Makamu wa Rais, Dk. Bilal awasili Tabora

Makamu wa Rais wa Jamhuri ya Muungano wa Tanzania, Dk. Mohammed Gharib Bilal, akipokewa na viongozi mbalimbali wa Mkoa wa Tabora, wakiongozwa na Mkuu wa Mkoa huo, Fatma Mwasa (aliyevaa kilemba)  na viongozi kutoka Ofisi ya Taifa ya Takwimu  mara baada ya kuwasili  Uwanja wa ndege mkoani humo leo, kwa ziara ya siku mbili ambapo pamoja na mambo mengine, atafunga awamu ya kwanza ya kutenga maeneo ya  maandalizi ya Sensa ya watu na makazi  ya mwaka  2012, Kitaifa katika viwanja vya Chipukizi mkoani Tabora. (Picha na Aron Msigwa - MAELEZO)

Makamu wa Rais, Dk. Mohammed Gharib Bilal, akipata maelezo kutoka kwa Mkuu wa Wilaya ya Tabora, Mussa Chang’a (mwenye suti nyeupe), kuhusu  vikundi mbalimbali vya burudani vilivyokuwa vikitumbuiza wakati wa mapokezi yake mkoani Tabora.

Mkuu wa Mkoa wa Tabora, Fatma Mwasa, akitoa taarifa ya utekelezaji wa miradi mbalimbali ya maendeleo ya mkoa wa Tabora kwa Makamu wa Rais Dk. Mohammed Gharib Bilal. Kulia ni Waziri wa Fedha, Dk. William Mgimwa.

Makamu wa Rais, Dk. Mohammed Gharib Bilal, akizungumza na viongozi wa Mkoa wa Tabora mara baada ya kupokea taarifa ya maendeleo ya Mkoa, ambapo ametoa wito kwa viongozi hao, kufanya kazi kwa bidii na pia kuwahamasisha wananchi kushiriki katika sensa ya watu na makazi, itakayofanyika nchi nzima kuanzia tarehe 26 mwezi Agosti, mwaka huu.

Mkurugenzi Mkuu wa Ofisi ya Taifa ya Takwimu, Dk. Albina Chuwa (kushoto), akizungumza jambo na Mkuu wa Mkoa wa Tabora, Fatma Mwasa (kulia), mjini Tabora leo wakati wa hafla hiyo.