Wizara ya Afya yapokea magari 2 ya kubebea wagonjwa kutoka ka wadau wa Afya wa Australia kusaidia Hospitali ya Kisarawe

 

Kaimu Katibu mkuu wa Wizara ya Afya na Ustawi wa Jamii Bi. Regina Kikuli akiongea na waandishi wa habari (hawapo pichani), Dar es Salaam leo, wakati wa hafla fupi ya kupokea msaada wa magari 2 ya kubebea wagonjwa kutoka kwa wadau wa afya wa Australia.

Muuguzi Mkuu wa Idara ya Afya kutoka Serikali ya Australia, Bi. Catherine Stoddart (kushoto), akimkabidhi funguo za magari ya kubebea wagonjwa, Kaimu Katibu Mkuu wa Wizara ya Afya na Ustawi wa Jamii, Bi.Regina Kikuli katika viwanja vya wizara hiyo, jijini Dar es Salaam leo. Magari hayo 2 yaliyotolewa kwa msaada wa wadau wa afya wa mashirika yasiyo ya Kiserikali ya Austaralia yatapelekwa kusaidia utoaji wa huduma za afya ya mama na mtoto katika Hospitali ya Wilaya ya Kisarawe, Mkoani Pwani.

Katibu Mkuu wa Wizara ya Afya na Ustawi wa Jamii, Bi. Regina Kikuli (kulia), akiwaonesha waandishi wa habari (hawapo pichani), funguo za magari mawili ya kubebea wagonjwa aliyokabidhiwa na wadau wa mashirika yasiyo ya serikali kutoka Austaralia.

Wawakilishi wa wadau wa afya kutoka mashirika yasiyo ya Kiserikali ya Austaralia, wakiongozwa na Muuguzi Mkuu wa Idara ya Afya ya Serikali ya Australia Magharibi, Bi. Catherine Stoddart (wa pili kutoka kushoto waliokaa), wakiwa katika picha ya pamoja na baadhi ya watendaji wa Wizara ya Afya na Ustawi wa Jamii, mara baada ya kukabidhi msaada wa magari 2 ya kubebea wagonjwa. (Picha na Aron Msigwa – MAELEZO)