Covenant Bank yapongezwa kwa kuwakopesha wafugaji

Waziri wa Maendeleo ya Mifugo na Uvuvi Dk. Titus Kamani, akizungumza na waandishi wa habari (Hawapo pichani) wakati alipotembelewa na Ujumbe wa Benki ya Covenant kujadiliana nao namna ambavyo benki hiyo inaweza kuwafikia wafugaji zaidid baada ya kuwa benki ya kwanza kutoa mikopo ya ng’ombe 83 kwa kikundi cha wafugaji Somangira Kigamboni.
Waziri wa Maendeleo ya Mifugo na Uvuvi Dr. Titus Kamani, akimpongeza Mkurugenzi Mtendai wa Covenant Bank. Bibi Sabetha Mwambenja kwa benki yake kuwa benki ya kwanza kutoa mikopo ya ng’ombe 83 kwa wafugaji nchini, Mkurugenzi huyo alimtembelea Mh. Waziri ofisini kwake kuitikia wito ili  kujadiliana namna ambavyo benki hiyo invyoweza kuwafikia wafugaji wengi zaidi.

Waziri wa Maendeleo ya Mifugo na Uvuvi Dr. Titus Kamani, akimpongeza Mkurugenzi Mtendai wa Covenant Bank. Bibi Sabetha Mwambenja kwa benki yake kuwa benki ya kwanza kutoa mikopo ya ng’ombe 83 kwa wafugaji nchini, Mkurugenzi huyo alimtembelea Mh. Waziri ofisini kwake kuitikia wito ili  kujadiliana namna ambavyo benki hiyo invyoweza kuwafikia wafugaji wengi zaidi.

Na Mwandishi wetu
Dar es Salaam 20 Nov 2014 

WAZIRI wa Maendeleo ya Mifugo na Uvuvi Dr. Titus Kamani, ameipongeza Covenant Bank kwa kuwa mkombozi kwa wafugaji kwa kuwapatia mikopo ya ng’ombe wa maziwa, suala ambalo limekuwa gumu kwa taasisi nyingi za kifedha.

Waziri kamani ameyasema hayo wakati alipotembelewa na ujumbe wa benki hiyo Ofisini kwake jijii Dar es Salaam katika kujadili njia bora zaidi ambazo Benki hiyo inaweza kuzitumia kwa kuwafikia wafugaji wengi zaidi.

“Ninawapongeza sana kwa namna ambavyo mmeanza kwa kuwa mfano wa kuwawezesha, Wafugaji wadogo ambao kwa muda mrefu taasisi za kifedha zimekuwa mbali nao, Wengi wamekuwa hawana Uwezo wa kukopesheka kutokana na kutokuwa na mfumo Rasmi wa kutambulika katika taasisi hizo” alisema Kamani na Kuongeza.

Nimewaita hapa nikiwa na wito kwenu, kuwataka muangalie namna ya kuendelea kuwawezesha wafugaji wengi zaidi, ndani na nje ya Dar es Salaam, Tunashukuru mmeanza na Ng’ombe wa Maziwa lakini kuna fursa nyingine kwa wafugaji wa ng’ombe wa nyama huku kuna utajiri Mkubwa sana na inaweza kuchangia pato la taifa kwa kiasi kikubwa.

Dk. Kamani aliongeza kwa kutoa wito kwa taasisi za kifedha kama Covenant Bank kuendeleza ubunifu wa utoaji wa mikopo kwa kulingana na mazingira halisi ya uwekezaji, Huku akiahidi kuwa serikali itaendelea kuunga mkono jitihada za benki hiyo katika kuwakomboa wafugaji.

Akijibu hoja za Mh. Waziri Mkurugenzi Mtendaji wa Banki hiyo Bibi. Sabetha Mwambenja amesema kuwa, Anashukuru kwa namna ambavyo serikali imeupokea mradi huo na kuunga mkono na kuahidi kuendelea kubuni miradi ambayo itawakomboa Watanzania hasa wajasiriamali wadogo wasio katika sekta Rasmi.

“Ninashukuru kwa namna Serikali ambavyo imeupokea mradi huu, na kuupa kipaumbele kikubwa, tunawaahidi kuendelea kutekeleza miradi mingine ya kipekee itakayo wezesha Watanzania wasio katika sekta Rasmi kumiliki nyenzo muhimu za kujiongezea kipato kwani hawa ndio wanamchango mkubwa katika ukuaji wa Uchumi.

Aidha mkurugenzi huyo alitanabaisha kuwa wataendelea kuwawezesha wajasiriamali wadogo ikiwemo wafugaji kutokana na fursa zilizopo na kuhakikisha wanakuwa wa kwanza katika kubuni na kuanzisha huduma za kipekee kwa Watanzania.

Siku chache zilizopita Covenant Bank ilitoa mikopo ya Ng'ombe 83 kwa kikundi cha wafugaji wadogo cha Somangira waliopo Kigamboni Wilaya ya Temeke, Jijini Dar es Salaam.