Vodacom yaungana na UN wiki ya Nenda kwa Usalama

Mkuu wa kikosi cha Usalama barabarani Tanzania, Mohamed Mpinga akiongea na baadhi ya wanafunzi wa Shule ya Msingi Mapambano, kuhusiana na masuala ya Usalama Barabarani katika kuadhimisha wiki ya Umoja wa Mataifa ya Nenda kwa Usalama Barabarani ambayo huadhimishwa Mei 6 hadi 12 ,ambapo wafanyakazi wa vodacom waliambatana na mkuu huyo katika kutoa elimu  kwa watoto wa shule hiyo na Uzuri zote za Sinza jijini Dares Salaam na kutoa msaada wa madafutari na vitabu mbalimbali vya kujisomea,anaeshuhudia kulia ni Meneja uhusiano wa nje wa Vodacom Tanzania,Bw.Salum Mwalim. (Picha zote na Mpigapicha wetu)

Mfanyakazi wa Vodacom Tanzania, Bi. Ena Mwangama, akimkabidhi kitabu  cha sayansi mmoja wa wanafunzi wa shule ya  Mapambano iliyopo Sinza jijini Dar es Salaam, wakati wafanyakazi wa vodacom Tanzania, walipofika shuleni hapo kutoa elimu ya Usalama Barabarani ikiwa ni sehemu ya maadhimisho ya  wiki ya Umoja wa Mataifa ya Nenda kwa Usalama Barabarani yaliyoanza  Mei 6 hadi 12.kila mwaka.

Baadhi ya wafanyakazi wa Vodacom Tanzania, wakiwafundisha wanafunzi wa shule ya msingi  ya Mapambano ya jijini Dar es Salaam,  baada ya kuwapa msaada wa vitambu vya sayansi ikiwa ni sehemu ya Maadhimisho ya Wiki ya  Umoja wa Mataifa ya Nenda kwa Usalama Barabarani ambayo huadhimishwa Mei 6 hadi 12, ambapo wafanyakazi wa vodacom waliambatana na mkuu wa kikosi cha Usalama barabarani Tanzania, Mohamed Mpinga  (hayupo pichanini) kutoa elimu  kwa watoto wa shule za Uzuri na Mapambano zote za Sinza jijini Dares Salaam. 

Meneja wa Vodacom Tanzania Grece Lyon  (kushoto ) na Mwalimu Mkuu wa shule ya msingi Uzuri Tandale ya jijini Dar es Salaam, (kulia)wakionyeshwa vitabu vya sayansi na wanafunzi wa shule hiyo baada ya kukabidhiwa na wafanyakazi wa Vodacom, Ikiwa ni sehemu ya Maadhimisho ya wiki ya Umoja wa Mataifa ya Nenda kwa Usalama Barabarani ambayo huadhimishwa Mei 6 hadi 12 ,ambapo wafanyakazi wa vodacom waliambatana na mkuu wa kikosi cha Usalama barabarani Tanzania, Mohamed Mpinga (hayupo pichanini) kutoa elimu  kwa watoto wa shule za Uzuri na Mapambano zote za Sinza jijini Dares Salaam. 

Meneja Mawasiliano wa Vodacom Rukia Mtingwa akiwaongoza wanafunzi wa shule ya msingi ya Uzuri iliyopo Tandale jijini Dar es Salaam, kwenda kujifunza jinsi ya kutumia alama za barabarani ikiwa ni sehemu ya maadhimisho ya Umoja wa Mataifa ya Nenda kwa Usalama Barabarani ambayo huadhimishwa Mei 6 hadi 12 ,kila mwaka .Wafanyakazi wa Vodacom waliambatana na Mkuu wa Kikosi Cha Usalama Barabarani Tanzania,Mohamed Mpinga   (hayupo pichanini)  Pia walitoa msaada wa vitu  mbalimbali ikiwemo vitabu vya Sayansi. 

KAMPUNI ya Mawasiliano ya Vodacom nchini, leo inaungana na Shirika la Umoja wa Mataifa chini ya Shirika la Afya Duniani, Makamishna wa Kanda wa Umoja wa Mataifa na Wadau mbalimbali wa masuala ya Usalama Barabarani katika kuadhimisha wiki ya Umoja wa Mataifa ya Nenda kwa Usalama Barabarani ambayo huadhimishwa Mei 6 hadi 12 kila mwaka duniani kote.

Aidha, katika maadhimisho hayo, yenye kauli mbiu “Usalama wa Waenda kwa Miguu” na ambayo yanafanyika kwa msaada wa  Shirikisho la Kimataifa la Mashindano ya mbio za Magari (FIA),  lengo hasa ni kutoa elimu kwa watumiaji wa vyombo vya usafiri na watembea kwa miguu juu ya tahadhari wanazopaswa kuchukua wawapo barabarani.

Akizungumza Dar es Salaam jana, Mkuu wa Kitengo cha Mahusiano ya jamii na Mawasiliano Vodacom Tanzania,Bi.Joseline Kamuhanda, alisema katika maadhimisho hayo wanatarajia kutoa huduma kadhaa zikiwemo uwezeshaji wa mafunzo ya elimu ya usalama barabarani, na ugawaji wa zawadi za vitabu kwa wanafunzi wa shule za msingi Tandale Uzuri na Mapambano, jijini Dar es Salaam.

“Ajali za barabarani zinaongezeka kwa kasi na kusababisha upotezaji wa nguvu kazi huku zikiacha maafa makubwa kwa taifa, ni jukumu la kila Mtanzania kuwa sehemu ya kusimamia na kuzingatia sheria za barabarani  huku tukijikita zaidi kuchukua tahadhari kwa waenda kwa miguu kama kauli mbiu ya mwaka huu inavyotuagiza,” alisema Mwakifulefule na kuongeza:

Kama Vodacom na Vodafone duniani kote tumeichagua siku hii kati ya siku saba za mwendelezo wa maadhimisho haya, ili kujumuika na makundi mbalimbali ndani ya jamii, katika kuelimishana na kubadilishana mawazo, kwa mantiki ya kila mmoja kuchukua tahadhari, sanjari na kuzungumza na wanafunzi ambao hasa wengi wao hupata madhara ya kuuawa na kujeruhiwa kutokana na kugongwa na vyombo vya usafiri wawapo barabarani,”

Aidha, alibainisha kuwepo kwa ongezeko la vifo vya watembea kwa miguu  vinavyotokana na ajali za barabarani kila siku, huku akisisitiza kuwa ni kadhia inayoleta simanzi na kusababisha kupotea kwa nguvu kazi ya taifa, sambamba na kuwasihi watanzania kila mmoja kutoa sauti itakayosaidia kupunguza maafa hayo na ajali nyingine za barabarani kama kauli mbiu ya mwaka huu inavyotuagiza.

Kamuhanda, akizungumza kwa niaba ya Vodacom na Vodafone duniani, alisema inapaswa kueleweka kuwa tafiti zilizopo zinaonesha zaidi ya watembea kwa miguu laki 3, sawa na robotatu ya watu milioni 1.3 duniani kote hufa na wengine kujeruhiwa katika barabara mbalimbali duniani kwa mwaka, huku wengine wapatao 5000 ambao wengi wao ni watoto hufariki kila wiki kutokana na kugongwa na vyombo vya usafiri duniani.

“Hivyo tunaamini kwa kutumia njia ya elimu na hamasa juu ya masuala ya usalama barabarani ni dhahiri itakuwa njia bora na rahisi katika kufikisha ujumbe” alisema Mkuu huyo wa Kitengo cha Mahusiano ya jamii na Mawasiliano Vodacom Tanzania.