Wakazi wa Bagamoyo waomba mapambano mengine kufanyika Bagamoyo

 

Bondia Zumbe Kikuru (kushoto) akipambana na Toma Kato, wakati wa mpambano wao uliofanyika katika ukumbi wa Saadan High Way Bagamoyo mwishoni mwa wiki iliyopita. Katika pambano hilo, Kikuru alishinda kwa K'O raundi ya pili. (Picha na Super D)

Mashabiki waliojitokeza kushudia mpambano wa masumbwi uliofanyika katika ukumbi wa Saadan High Way Bagamoyo mwishoni mwa wiki iliyopita.

Mwamuzi wa pambano la masumbwi, Said Chaku (katikati) akimwinua mkono juu bondia Obete Ameme, baada ya kumtwanga mpinzani wake katika raundi ya kwanza kwa K,O katika pambano lao lililofanyika katika ukumbi wa Saadan High Way Bagamoyo mwishoni mwa wiki iliyopita. Na Mwandishi wetu, Bagamoyo MASHABIKI na wapenzi wa mchezo wa masumbwi, waishio Wilaya ya Bagamoyo, wamewataka viongozi wa mchezo huo kutopendelea kufanya mashindano ya mchezo huo jijini Dar es Salaam, pekee na badala yake wapeleke mchezo huo wilayani humo. Wakizungumza na mtadao huu baada ya kumalizika kwa pambano la ngumi, katika ya Zumbe Kikuru, na Toma Kato, mashabiki hao walisema kuwa wanahamasika sana na mchezo huo, lakini hawapati fulsa ya kuuona mara kwa mara kutokana na wilaya yao kusahaulika na waandaaji wa mchezo huo. Aidha walisema kuwa waandaaji wengi wamekuwa wakisita kupeleka mapambano ya ngumi wilayani humo, kwa kudhani mchezo huo hauna mashabiki wa kutosha mjini Bagamoyo, jambo ambalo si la kweli. ''Hebu ona mashabiki waliojitokeza leo kushuhudia mchezo huu, hawa wote ni mashabiki wa kweli ila wanakosa burudani hii kutokana na kulazimika mara kwa mara kusafiri hadi jijini dar kwa ajili ya kushuhudia mchezo huu, tunawaomba sana viongozi wa vyama vya mchezo wa ngumi watukumbuke na sisi kwa kutuletea angalao mara moja kwa miezi miwili hivi mapambano'' alisema shabiki mmoja aliyejitambulisha kwa jiana na Said Bubelwa