi ya wajumbe wa kamati ili iwe na uwakilishi mpana  kutoka sekta binafsi,Pia Kamati imeshauri kifungu cha 5(3) kisomeke  kuwa mtu yeyote atakuwa na sifa za kuteuliwa kuwa mjumbe wa kamati endapo ni raia wa Jamhuri ya Muungano.

Naye Mbunge wa Nkasi Kusini Mhe.Desderius Mipata ameipongeza Serikali kwa kuunda Sheria itakayo dhibiti umiliki wa silaha  nchini, pia ameishauri serikali kuangalia ni namna gani itadhibiti maduka yanayouza silaha nchini.