Katibu Mkuu Wizara ya Habari, Vijana, Utamaduni na Michezo, Naibu wake wawasili wizarani, wakabidhiwa Ofisi

Katibu Mkuu mpya wa Wizara ya Habari, Vijana, Utamaduni na Michezo Bi. Sihaba Nkinga akiwasili mbele ya jengo la PPF huku akipokelewa kwa shangwe na wafanyakazi wa Wizara hiyo leo jijini Dar es Salaam. (Picha zote na Benedict Liwenga, Lorietha Laurence na Hassan Silayo-Maelezo)

Wafanyakazi wa Wizara ya Habari,Vijana,Utamaduni na Michezo wakiwa wameshikilia mashada ya Maua kwa ajili ya kuwapokea Katibu Mkuu na Naibu Katibu Mkuu wa Wizara hiyo walioteuliwa na kuapishwa na Rais Jakaya Kikwete leo jijini Dar es Salaam.

Katibu Mkuu wa Wizara ya Habari, Vijana, Utamaduni na Michezo Sihaba Nkinga mwenye nguo nyekundu akipokea zawadi ya maua kutoka kwa mmoja wa wafanyakazi wa Wizara hiyo Bibi Mwanakombo Jumaa katika hafla ya kupokea uongozi mpya leo jijini Dar es Salaam.

Katibu Mkuu mpya wa Wizara ya Habari, Vijana, Utamaduni na Michezo Bi. Sihaba Nkinga akipewa shada la maua na Afisa Habari Mkuu Idara ya Habari, Bi. Mwanakombo Jumaa kama pongezi kwa kupewa cheo cha Katibu Mkuu.

Katibu Mkuu wa Wizara ya Habari Vijana Utamaduni na Michezo Bi. Sihaba  Nkinga akipongezwa na Mkurugenzi msaidizi wa Idara ya Habari, Raphel Hokororo alipokuwa akikaribishwa rasmi katika ofisi za Wizara leo Jijini Dar es Salaam.

Naibu Katibu Mkuu Wizara ya Habari, Vijana, Utamaduni na Michezo, Profesa Elisante Ole Gabriel Laizer akilakiwa kwa shangwe na Mkurugenzi rasilimali watu Bw. Titus Mkapa wakati wa hafla ya kupokelewa na kukabidhiwa kiti cha Unaibu Katibu Mkuu leo, jijini Dar es Salaam.

Naibu Katibu Mkuu Wizara ya Habari, Vijana, Utamaduni na Michezo, Profesa Elisante Ole Gabriel Laizer akipewa mashada ya maua baada ya kupokelewa na wafanayakazi wa Wizara ya Habari kama pongezi ya kupewa cheo cha Unaibu.

Naibu Katibu Mkuu Wizara ya Habari, Vijana, Utamaduni na Michezo, Profesa Elisante Ole Gabriel Laizer akipewa mashada ya maua baada ya kupokelewa na wafanayakazi wa Wizara ya Habari kama pongezi ya kupewa cheo cha Unaibu.

Naibu Katibu Mkuu Wizara ya Habari, Vijana, Utamaduni na Michezo, Profesa Elisante Ole Gabriel Laizer akisalimiana na Mkurugenzi Mkuu wa Shirika la Utangazaji Tanzania (TBC), aliyesimama katikati, Clement Mshana, kulia kwake ni Kaimu Mhariri Mtendaji Mkuu wa TSN, Gabriel Nderumaki. Kutoka kushoto ni Mkurugenzi wa Idara ya Habari, Maelezo, Assah Mwambene.

Naibu Katibu Mkuu Wizara ya Habari, Vijana, Utamaduni na Michezo, Profesa Elisante Ole Gabriel Laizer akisalimiana na Katibu Mtendaji Bodi ya Filamu Bi. Joyce Fissoo wakati alipolakiwa na wafanyakazi wa Wizara ya Habari, Vijana, Utamaduni na Michezo leo jijini Dar es Salaam.

Katibu Mkuu na Naibu Katibu Mkuu wa Wizara ya Habari, Vijana, Utamaduni na Michezo wakiongozana kwa pamoja kuelekea ofisini.

Katibu Mkuu na Naibu Katibu Mkuu wa Wizara ya Habari, Vijana, Utamaduni na Michezo, wakiwa katika picha ya pamoja, mara baada ya kuwasili wizarani leo.

Katibu Mkuu wa Wizara ya Habari, Vijana, Utamaduni na Michezo Bibi Sihaba Nkinga kulia akiwa ameshikana mkono na aliyekuwa Katibu Mkuu wa Wizara hiyo, Seth Kamuhanda.Tukio hili limefanyika leo jijini Dar es Salaam baada ya makabidhiano rasmi ya ofisi. 

Aliyekuwa Katibu Mkuu wa Wizara ya Habari, Vijana, Utamaduni na Michezo, Seth Kamuhanda (kushoto), akikabidhiwa zawadi ya picha kutoka kwa Mkurugenzi wa Idara ya Maendeleo ya Utamaduni wa Wizara hiyo Profesa Hermas Mwansoko (kulia), leo jijini Dar es Salaam katika hafla ya kupokea viongozi wapya na kukabidhi ofisi. Kulia ni Katibu Mkuu mpya wa Wizara ya Habari, Vijana, Utamaduni na Michezo, Sihaba Nkinga.

Katibu Mkuu wa Wizara ya Habari, Vijana, Utamaduni na Michezo, Sihaba Nkinga (kushoto), akipokea zawadi ya picha kutoka kwa Mkurugenzi wa Idara ya Maendeleo ya Utamaduni wa Wizara hiyo, Profesa Hermas Mwansoko leo, jijini Dar es Salaam katika hafla ya kupokea viongozi wapya na kukabidhiwa Ofisi.

Naibu Katibu Mkuu wa Wizara ya Habari, Vijana, Utamaduni, na Michezo Profesa Elisante Ole Gabriel (kushoto), akipokea zawadi ya picha kutoka kwa Mkurugenzi wa Idara ya Maendeleo ya Utamaduni, Profesa Hermas Mwansoko leo, jijini Dar es Salaam katika hafla ya mapokezi yao iliyoandaliwa na wafanyakazi wa wizara hiyo.

Aliyekuwa Katibu Mkuu wa Wizara ya Habari, Vijana, Utamaduni na Michezo, Seth Kamuhanda (katikati), akiteta jambo na Katibu Mkuu mpya wa wizara hiyo, Sihaba Nkinga. Kulia ni Naibu Katibu Mkuu, Profesa Elisante Ole Gabriel.

Baadhi ya wafanyakazi wa Wizara ya Habari, Vijana, Utamaduni na Michezo wakifurahi wakati wa mapokezi ya Katibu Mkuu na Naibu Katibu Mkuu wa Wizara hiyo ambao wameteuliwa hivi karibuni.

Aliyekuwa Katibu Mkuu Wizara ya Habari, Vijana, Utamaduni na Michezo, Seth Kamuhanda akitoa hotuba fupi ya kukabidhi cheo kwa Katibu Mkuu mpya wa Wizara ya Habari, Vijana, Utamaduni na Michezo Bi. Sihaba Nkinga (hayupo pichani). (Picha zote na Benedict Liwenga-Maelezo)

Na Magreth Kinabo – Maelezo

ALIYEKUWA Katibu Mkuu wa Wizara ya Habari, Vijana, Utamaduni na Michezo, Seith Kamuhanda amempongeza Rais  Jakaya Kikwete kwa kuwateua viongozi ambao ni majembe (wachapakazi) kuiongoza wizara hiyo  huku akisema  ni watendaji wenye uwezo wa  hali ya juu.

Viongozi walioteuliwa kuongoza wizara hiyo ni Sihaba Nkinga ambaye ni Katibu Mkuu wa sasa na Naibu Katibu Mkuu wake ni Profesa  Elisante  ole Gabriel  Laizer. 

Kauli hiyo imetolewa leo na  Kamuhanda wakati akiwaga viongozi wa wizara hiyo ambapo  pia aliwasisitiza kuendelea kufanya kazi kwa ushirikiano ili kuhakikisha huduma wanazozitoa  kupitia  sekta za habari, vijana, utamaduni na michezo  zinawafikia wananchi.

“Leo ni siku ya furaha kwangu kwa sababu ninaacha majembe mawili ya uhakika.  Ninawaomba mwuwape ushirikiano ili walime vizuri. Ni wizara ngumu kwa sababu inagusa Watanzania  wote   ,”alisema. 

Kwa upande wake Katibu Mkuu wa sasa Sihaba alisema   anamshukuru Kamuhanda kwa kumfundisha kazi katika maeneo mbalimbali ya sekta za wizara hiyo.

  “Nimekaa katika kiti hiki bila ya yeye nisingeweza kukaa katika kiti hiki  bado ataendelea kuwa msaada kwangu kwa kuwa wizara inagusa jamii ,” alisema  Katibu Mkuu Sihaba huku akimwomba aendelee kutoa msaada katika wizara hiyo.

 Aidha  Katibu Mkuu huyo alisema atajitahidi kuongoza wizara ili iendelee kuwa watoto wa familia moja kama ilivyoachwa na Kamuhanda. 

Naye Naibu Katibu Mkuu  Profesa Laizer  alisema   anamshukuru Kamuhanda kwa ushirikiano aliowapo ,pia aliongeza kuwa kufanya kazi kwake vizuri kutokana na ushirikiano huo ukiwemo wa wakurugenzi ,viongozi wa taasisi na watumishi wa wizara hiyo. 

“Kazi kubwa  niliyonayo ni kumsaidia Katibu Mkuu. Nitawasaidia ili tupate Matokeo Makubwa Sasa. Tutajitahidi tusikuangushe,” alisisitiza Profesa Laizer huku akisema wao ni majembe lakini yeye ni shoka na ametoka katika wizara hiyo kwa heshima.

Akitoa neno la shukurani kwa niaba ya menejimenti ya wizara hiyo Profesa, Hermans Mwansoko  alimpongeza Kamuhanda kutokana na utendaji kazi wake wakati akiiongoza,ambapo alisema ameiacha katika hali ya umoja na mshikamano huku akiwajali watumishi hususan wa ngazi za chini.