Bernard Mwakasanga ajifua kumkabili Idd Bonge Machi 23, 2014

Bondia Bernard Mwakasanga 'Shoka ya Bucha ' wa uzito wa juu akipiga panch bag kwa ajili ya maandalizi ya mpambano wake na Iddi Kipandu 'Idi Bonge', mpambano utakaofanyika katika ukumbi wa Friends Corner, Manzese March 23, mwaka huu. (Picha zote na www.superdboxingcoach.blogspot.com)

Bondia Bernard Mwakasanga 'Shoka ya Bucha ' wa uzito wa juu akipiga panch bag up cat kwa ajili ya maandalizi ya mpambano wake na Iddi Kipandu 'Idi Bonge' katika ukumbi wa Friends Corner Manzese, Machi 23, mwaka huu.

Bondia Bernard Mwakasanga 'Shoka ya Bucha ' wa uzito wa juu akijifua kwa ajili ya mpambano wake huo.

Bondia Bernard Mwakasanga 'Shoka ya Bucha ' wa uzito wa juu akipiga tizz la nguvu kwa kuinua chuma kwa ajili ya mpambano wake huo na Iddi Bonge, Machi 23, mwaka huu.

Na Mwandishi Wetu

BONDIA Bernard Mwakasanga 'Shoka ya Bucha ' wa uzito wa juu, ameingia kambini kwa ajili ya kujifua katika kujiwinda na mpambano wake na Idd Bonge, utakaofanyika Machi 23, mwaka huu katika ukumbi wa Friends Corner, Manzese jijini Dar es Salaam.

Mpambano huo, unaosubiriwa kwa hamu na mashabiki mbalimbali wa mchezo huo, sasa homa yake imezidi kupanda baada ya kila mmoja wa mabondia hao, kumta kwamba atamchakaza mwenzake katika raundi za awali za mpambano huo.

Akizungumza katika Gym yake, iliyopo Gongolamboto, bondia Mwakasanga, ameseme kuwa Iddi Bonge ni kama nyama ya bucha, hivyo, yeye ni shoka, ambalo litampasua kichwa chake na kuongeza kuwa anawaomba mashabiki wahudhurie kwa wingi ili waweze kujionea wenyewe atakavyommaliza mpinzani wake huyo.

Kabla ya pambano hilo, kwa mujibu wa mratibu wa pambano hilo, Waziri Rosta, kutakuwa na mapambano ya utangulizi, ambapo bondia Fadhili Mjia 'stoper', atatwangana na Juma Selemani na kisha Twalibu Mchanjo kusulubiana na Mohamed Babeshi, wakati Hassani Mandula, akipanda ulingoni kuzitwanga na Ally Bugingo.

Mapambano mengine yatakuwa kati ya Amani Bariki na Selemani Motto, Halidi Manjee akioneshana kazi na Shabani Mtengela huku Mustafa Dotto akizichapa na Ismail Ndende na pazia la mapambano ya utangulizi litafungwa kwa Salim Chagogo kuzitwanga na Salum Kombe.