Rais Dk. awataka viongozi wa kuchaguliwa CCM Zanzibar kukiikarisha chama

Rais wa Zanzibar na Mwenyekiti wa Baraza la Mapinduzi pia Makamo Mwenyekiti wa CCM Zanzibar Dk.Ali Mohamed Shein akisalimiana na Viongozi wa Chama cha Mapinduzi Wilaya ya Dimani Mkoa wa Magharibi  CCM katika viwanja vya Ofisi ya Mkoa Amani leo alipofika kuzungumza na  Mabalozi na wenyeviti wa maskani katika mfululizo wa ziara zake za mikutano ya kuimarisha Chama katika Mikoa ya Unguja. (Picha zote na Ikulu)

Rais wa Zanzibar na Mwenyekiti wa Baraza la Mapinduzi pia Makamo Mwenyekiti wa CCM Zanzibar Dk. Ali Mohamed Shein akisalimiana na Viongozi wa Chama cha Mapinduzi Wilaya ya Dimani Mkoa wa Magharibi  CCM katika viwanja vya Ofisi ya Mkoa Amani leo alipofika  kuzungumza na Mabalozi na wenyeviti wa maskani katika mfululizo waziara zake za kuimarisha Chama Mikoa ya Unguja.

Rais wa Zanzibar na Mwenyekiti wa Baraza la Mapinduzi pia Makamo Mwenyekiti wa CCM Zanzibar Dk. Ali Mohamed Shein akitia saini kitabu cha wageni katika ukumbi wa Ofisi ya CCM Mkoa Amani alipohudhuria katika mkutano wa  Chama cha Mapinduzi Wilaya ya Dimani Mkoa wa Magharibi  CCM uliowashirikisha  Mabalozi na wenyeviti wa maskani  katika mfululizo waziara zake za kuimarisha Chama Mikoa ya Unguja.

Mabalozi wa Jimbo la Magogoni wakinyoosha mikono juu kushagilia wakati walipotamulishwa kwa Rais wa Zanzibar na Mwenyekiti wa Baraza la Mapinduzi pia Makamo Mwenyekiti wa CCM Zanzibar Dk. Ali Mohamed Shein alipokuwa mgeni rasmi katika Mkutano wa Mabalozi na Wenyeviti wa Maskani za CCM Wilaya ya Dimani katika ukumbi wa CCM Mkoa Amani akiwa katika mfululizo wa ziara zake za kuimarisha Chama katikaMikoaya Unguja.

Wajumbe wa Mkutano wa Mabalozi na Wenyeviti wa Maskani za CCM Wilaya ya Dimani kutoka Jimbo la Magogoni wakifuatilia kwa makini taratibu za Mkutano huo zilizotumika   kwa Viongozi wakuu wa  CCM walipozungumzia masuala mbali mbali  katika ziara ya kuimarisha Chama iliyofanywa na Rais wa Zanzibar na Mwenyekiti wa Baraza la Mapinduzi pia Makamo Mwenyekiti wa CCM Zanzibar Dk.Ali Mohamed Shein katika ukumbi wa CCM Mkoa Amani.

Wajumbe wa Mkutano wa Mabalozi na Wenyeviti wa Maskani za CCM Wilaya ya Dimani kutoka Jimbo la Fuoni wakifuatilia kwa makini taratibu za Mkutano huo zilizotumika   kwa Viongozi wakuu wa  CCM walipozungumzia masuala mbali mbali  katika ziara ya kuimarisha Chama iliyofanywa na Rais wa Zanzibar na Mwenyekiti wa Baraza la Mapinduzi pia Makamo Mwenyekiti wa CCM Zanzibar Dk.Ali Mohamed Shein katika ukumbi wa CCM Mkoa Amani.
Rais wa Zanzibar na Mwenyekiti wa Baraza la Mapinduzi ambaye pia ni Makamo Mwenyekiti wa CCM Zanzibar Dk. Ali Mohamed Shein akiwa kwenye meza kuu pamoja na Naibu Katibu Mkuu wa chama hicho, visiwani Zanzibar, Vuai Ali Vuai (kulia), wakati Dk. Shein, alipokuwa katika Mkutano wa Mabalozi na Wenyeviti wa Maskani za CCM Wilaya ya Dimani, ukumbi wa CCM Mkoa Amani mjini Unguja leo.

Katibu Vijana wa CCM (UVCCM) Wilaya ya Dimani Mkoa wa Magharibi Kichama alipokuwa akihamasisha  Mabalozi na Wenyeviti wa Maskani za CCM Wilaya hiyo walipokuwa katika Mkutano  maalum uliohutubiwa na Rais wa Zanzibar na Mwenyekiti wa Baraza la Mapinduzi pia Makamo Mwenyekiti wa CCM Zanzibar Dk. Ali Mohamed Sheinkatika ziara zake za kuimarisha Chama katika Mikoa ya Unguja.

Rais wa Zanzibar na Mwenyekiti wa Baraza la Mapinduzi pia Makamo Mwenyekiti wa CCM Zanzibar Dk.Ali Mohamed Shein akipokea risala ya mabalozi iliyosomwa na Balozi Kasim Hassan Haji katika Mkutano wa Mabalozi na Wenyeviti wa Maskani za CCM Wilaya ya Dimani katika ukumbi wa CCM Mkoa Amani akiwa katika mfululizo wa ziara zake za kuimarisha Chama katika Mikoaya Unguja.

Rais wa Zanzibar na Mwenyekiti wa Baraza la Mapinduzi pia Makamo Mwenyekiti wa CCM Zanzibar Dk.Ali Mohamed Shein akizungumza na Wanachi na Wanachama wa CCM katika Mkutano wa Mabalozi na Wenyeviti wa Maskani za CCM Wilaya ya Dimani katika ukumbi wa CCM Mkoa Amani akiwa katika mfululizo wa ziara zake za kuimarisha Chama katikaMikoaya Unguja.

Na Said Ameir, Zanzibar

Rais wa Zanzibar na Mwenyekiti wa Baraza la Mapinduzi Dk. Ali Mohamed Shein amewakumbusha viongozi waliochaguliwa kupitia Chama cha Mapinduzi kuwa wanawajibu kushirikiana na wanachama wenzao kukiimarisha chama hicho katika kila ngazi.

“Viongozi hawa (wabunge na wawakilishi)tumewapitisha katika vikao vyetu na kuchaguliwa na wananchi hivyo wana wajibu wa kuendelea kukitumikia chama na kwa umoja wetu kushirikiana kukijenga na kukiimarisha kwa nguvu zetu sote” Dk. Shein amesema.

Dk. Shein ametoa wito huo leo wakati alipokuwa akizungumza na mabalozi wa nyumba kumi na wenyeviti wa maskani za chama hicho wa wilaya ya kichama ya Dimani mkoa wa kichama wa Magharibi, Unguja katika mfululizo wa mikutano yake na viongozi hao katika wilaya za Unguja na Pemba.

Alisema kuwa viongozi hao wanapaswa pia kushiriki kikamilifu katika shughuli za maendeleo katika maeneo yao ikiwemo kuchangia miradi ya maendeleo na shughuli nyingine za wananchi na wanapaswa kuwapimwa kwa kuzingatia ufanisi na ushiriki wao katika shughuli hizo.

Dk. Shein aliwaambia viongozi hao kuwa lengo la mikutano hiyo ni kuimarisha chama hicho kwa kuzungumzia mambo muhimu yeye mustakabala wa Chama cha Mapinduzi na maedeleo ya Zanzibar.

Kwa hivyo aliwataka viongozi katika ngazi mbali mbali za uongozi kuitisha vikao kama Katiba ya chama hicho inavyoelekeza kuzungumzia masuala yote ya maendeleo ya chama hicho pamoja na kushughulikia hitilafu zinapotokea miongoni mwa viongozi na wanachama.

“Hitilafu zinapotokea baina yetu zizungumzwe katika vikao vyetu ili tuelewane na kamwe tusipuuze utaratibu wa chama chetu wa kukosoana vinginevyo tutakuwa tunakaribisha majungu ambayo hayakisadii chama chetu” Dk. Shein aliwaeleza viongozi hao.

Katika mkutano huo, Dk. Shein alitoa wito pia wa kuimarishwa kwa matawi na maskani za chama hicho kwa ajili ya kukipa nguvu na kuongeza kasi zaidi ya utekelezaji wa shughuli za chama ikiwemo kushinda chaguzi zijazo.

Aliwataka wana CCM na wananchi wa Zanzibar kuendelea kuenzi M uungano wa Zanzibar na Tanganyika ambao ulizaa Jamhuri ya Muungano wa Tanzania ambayo sasa imetimiza miaka 50 kwa mafanikio makubwa.

“Muungano ni uamuzi sahihi uliofanywa na viongozi wetu waasisi ... ni uamuzi ambao ulifanywa hadharani kwa kushirikisha Baraza la Mapinduzi kwa upande Zanzibar na kwa Tanganyika lilihusika Baraza la Mawaziri” Dk. Shein alieleza na kusisitiza kuwa kuimarisha Muungano ni sehemu ya utekelezaji wa Ilani ya CCM.

Aliongeza kuwa kuimarisha Muungano ndio kuenzi Mapinduzi ya mwaka 1964 kwa kuwa bila ya Mapinduzi hayo hakungekuwa na Muungano hivyo wananchi wa Zanzibar hawana budi kusimama kidete kutetea Muungano kwa nguvu zao zote.

Katika mkutano huo uliohudhuriwa na viongozi mbali mbali wa chama hicho wakiwemo wajumbe wa Kamati Kuu na Halmashauri Kuu ya Taifa ya chama hicho pamoja na baadhi ya mawaziri, Dk. Shein aliwahakikishia viongozi hao kuwa Serikali itaendelea kuchukua hatua mbalimbali kushughulikia ahadi zake na pia kuondoa kero mbalimbali zinazowakabili wananchi.

Kwa upande wake Mwenyekiti wa Mkoa wa Magharibi Yussuf Mohamed alieleza kuwa wananchi wa Mkoa huo wana kila sababu ya kujivunia uongozi wa Dk. Shein kwa namna ulivyojidhahtiti kutekeleza ahadi na mipango mbali mbali ya maendeleo na kubadili maisha ya wananchi.

“katika miaka mine ya uongozi wako tunmeona jitihada zako, ukereketwa wako na uzalendo kuwatumikia wananchi na kuwaletea maendeleo” alisema Mwenyekiti huyo na kuongeza kuwa jitihada hizo zimebadili maisha kila ya mwananchi.

Naye Nibu Katibu Mkuu wa CCM Zanzibar, Vuai Ali Vuai, akimkaribisha Dk. Shein kuzungumza na viongozi hao, alieleza kuwa chama hicho kimezidi kuimarika tangu uchaguzi wa mwaka 2010 ambapo kimeweza kushinda katika baadhi ya chaguzi ndogo zilizofanyika na kueleza kuwa kimekuwa kikionesha uungwana kwa kukubali matokeo pale kinaposhindwa badala ya kulalamika kama vinavyofanya vyama vingine.

Aidha, alihimiza utangazaji wa mafanikio mbalimbali za utekelezaji wa mipango ya maendeleo ya nchi ili wananchi waweze kuelewa hatua zinazochukuliwa na serikali yao kuwaletea maendeleo.