HAYO yalisemwa na Mhe. Amina Masenza,
Mkuu wa Wilaya wa Ilemela, akizungumza kwa niaba ya Mkuu wa mkoa wa Mwanza,
Mhandisi Evarist Ndikilo wakati wa ufunguzi wa kampeni ya Mwanamke na Uchumi inayoendeshwa na Angels Moment, ambayo imelenga
kuwapatia wanawake uwezo na ujuzi wa kusimamia fedha ili kuwainua kiuchumi,
kibiashara na familia zao.
Mhe. Ilemela alisema kuwa serikali kwa kushirikiana na wadau mbali mbali imekuwa mstari wa mbele kuhakikisha mwanamke wa Taifa hili anakuwa huru kutoka katika mateso ya kiuchumi, ukosefu wa ajira, kuibua fursa za biashara na ujasiriamali na pia kutoa udhamini kwa wajasiriamali kupitia taasisi zake na kuwajengea uwezo wa kiuongozi katika kuongoza na kusimamia miradi yao.
Mhe. Ilemela alisema kuwa serikali kwa kushirikiana na wadau mbali mbali imekuwa mstari wa mbele kuhakikisha mwanamke wa Taifa hili anakuwa huru kutoka katika mateso ya kiuchumi, ukosefu wa ajira, kuibua fursa za biashara na ujasiriamali na pia kutoa udhamini kwa wajasiriamali kupitia taasisi zake na kuwajengea uwezo wa kiuongozi katika kuongoza na kusimamia miradi yao.
“Kuna fursa nyingi katika mkoa huu
ambazo kama zitatumiwa vizuri kupitia kampeni hii basi wanawake wajasiriamali
watajikomboa na kufanya biashara kwa uhakika zaidi na hivyo kuongeza kipato cha
wanawake wa mkoa wa mwanza na taifa kwa ujumla,” alisema Mhe. Masenza.
Aliendelea
kwa kusema, “Mkoa wa Mwanza kwa msiofahamu ni mkoa uliojaa fursa nyingi ambazo
mwanamke kama atashiriki kikamilifu basi zitatumika ipasavyo. Hapa kuna fursa
za biashara za samaki na bidhaa zake, madini, bustani za mboga mboga kwani kuna
maji ya kutosha nakadhalika.”
Mkuu huyo wa wilaya alichukua fursa
hiyo kuwasihi wanawake watakaoshikiri katika kampeni hii wawe chachu ya maendeleo kwa
kufanya biashara endelevu yenye tija kwa kujiwekea akiba na pia kutumia faida
ya biashara zao kuongeza mitaji. Pia aliwatahadharisha ni jambo la muhimu kwa
akinamama kuangalia afya zao na za familia zao mara kwa mara, kwani afya bora
ni chanzo cha uchumi imara.
“Kwa moyo
huu wa kizalendo uliooneshwa na waandaaji wa kampeni hii, Angels Moment,
nawaasa wanawake wa mkoa huu kuitumia fursa hii ili muwe waelimishaji sio kwa
akina mama wengine bali kwa jamii nzima. Kama kauli mbiu ya kampeni hii inavyosema
kuwa ukimuelimisha mwanamke umeelimisha jamii nzima,” alihitimisha
Naye kwa
upande wake Mkurugenzi Mkuu wa Angels Moment, Bi Naima Malima amebainisha kuwa kumekuwepo na juhudi nyingi za
kumkomboa mwanamke wa Tanzania ambaye ndiye nguzo ya uchumi, na jamii kwa
ujumla. Lakini pamoja na juhudi hizo bado mwanamke mjasiriamali ameendelea
kukumbana na changamoto mbalimbali zikiwemo za kukuza mitaji, kutambua fursa
,matumizi ya fedha, mikopo na mengineyo.
“Hali hii imepelekea mwanamke huyu
kushindwa kufikia malengo yake na matokeo yake wengi kuogopa kuingia katika
ujasiriamali na biashara kwa kuhofia hasara na changamoto zilizotajwa hapo juu.”
Alisema Bi Malima na kuongezea, “kwa kushirikiana na wizara ya Maendeleo ya
jamii, jinsia na watoto pamoja na taasisi ya WAMA tumeandaa kampeni hii ya
MWANAMKE NA UCHUMI kwa kuziba changamoto hizo.”
Akifafanua elimu itakayokuwa
ikitolewa na kampeni hiyo kwa wanawake katika maeneo yatakayofikiwa, alisema
kuwa, “Kampeni hii itatoa elimu katika Nyanja kuu tatu ambazo ni pamoja na;
Ujasiriamali na fursa zilizopo, Usimamizi binafsi wa fedha na uwekaji akiba na
Afya bora na Uchumi.”
Kwa kumalizia Bi Malima aliwataka
wanawake watakaofikiwa na kampeni hiyo kuitumia fursa hiyo ipasavyo kufanikisha
malengo yao na kuwa mfano wa kuigwa katika jamii zao. Kwani ni kwa kipindi kirefu
wanaume wamekuwa wakishikilia mfumo mzima wa uchumi ingali wao wakubaki pembeni
wakitazama huku wakiwa na uwezo wa kufanya mabadiliko.
Kampeni hiyo imeanza mwezi huu wa
Septemba na inatarajiwa kuzunguka katika mikoa saba iliyoteuliwa ambayo ni
Mwanza, Tanga, Lindi, Pwani, Kigoma, Ruvuma na Dodoma ndani ya kipindi cha
mwaka mmoja.
No comments:
Post a Comment