Maadhimisho ya Mei Mosi (May Day) Kitaifa jijini Dar es Salaam

*Rais Kikwete asema ametoa maagizo Hazina kupandisha mishahara, kupunguza kodi

*Walimu wamuita shemeji, wakumbusha

mishahara

*Awataka wawakilishi wa wafanyakazi kusema

yao, si ya wengine
*SSRA, Shirika la Posta watia fora katika maandamano

 Bendi ya Msondo Ngoma, ikitumbuiza katika maadhimisho ya Siku ya Wafanyakazi Duniani, Uwanja wa Uhuru jijini Dar es Salaam leo. (Picha zote na Kassim Mbarouk-www.bayana.blogspot.com)

 Rais Jakaya Kikwete (kulia), akisalimiana na baadhi ya viongozi wa Vyama vya Wafanyakazi na wa Mkoa wa Dar es Salaam, mara baada ya kuwasili Uwanja wa Uhuru jijini Dar es Salaam leo kwa ajili ya maadhimisho ya Siku ya Wafanyakazi Duniani 'May Day'.

 Baadhi ya wafanyakazi wakipunga bendera za Shirikisho la Wafanyakazi nchini Tanzania (TUCTA), Uwanja wa Uhuru Dar es Salaam, wakati wa maadhimisho wa Siku ya Wafanyakazi Duniani 'May day'.

 Rais Kikwete akiwasili kwenye jukwaa la Uwanja wa Uhuru tayari kwa mapokezi ya maandamano ya wafanyakazi kuadhimisha Siku ya Wafanyakazi Duniani 'May day'.

Rais Kikwete akiwasili kwenye jukwaa la Uwanja wa Uhuru tayari kwa mapokezi ya maandamano ya wafanyakazi.

Rais Kikwete akisalimiana na Viongozi Wakuu wa Vyama vya Wafanyakazi na wa Mkoa kwenye jukwaa la Uwanja wa Uhuru.

Rais Kikwete akiwa na Waziri wa Kazi na Ajira, Gaudentia Kabaka, wakizungumza jambo, mara baada ya kuketi kwenye jukwaa la Uwanja wa Uhuru.

Baadhi ya wafanyakazi wakiwa kwenye jukwaa kuu la Uwanja wa Uhuru kwa ajili ya maadhimisho ya siku yao ya wafanyakazi jijini leo.

Bendi ya Polisi ikiongoza maandamano ya wafanyakazi katika kuadhimisha siku yao ya May Day.

Polisi wa kikosi cha Bendi wakitoa heshima zao mbele ya Rais Jakaya Kikwete, wakati wa maandamano ya wafanyakazi katika kuadhimisha siku yao ya May Day, jijini Dar es Salaam leo.

Rais Kikwete akiwa tayari kupokea maandamano ya wafanyakazi katika kuadhimisha Siku ya Wafanyakazi Duniani 'May day', Uwanja wa Uhuru, Dar es Salaam leo.

Wafanyakazi wa Taasisi ya Utafiti na Dawa ya Chuo Kikuu cha Afya na Tiba cha Muhimbili, wakipita na bango lao.

Rais Kikwete akifurahia jambo, wakati akiyapokea maandamano ya wafanyakazi katika kuadhimisha Siku ya Wafanyakazi Duniani 'May day', Uwanja wa Uhuru, Dar es Salaam leo.

Wafanyakazi kutoka Taasisi ya Elimu wakipita na bango katika maandamano hayo.

Wafanyakazi wa Magazeti ya Serikali (TSN), wakipita huku wakionesha nakala za magazeti yao katika maandamano hayo.

Wafanyakazi wa Maktaba Kuu ya Taifa, wakipita na bango lao.

Wafanyakazi wa TBS wakipita na bango lao katika maadhimisho hayo.

Rais Kikwete akiwapungia wafanyakazi, wakati akiyapokea maandamano ya kuadhimisha Siku yao ya wafanyakazi Duniani 'May day', Uwanja wa Uhuru, Dar es Salaam leo.

Rais Kikwete akiwapungia wafanyakazi, katika maadhimisho ya Siku yao ya wafanyakazi Duniani 'May day', Uwanja wa Uhuru, Dar es Salaam leo.

Wafanyakazi wa Makumbusho ya Taifa wakipita na mabango yao katika maandamano hayo.

Wafanyakazi wa Kampuni ya Azam, wakipita na bango lao mbele ya Rais Jakaya Kikwete, wakati wa maadhimisho hayo leo.

Wafanyakazi wa Kampuni mbalimbali pamoja na Taasisi za Serikali, wakipita na mabango yao mbele ya Rais Jakaya Kikwete, wakati wa maadhimisho hayo leo.

Wafanyakazi wa Tume ya Kudhibiti Ukimwi (Tacaids), wakipita na bango lao kwa maandamano mbele ya Rais Jakaya Kikwete, wakati wa maadhimisho hayo leo.

Wafanyakazi wa Benki Kuu nao wakipita na bango lao mbele ya Rais Jakaya Kikwete, wakati wa maadhimisho hayo leo.

Wafanyakazi wa Tanesco, wakipita na bango lao mbele ya Rais Jakaya Kikwete, katika maadhimisho hayo leo.

Wafanyakazi wa Ofisi ya Makamu wa Rais, wakipita mbele ya Rais Jakaya Kikwete, wakati wa maadhimisho hayo leo.

Wafanyakazi wa Mamlaka ya Usimamizi na Udhibiti wa Sekta ya Hifadhi ya Jamii (SSRA), wakipita na mabango yao, mbele ya Rais Jakaya Kikwete, wakati wa maadhimisho ya Siku ya Wafanyakazi Duniani (May Day), Uwanja wa Uhuru, Dar es Salaam leo. 

Wafanyakazi wa Mamlaka ya Usimamizi na Udhibiti wa Sekta ya Hifadhi ya Jamii (SSRA), wakiwa wamebeba mabango yao, wakipita mbele ya Rais Jakaya Kikwete katika maandamano ya maadhimisho ya Siku ya Wafanyakazi Duniani (May Day), jijini, Dar es Salaam leo. 

Baadhi ya wafanyakazi wa Mamlaka ya Usimamizi na Udhibiti wa Sekta ya Hifadhi ya Jamii (SSRA), wakipita na miamvulia, mbele ya Rais Jakaya Kikwete, wakati wa maadhimisho ya Siku ya Wafanyakazi Duniani (May Day), Uwanja wa Uhuru, Dar es Salaam leo. 

Wafanyakazi wa Ofisi ya Rais, Ikulu nao wakipita na bango lao mbele ya Rais Jakaya Kikwete, wakati wa maadhimisho hayo leo.

Wafanyakazi wa Ofisi ya Rais, Menejimenti ya Utumishi wa Umma, wakipita na bango lao mbele ya Rais Jakaya Kikwete, wakati wa maadhimisho hayo leo.

Wafanyakazi wa Wizara ya Kilimo, Chakula na Ushirika wakipita na bango lao mbele ya Rais Jakaya Kikwete, wakati wa maadhimisho hayo leo.

Baadhi ya wafanyakazi wa Kiwanda cha Uchapaji cha Taifa (KIUTA), wakipita na bango lao kwenye maandamano ya maadhimisho hayo leo. 

Wafanyakazi wa Wizara ya Mambo ya Ndani ya Nchi (Magereza) wakipita mbele ya Rais Jakaya Kikwete, wakati wa maadhimisho hayo leo.

Baadhi ya wafanyakazi wa Chuo Kikuu cha Ardhi, Mlimani Dar es Salaam, wakipita na bango lao kwenye maandamano ya maadhimisho hayo.

Wafanyakazi wa Chuo Kikuu Huria, wakipita kwa maandamano mbele ya Rais Jakaya Kikwete, wakati wa maadhimisho hayo leo.

Wafanyakazi wa Shirika la Nyumba la Taifa (NHC), wakipita na bango lao mbele ya Rais Jakaya Kikwete kwenye maandamano ya maadhimisho hayo jijini leo.

Wafanyakazi wa Shirika la Nyumba la Taifa (NHC), wakipita mbele ya Rais Jakaya Kikwete wakati wa maadhimisho hayo jijini leo.

Wafanyakazi wa Shirika la Posta Tanzania (TPC), wakipita na bango lao mbele ya Rais Jakaya Kikwete kwenye maandamano ya maadhimisho hayo, jijini Dar es Salaam leo.

Wafanyakazi wa Shirika la Posta Tanzania (TPC), wakipita na miamvuli yao mbele ya Rais Jakaya Kikwete kwa maandamano katika kuadhimisha siku yao hiyo, jijini Dar es Salaam leo.

Wafanyakazi wa Shirika la Posta Tanzania (TPC), wakipita na miamvuli yao mbele ya Rais Jakaya Kikwete kwa maandamano katika kuadhimisha siku yao hiyo, jijini Dar es Salaam leo.

Baadhi ya wafanyakazi wa Mashirika mbalimbali wakiwa wamekaa kwenye jukwaa wakifutilia matukio yaliyokuwa yakitendeka uwanjani hapo leo. 

Wafanyakazi wa Mamlaka ya Udhibiti wa Ununuzi wa Umma (PPRA), wakipita na bango lao mbele ya Rais Jakaya Kikwete kwa maandamano katika kuadhimisha siku yao ya wafanyakazi, May Day. 

Wafanyakazi wa Mfuko wa Taifa wa Bima ya Afya (NHIF), wakipita katika maandamano  ya maadhimisho ya Siku ya Wafanyakazi Duniani (May Day), Uwanja wa Uhuru, Dar es Salaam leo.

Wafanyakazi wa Mfuko wa Taifa wa Bima ya Afya (NHIF), wakipita na miamvuli yao, katika maandamano  ya maadhimisho ya Siku ya Wafanyakazi Duniani (May Day), Uwanja wa Uhuru jijini leo.

Wafanyakazi wa Mfuko wa Hifadhi ya Jamii (NSSF), wakipita kwa maandamano wakati wa maadhimisho ya Siku ya Wafanyakazi Duniani. (May Day), Uwanja wa Uhuru, Dar es Salaam leo.

Wafanyakazi wa Mfuko wa Hifadhi ya Jamii (NSSF), wakipita na miamvuli yao kwa maandamano wakati wa maadhimisho ya Siku ya Wafanyakazi Duniani. (May Day), Uwanja wa Uhuru, Dar es Salaam leo.

Wafanyakazi wa Mfuko wa Hifadhi ya Jamii (NSSF), wakipita kwa maandamano katika maadhimisho hayo, Dar es Salaam leo.

Wafanyakazi wa Mfuko wa Hifadhi ya Jamii (NSSF), wakipita mbele ya Rais Jakaya Kikwete katika maadhimisho hayo, Dar es Salaam leo.

Wafanyakazi wa Mfuko wa Hifadhi ya Jamii (NSSF), wakipita kwa maandamano katika maadhimisho ya Siku ya Wafanyakazi Duniani. (May Day), Uwanja wa Uhuru, Dar es Salaam leo.

Baadhi ya Wafanyakazi wa Mahakama ya Tanzaniawakipita kwa maandamano na bango lao, wakati wa maadhimisho ya Siku yao hiyo, Uwanja wa Uhuru, Dar es Salaam leo.

Wafanyakazi wa Chama cha Chodawu, wakipita kwa maandamano katika maadhimisho hayo, Dar es Salaam leo.

Rais Jakaya Kikwete, akifurahia jambo, akiwa na Waziri wa Kazi na Ajira, Gaudentia Kabaka (katikati) na Waziri wa Nchi, Ofisi ya Waziri Mkuu (Tamisemi), Hawa Ghasia, wakati wa maandamano hayo. 

Wafanyakazi wa Wizara ya Mambo ya Nje na Ushirikiano wa Kimataifa, wakipita mbele ya Rais Jakaya Kikwete, wakati wa maadhimisho hayo leo.

Baadhi ya Wafanyakazi wa Kampuni ya Azam, wakipita kwenye gari na Kombe lao la Ubingwa wa Ligi Kuu ya Vodacom, lililotwaliwa na timu yao mwaka huu. 

Wafanyakazi wa Mamlaka ya Usimamizi na Udhibiti wa Sekta ya Hifadhi ya Jamii (SSRA), wakipita na gari lao, wakielekea ndani ya Uwanja wa Uhuru katika maandamano ya magari, katika maadhimisho ya Siku ya Wafanyakazi Duniani (May Day), jijini, Dar es Salaam leo. 

Wafanyakazi wa Maliasili na Utalii wakipita na gari lao, wakielekea ndani ya Uwanja wa Uhuru katika maandamano ya magari, katika maadhimisho ya Siku ya Wafanyakazi Duniani (May Day), jijini, Dar es Salaam leo.

Wafanyakazi wa Benki ya Posta Tanzania (TPB), wakipita na gari lao, wakielekea ndani ya Uwanja wa Uhuru katika maandamano ya magari, katika maadhimisho ya Siku ya Wafanyakazi Duniani (May Day), jijini, Dar es Salaam leo.

Na Mwandishi wetu
RAIS Jakaya Kikwete amewahakikishia wafanyakazi nchini kuwa anatarajia kupandisha kima cha chini cha mshahara ili alau kikidhi mahitaji muhimu.

Pia amewawaambia wafanyakazi anafanya juhudi kubwa za kuboresha maslahi ya watuhumishi wa umma huku akiweka wazi

hata akimaliza muda wake Rais ajaye atajali maslahi yao, hivyo wasiwe na hofu.

Rais Kikwete alitoa kauli hiyo Dar es Salaam leo wakati akitoa hotuba yake katika sherehe za siku ya wafanyakazi ,Mei

Mosi.

Akifafanua kuhusu mshahara kwa watumishi wa umma,Rais Kikwete alisema kuwa Bajeti ya fedha ya mwaka 2014/2015 kima cha chini kitapanda.

Alisema kuwa kulikuwa na mjadala mkali kuhusu kima cha mshahara lakini aliamua kutoa maagizo ya kuhakikisha kima cha

mshahara kinapandishwa licha ya mapato ya Serikali kutokuwa makubwa.

"Mwaka jana mshahara ulipanda kwa asilimia 41 na mwaka huu tutauongeza. Hivyo bajeti ya mwaka huu kutakuwa na

nyongeza mpya ya mshahara,"alisema Rais Kikwete.

"Natambua umuhimu wa kupandisha mshahara kwa wafanyakazi hivyo mwaka huu mshahara utapanda tena ili angalau watumishi waweze kujikimu kimaisha,"alisisitiza.

Aliongeza kuwa mwaka 2005 kima cha chini cha mshahara kwa watumishi wa umma kilikuwa sh. 65,000 kwa mwezi lakini sasa

hivi ni sh. 240,0000.

"Kwa hali iliyopo sasa nyongeza kubwa ya mshahara kwa mara moja itakuwa ngumu lakini naamini kwa namna uchumi wetu

unavyoimarika tutafika mahala pazuri,"alisema Rais Kikwete.

Alisisitiza inawezekana atakuwa ameondoka madarakani lakini Rais atakayefuata  atajali maslahi ya wafanyakazi huku akifafanua

kuwa utawala wake umekuwa ukijali zaidi wafanyakazi.

Kuhusu mshahara kwa sekta binafsi, Rais Kikwete alisema amekuwa hafurahishwi na kima cha chini katika sekta hizo

hakimfurahishi kwani bado ni kidogo.

"Ni muhimu kwa sekta binafsi kuangalia namna ya kuongeza kima cha chini kwa watumishi wake.Maana kiwango wanachopewa sasa ni kidogo.

"Nimepata taarifa kuwa sekta binafsi wengi wao hawazingati kiwango kinachotolewa na Serikali lakini tayari nimetoa magizo kwa wasaidizi wangu kuhakikisha mishahara inaongezeka,"alisema Rais Kikwete.

Alitoa mfano kuwa kuna siku alitembelea moja ya kiwanda nchini (jina analo), ambapo pamoja na ukubwa wa kiwanda lakini mishahara kwa wafanyakazi wake iko chini.

"Nilipofika pale nikaoneshwa ukubwa wa kiwanda na maelezo mengi lakini wafanyakazi wakaanza kusema afadhali umekuja Rais tusemee, maana tunalipwa mshahara mdogo.Nikauliza wanalipwa kiasi gani kwa mwezi wanakaniambia sh. 48,000.Inasikitisha kweli,"alisema Rais Kikwete.

Alisema kuwa tabia ya tajiri kumlalia mfanyakazi ili apate utajiri si jambo nzuri na atakapokutana na waajiri itanoga.

Kodi ya mapato Rais Kikwete alisema lengo la Serikali ni kuwa na kodi chini ya asilimia 9 kwa mwaka huu na ndio lengo la Serikali kuendelea kupunguza kodi kwa mfanyakazi.

Alisema kuwa awali kodi ilikuwa asilimia 14.5 na ilishuka mpaka alimia 13 na hivi sasa imefikia asilimia 10.Hata hivyo wanaendelea na mkakati wa kuishusha zaidi.

Mabaraza ya wafanyakazi

Rais Kikwete alisema ni muhimu kuwepo kwa mabaraza ya wafanyakazi sehemu za kazi na kwamba hilo si jambo la hiyari bali ni lazima kwa mujibu wa sheria za kazi.

"Pamoja na matakwa ya ajira na sheria za kazi, ni vema idara, wizara na taasisi zikaanzisha mabaraza yao. "Wale ambao hawajaanzisha mabaraza hayo waorodheshwe na watajwe kwani

kufanya hivyo kutasaidia kuwabaini wale ambao wataonekana hawana mabaraza hayo,"alisema.

Pia alisema wafanyakazi ambao wanaonekana kupigania mabaraza ya wafanyakazi wamekuwa wakionekana kama wanajiweka mstari wa mbele kudai maslahi yao hivyo wanatafutiwa namna ya kufukuzwa au kuhamishwa eneo la kazi.

"Hakuna sekta , kampuni wala idara ambayo iko juu ya sheria. Kuanzishwa kwa mabaraza ya wafanyakazi ni haki ya msingi na mbali ya kuwa na sheria lakini Tanzania imesaini makubaliano ya kimataifa kuhusu mabaraza hayo,"alisema.

Uhusiano kazini

Rais Kikwete alisema kuwa uhusiano mzuri kati ya wafanyakazi na waajiri hupunguza migogoro maeneo ya kazi na kwamba matawi ya kazi ni muhumu na lazima yawepo.

Alisema waajiri ambao wanakidi kuwepo kwa matawi hayo sehemu za kazi wachukuliwe hatua.

Rais Kikwete pia alisema wakaguzi ambao wanaonekana kukandamiza wafanyakazi ni vema wakaondolewa.

"Ni jambo baya kuona mkaguzi anaegemea kwa muajiri na kuamndamiza mfanyakazi.Hilo halitakubalika kwani ni kuipaka Serikali matope,"alisema.

Mawakala

Rais alisema kuwa tabia ya wakala binafsi wa ajira ambao kazi yao ni kutafutia watu kazi na kuwabana katika malipo ya mishahara ni dhuluma kwa wafanyakazi.

Alisema wakala binafsi wa ajira kazi yao ni kuwaunganisha watufata kazi na waajiri na si wao kufanya kazi ya kuajiri na kisha wao wanapunguza mishahara ya wafanyakazi.

"Huku ni kudhulumu wafanyakazi maana wanakuwa hawana uhuasino na waajiri wao kwasababu tu kuna watu ambao wanajiita

mawakala wanaingia mikataba na waajiri, jambo ambalo ni kinyume na sheria ya wakala binafsi,"alisema.

Pamoja na hayo ,Rais Kikwete alisema ataimarisha utawala bora kwa kujengwa daraja kati ya waajiri na wafanyakazi wao huku akitumia nafasi hiyo kuweka wazi kuwa bodi kwenye mashirika ni muhimu kwani ndio hufanya uamuzi wa shirika.

"Natambua yapo mashirika ambayo yametambua ushiriki wa wafanyakazi katika bodi lakini kuna mashirika mengine bodi

zake hazina wawakilishi wa wafanyakazi,"alisema.

Madai ya watumishi

Rais Kikwete alisema risala ya Shirikisho la Vyama vya Wafanyakazi Tanzania(Tucta) limezungumzia suala la madai yao kwa Serikali.

"Tunatambua kuwa kuna madai ya watumishi wa Serikali.Hili tunaendelea nalo kulifanyia kazi na tumefika mahali pazuri,"alisema Rais Kikwete.

Madai ya walimu

Rais Kikwete alisema kwa mara ya kwanza wamemuita shemeji. Alikiri ni kweli mkewe  Mama Salma ni mwalimu na baada ya

kustaafu, ni ruksa kurudi kazini aendelee kushika chaki.

Hata hivyo, alisema kuwa ili kulipa madeni ya walimu kazi iliyokuwa inafanyika ni kuhakiki madai yao hayo na kilichobainika  kuna ujanja umekuwa ukifanywa na baadhi ya walimu na kushirikiana na watumishikwenye maeneo husika.

"Kuna baadhi ya walimu walilipwa madai yao lakini wamerudi kudai tena. Ujanja huu umefanyika na kusababisha kila Serikali

inapolipa madeni yanabaki palepale,"alifafanua Rais Kikwete.

Mshara umechelewa

Hata hivyo Rais Kikwete alisema kuwa walimu wakati wanamuita shemeji walisikika wakidai mishara imechelewa.

Alisema baada ya kusikia hivyo aliuamua kufuatilia na kubaini kumbe mshahara wa mwezi huu kwa watumishi wa Serikali bado

haijalipwa.

Alifafanua hali hiyo ilimfanya amuulize Gavana wa Benki Kuu ya Tanzania(BoT), Profesa Benno Ndullu lakini alijibiwa kuwa

wao BoT ilishamaliza kazi yake tangu April 24 mwaka huu.

"Asubuhi wakati walimu wanasema mwezi huu mshahara umechelewa niliamua kufuatilia lakini gavana alisema kuwa

wamemaliza kazi yao Aprili 24 mwaka huu.

"Hivyo kuna eneo ambalo limechelewesha lakini tunafuatilia ili mshahara uweze kulipwa kwa watumishi wa Serikali,"alisema.

Wafanyakazi wavivu

Kuhusu wafanyakazi, Rais Kikwete alisema kuwa kuna malalamiko ya kwamba watumishi wengi wa Serikali ni wavivu. Sifa hiyo si nzuri na ndio inayotumika kushawishi waajiri kutafuta wafanyakazi kutoka nje ya Tanzania.

Alisema suala la kudai wafanyakazi wa Tanzania ni wavivu ni madai ambayo yanaaminika ,hivyo yanatakiwa kufanyiwa kazi kwa uzito wake.

"Jambo hili lazima lifanyiwe kazi haraka, viongozi wa maeneo yote lazima wakae na kujadili hili kwa kina.Siamini kama kweli

wafanyakazi wetu ni wavivu kiasi hicho. Mbona natoa tunzo kwa waliofanya vizuri, lazima mlitazame hili kwa umakini," alisema Rais Kikwete.

Mchakato Katiba mpya

Rais Kikwete alisema  alitoa ahadi ya wafanyakazi kushirikishwa kwenye mchakato wa Katiba mpya, ahadi ambayo ameitekeleza.

Alisema kutokana na idadi kubwa ya wafanyakazi aliona haja ya kutaka sauti za wafanyakazi zisikike kwenye mchakato huo kwani ni fursa ya kuzungumzia masuala ya wafanyakazi kwenye katiba.

"Kazi yangu ya kuteua wawakilishi wenu niliimaliza ,hivyo kazi kwenu, mimi sipo kwenye Bunge la Katiba. Kubwa kwenu ninyi watumeni kazi wawakilishi wenu.

"Waambieni wawakilishi wenu waseme ya kwenu mnayohitaji mkiwaacha wanasema ya wengine. Mnayotaka wawakilishi wenu

wayaseme na muone wakisema waambieni,"alisema.

Rais Kikwete alisema wasipokuwa makini wawakilishi wao watatekwa na makundi mengine na wao watakosa wa kuwasemea

na hatimaye wakajutia fursa ya kuwa na wawakilishi 12.

Hata hivyo, alisema anasikitishwa na mwenendo wa Bunge la Katiba na unaposikia mtu mzima anatukana kutoka kwenye kichwa chake ujue ana tatizo.

"Tofauti ya mawazo hainisumbui hata kidogo. Pale lazima mambo yatakuwa tofauti maana kila mtu ana mawazo yake na kundi lake.

"Kwenye mitazamo tofauti ndiko kuna patikana jambo nzuri. Watu walumbane kwa hoja lakini itafika mahali pa kufanya

uamuzi," alisema Rais Kikwete.

Pia Rais Kikwete alisema kuwa ameongeza siku 60 ili kuhakikisha mchakato huo unakamilika na kama watashindwa basi utasubiri wengine waje lakini Katiba mpya inahitajika kupatikana.