Dk. Bilal azindua maadhimisho ya Siku ya Mazingira

Makamu wa Rais wa Jamhuri ya Muungano wa Tanzania, Dk. Mohammed Gharib Bilal, akipanda mti, aina ya Mroliondo katika eneo la Chem chem ya Maji Njoro, leo Juni 03, 2012, ikiwa ni sehemu ya uzinduzi wa Maadhimisho ya Siku ya Mazingira Duniani yanayofanyika Kitaifa Mkoani Kilimanjaro. (Picha zote na Muhidin Sufiani-OMR)

Makamu wa Rais, Dk. Mohammed Gharib Bilal, akikata utepe ili kuzindua rasmi maadhimisho ya Siku ya Mazingira Duniani, leo Juni 03. 2012, yanayofanyika Kitaifa mkoani Kilimanjaro. 

Makamu wa Rais, Dk. Mohammed Gharib Bilal, akisikiliza maelezo kutoka kwa Mwenyekiti wa Kikundi cha BEP-Environmental Initiatives Consortium, Jensen Siria, kuhusu matumizi na utengezaji wa majiko ya gharama nafuu, wakati alipotembelea katika Banda la kikundi hicho, katika maonesho ya Maadhimisho ya Siku ya Mazingira Duniani, aliyoyazindua Kitaifa, leo Juni 03, 2012, Viwanja vya  Mashujaa Mkoani Kilimanjaro. 

Makamu wa Rais, Dk. Mohammed Gharib Bilal, akisikiliza maelezo kutoka kwa Ofisa Masoko wa Kundi la Mradi wa  WASH, Kelvin Mwanshilo, wa Shirika la Care, kuhusu vyoo mbadala vya gharama nafuu, wakati alipotembelea katika Banda la kikundi hicho katika maonyesho ya Maadhimisho ya Siku ya Mazingira Duniani, Viwanja vya  Mashujaa Mkoani Kilimanjaro.

Makamu wa Rais, Dk. Mohammed Gharib Bilal, akiangalia zao la Kahawa wakati akitembelea katika mabanda ya maonyesho alipokuwa akizindua rasmi Maadhimisho ya Siku ya Mazingira Duniani yanayoendelea katika Viwanja vya Mashujaa Mkoani Kilimanjaro.

Kikundi cha ngoma za asili cha mkoani Kilimanjaro, kikitoa burudani wakati wa uzinduzi huo, viwanjani hapo leo.

Makamu wa Rais wa Jamhuri ya Muungano wa Tanzania, Dk. Mohammed Gharib Bilal, akiwahutubia wananchi wa mkoani Kilimanjaro, wakati wa uzinduzi wa maadhimisho ya Siku ya Mazingira Duniani, leo Juni 03, 2012, ambayo yanafanyika Kitaifa mkoani humo.