Mbunge Mgimwa aanza kutekeleza ahadi za marehemu Baba yake, Dk. Mgimwa

*Awaonya wanaojipitisha 

Katibu  wa ofisi ya mbunge wa jimbo la Kalenga Bw. Martin Simangwa kushoto akikabidhi msaada wa bati 80  kwa mwenyekiti wa  kijiji cha Mlanda Bw Vitaris Samila  huku  wajumbe wa  serikali ya  kijiji  wakishuhudia.

viongozi wa serikali ya  kijiji cha Wangama wakimsikiliza katibu wa mbunge wa  jimbo la Kalenga  alipofika kukabidhi msaada wa bati 100 na saruji mifuko 50.

Katibu  wa mbunge wa  jimbo la Kalenga Bw Martin Simangwa wa tatu kulia  akiongoza wananchi wa Wangama kumkumbuka aliyekuwa mbunge wa  jimbo la Kalenga Dr Wiliam Mgimwa aliyefariki mwanzoni mwa mwaka huu.

Bw. Simangwa  akizungumza na  viongozi wa kijiji cha wangama. Wananchi  wa kijiji cha Negabihi wakifurahia msaada wa bati  uliotolewa na mbunge wa  jimbo la Kalenga.

Katibu  wa Mbunge wa Jimbo la Kalenga Bw Simangwa kulia akikabidhi msaada wa bati kijiji cha Negabihi jana.

                                                    

Na  Francis Godwin Blog 

MBUNGE  wa  jimbo la Kalenga  mkoani  Iringa Godfrey Mgimwa amekabidhi msaada  wa  bati 280 na saruji  mifuko 50 kwa  katika kata ya   Wangama na Mlanda ikiwa ni  sehemu ya  utekelezaji  wa ahadi  alizozitoa aliyekuwa mbunge wa  jimbo hilo marehemu Dr Wiliam Mgimwa  huku akiwataka  wananchi  kuwapuuza watu  wanaojipitisha  kutaka  ubunge  mwaka 2015.

Akikabidhi msaada  huo  wenye thamani ya  zaidi ya Tsh milioni 6.7 jana katibu  wa  mbunge Mgimwa  Martine  Simangwa  alisema  kuwa  mbunge Godfrey Mgimwa ameanza  kutekeleza ahadi  mbali mbali ambazo aliyekuwa  mbunge  wa  jimbo hilo Marehem Dr Mgimwa alipata  kuzitoa katika maeneo mbali mbali  ya  jimbo  hilo.

“Mheshimiwa  Godfrey Mgimwa mbunge wetu  wa  jimbo la Kalenga ameanza  kutimiza ahadi  zilizotolewa na marehemu Dr Mgimwa ikiwa ni utekelezaji wa ahadi  mbali mbali  zilizotolewa na mbunge  huyo … hadi  sasa ahadi mbali mbali  zimeendelea  kutekelezwa na Godfrey Mgimwa kama alivyopata  kuwaahidi  wananchi  wakati wa kampeni”alisema Simangwa .

Kuwa msaada  huo  wa bati 100 na  saruji mifuko 50  ambao umetolewa katika kijiji cha Wangama kwa  ajili yha ukarabati  wa vyumba vya madarasa  katika  shule ya Msingi  Wangama wakati  kijiji  cha Negabihi  zimetolewa  bati 100  na bati 80 zimetolewa kijiji  cha Mlanda na  kuwa  zoezi  la  kukamilisha ahadi  mbali mbali za marehem Dr Mgimwa  zinaendelea  kutekelezwa katika maeneo  yote .

Alisema  kuwa hadi mwakani  sehemu  kubwa ya ahadi hizo  itakuwa  imetekelezwa  na mbunge Godfrey Mgimwa na  kuwataka  wananchi  wa  jimbo la Kalenga kwa  sasa kupuuza wanasiasa wa  vyama  vya upinzani na wale wa CCM ambao  wameendelea  kuzunguka  jimboni kwa ajili ya  kuwadanganya  wananchi  kwa  ajili ya  mwaka 2014

Simangwa  alisema  kuwa  wapo baadhi ya  watu  wasiomtakia mafanikio mbunge  Godfrey Mgimwa walipata  kuzusha  kuwa mbunge  huyo amekamatwa uwanja  wa Ndege Dar es Salaam akitaka  kukimbilia Uingereza kuishi jambo  ambalo  si kweli na  wapo ambao  walieneza  kuwa mbunge  huyo amegoma kuapishwa kwa madai  kuwa hataka  kuliongoza  jimbo  hilo.

” Watu  hao  hao  wamekuwa  wakieneza uongo kwa wananchi dhidi ya  mbunge Godfrey Mgimwa ila ukweli ni huu mbunge  wenu anawapenda  sana na hadi  sasa  yupo bungeni Dodoma akiendelea na  vikao  vya bunge la bajeti na  mara baada ya kumalizika kwa  kikao  hicho atafanya  ziara hivyo wapuuzeni  wote  wanaoeneza uongo huo”

Bila  kuwataja majina   watu  hao  na vyama vyao alisema  kuwa tayari wameanza  kukasilishwa na utekelezaji mzuri  wa ahadi mbali mbali unaofanywa na mbunge Godfrey Mgimwa.

Katibu  huyo  alisema kwa  sasa Mgimwa ni mbunge  wa  jimbo hilo wa  wananchi  wote  bila  kujali itikadi za  vyama  wala dini  zao na  kuwa moja kati  ya malengo  yake ni  kugombea  tena  ubunge mwaka 2015  hivyo kwa  kipindi  hiki kifupi  cha mwaka mmoja uliobaki ni  kuona ahadi zote  zilizotolewa na mbunge  aliyefariki zinatekelezwa na kusaidia mambo mengine ya  ziada pale  yanapojitokeza.

Akishukuru kwa niaba ya wananchi wa jimbo la Kalenga  mwenyekiti wa  serikali ya  kijiji  cha Negabihi  Gaudence chung’unge alisema  kuwa wao kama  wananchi wataendelea  kumuunga mkono mbunge  huyo na kuwa hawapo  tayari  kuwasikiliza wale  wanaojipitisha kwa  wakati  huo.