Kamanda wa Polisi Mkoa wa Iringa, Ramadhani Mungi afunga mafunzo ya waendesha Bodaboda, Asasi ahidi kutoa pikipiki

Kamanda wa Polisi Mkoa wa Iringa, Ramadhani Mungi akimkabidhi jaketi maalumu la barabarani Mwenyekiti wa Bodaboda Mjini Iringa, Mwambope Joseph katika hafla iliyokwenda pamoja na bodaboda kukabidhiwa vyeti vya mafunzo ya wiki moja ya udereva (Picha zote na Francis Godwin)

Kamanda wa Polisi Mkoa wa Iringa, Ramadhani Mungi akimkabidhi cheti cha kuhitimu mafunzo ya wiki moja ya udereva wa bodaboda, Michael Nyalusi.

Afande Steven Nyandongo akiongoza kiapo kwa madereva 150 wa bodaboda wa mjini Iringa waliohitimu mafunzo ya udreva ya wiki moja jana.

Mwenyekiti wa Kamati ya Usalama Barabara Mkoa wa Iringa, Salim Asas akiahidi kutoa mafunzo kwa mdereva wa bodaboda wa mjini Iringa wasio na uwezo(hawapo pichani) na kuwapatia pikipiki moja kwa ajili ya ulinzi shirikishi (Picha na Francis Godwin) 

Na Francis Godwin, Iringa 

MWENYEKITI  wa   Kamati  ya Usalama Barabarani Mkoa wa Iringa, Salim Asas ameahidi kutoa msaada wa pikipiki kwa madereva bodaboda mjini Iringa kwa ajili ya kuendeleza ushirikiano na jeshi la Polisi kupitia dhana ya polisi jamii na ulinzi shirikishi.

 

Asas ametoa ahadi  hiyo jana baada ya  kufurahishwa na jitihada zinazofanywa na madereva wa bodaboda mjini Iringa katika  kupambana na  vitendo vya uhalifu .

Alisema  kuwa   pikipiki hiyo ataitoa  kwa madereva  hao  kupitia  chama  chao, Asas alisema  kuwa amevutiwa zaidi na umoja  uliopo kwa  madereva  hao boda  boda mjini Iringa na  kuwa katika kuwauga mkono  zaidi ili  vijana hao  kuendelea  kutoa ushirikiano kwa  polisi katika kupambana na vitendo vya uharifu mkoani Iringa atawapatia pikipiki  hizo kwa ajili ya kufanya shughuli za ulinzi.

Pia  Asas aliahidi kutoa ufadhili wa mafunzo ya udereva kwa madereva wa bodaboda wasio na uwezo baada ya kuelezwa kwamba baadhi yao wameshindwa kushiriki mafunzo hayo kutokana na ukosefu wa fedha. 

 “Pikipiki hii  itakayotumiwa na uongozi wenu wa bodaboda kusaidia shughuli za ulinzi shirikishi ili  kuufanya mji  wetu  na mkoa  kuwa salama zaidi"

Kwa upande  wake mgeni rasmi katika Hafla  hiyo ya ufungaji wa mafunzo ya udereva kwa madereva bodaboda, Kamanda wa Polisi Mkoa wa Iringa (RPC), Ramadhani Mungi mbali kupongeza jitihada za Asas pia aliagiza askari aliyetajwa kwa jina moja la Chande aondolewe mara moja kwenye kitengo cha askari wa pikipiki wa mjini hapa baada ya  kutuhumiwa na madereva boda boda  hao kuwa anawasumbua .

Alichukua hatua hiyo baada ya madereva hao kumshitaki askari huyo kwamba anavunja heshima ya askari wenzake na ya jeshi hilo wakimtuhumu kukithiri kwa vitendo vya kudai rushwa.

Tuhuma dhidi ya askari huyo ilitolewa na Mwenyekiti wa Bodaboda Manispaa ya Iringa, Mwambope Joseph wakati madereva 150 wa bodaboda wakikabidhiwa vyeti vyao vya kumaliza mafunzo ya wiki moja ya udereva wa pikipiki.

Mafunzo hayo yaliyoratibiwa na Afande Steven Nyandongo kwa kushirikiana na Chuo cha Udereva Iringa (Iringa Driving School) yalihusu sheria za usalama barabarani, alama na michoro ya barabarani, nidhamu ya mdareva, udreva wa kujihami, vyanzo vya ajali na tahadhari na utunzaji wa pikipiki.

Akiwatunuku vyeti vyao, RPC Mungi alisema shughuli ya bodaboda ina sura tatu amabzo ni ajira, biashara na huduma na kwamba uwepo wake unategemea kanuni, taratibu na sheria za nchi.

Akitangaza kukipokea kilio chao alisema “kuanzia leo askari Chande simtaki; apewe kazi nyingine; aondolewe mara moja kwenye kitengo cha askari wa pikipiki, simtaki, simtaki.”

Alisema katika kujenga mahusiano mazuri na madereva wa bodaboda ataendelea kupokea na kuyashughulikia matatizo yao kiungwana.

Alisema katika kuyashughulikia matatizo ya kila siku ya bodaboda, ofisi yake imeanzisha kitengo maalumu cha bodaboda kinachoratibiwa na Afande Zakaria Benard.

Katika taarifa yake kwenye hafla hiyo, Benard alisema kumekuwepo na ongezeko la ajali za bodaboda kutoka nane mwaka jana hadi 26 Septemba mwaka huu.

Alisema vinavyosababishwa na ajali hizo navyo vimeongezeka kutoka saba mwaka jana hadi 23 Septemba mwaka huu.

 Alisema baada ya madereva hao kupatiwa mafunzo, tathimini itakuwa ikifanywa kila mwaka ili kuona kama kuna mabadiliko.