Michezo ya SHIMIWI, Afya yaingia Robo Fainali, yaifunga Mkaguzi Mkuu wa Serikali penalti 3-1

Timu ya Wizara ya Afya na Ustawi wa Jamii (kulia), wakisalimia watazamaji kwenye Uwanja wa Jamhuri, mjini Dodoma kwenye mpambano wao dhidi ya Mkaguzi Mkuu wa Serikali (walovaa jezi nyeupe). Katikati ni waamuzi wa mpambano huo. Afya ilishinda 3-1. 

Wachezaji wa Afya wakibadilishana mawaza mara baada ya kutoka sare bila ya kufungana na Mkaguzi Mkuu wa Serikali, hatua iliyopelekea kupigiana penati.

Golikipa wa Afya Said Kindamba akiutazama mpira mara baada ya kuingia nyavuni ambapo Ukaguzi walipata mkwaju mmoja kati ya nne walizafanikiwa kuzipiga.

Penati ya tatu na ya mwisho iliyowawezesha timu ya Afya kutinga hatua ya Robo fainali, ilivyopigwa na mchezaji Bakari Magoma.

Wachezaji wa Afya na Ustawi wa Jamii, wakiwa kwenye picha ya pamoja kiwanjani hapo, mara baada ya timu yao kuilaza Ukaguzi kwa mabao 3-1.

Na Catherine Sungura (MOHSW), Dodoma

Timu ya Mpira wa miguu ya Wizara ya Afya na Ustawi wa Jamii, leo imefanikiwa kuingia Robo fainali baada ya kuitoa timu ya Mkaguzi Mkuu wa Serikali kwa mikwaju 3-1 mjini hapa.

Mchezo huo, ulikuwa wa kukamiana kati ya timu hizo mbili zilizoweza kutoka sare bila ya kufungana hadi mwisho wa mchezo huo.

Baada ya mchezo kuisha mwamuzi wa mchezo huo, aliamuru timu hizo zipige mikwaju ya penalti, ambayo iliweza kuitoa kimasomaso timu hiyo, ya Afya na Ustawi wa Jamii.

Ukaguzi ndiyo iliyokuwa ya kwanza kuanza kupiga mikwaju hiyo, ambapo golikipa wa Afya Said Kidamba aliweza kuzuia mipira mitatu kati ya minne iliyopigwa kwenye nyavu za Afya.

Afya wao walifanikiwa kuziona nyavu za wapinzani wao katika penati zote tatu walizozipiga.

Wachezaji waliyoiwezesha afya kuingia robo fainali alikuwa Patrick Mangungulu penati ya kwanza, Selemani Juma penati ya pili na penati ya tatu na iliyoamsha shamrashamra kiwanjani hapo ni ile iliyopigwa na Bakari Magoma.

Katika mchezo huo uliochezwa kwenye kiwanja cha Jamburi, mwamuzi  aliweza kutoa kadi za njano nne kwa timu hizo ambapo Afya ilipata kadi moja kwa mchezaji wake Emmanuel Zunda kipindi cha kwanza na Ukaguzi zilitolewa kwa George Mlelwa na Abdul Athumani kipindi cha kwanza na kipindi cha pili dakika ya nane ilienda kwa Ally Mpondo