Timu za Habari Zanzibar, zazinyanyasa TBC, NSSF fainali Kombe la NSSF

Waamuzi wa fainali za michezo ya NSSF kwa Vyombo vya Habari, nchini wakijadiliana mambo mbalimbali kabla ya kuanza kwa fainali za michezo mbalimbali leo, jijini Dar es salaam. (Picha na Aron Msigwa –MAELEZO)

 Waziri wa Habari, Vijana, Utamaduni na Michezo Dk. Emmanuel Nchimbi (katikati) akiwa katika picha ya pamoja na viongozi na wachezaji wa timu ya mpira wa miguu ya Mfuko wa Taifa wa Hifadhi ya Jamii (NSSF), kabla ya kuanza kwa mchezo wa fainali kati ya timu hiyo na timu ya habari kutoka Zanzbar leo, jijini Dar es saalam. 

 Mshambuliaji wa timu ya NSSF ya jijini Dar es salaam, ambao ndio wenyeji wa mashindano ya 9 ya NSSF kwa vyombo vya habari, akihaha kutafuta goli kutoka timu pinzani ya Habari ya Zanzbar wakati wa fainali za mashindano hayo leo jijini Dar es salaam. Timu ya Habari Zanzibar imeibuka kidedea kwa kuifunga NSSF bao 4- 0.

 Kocha wa timu ya Habari ya Zanzibar, Taibu Khamis akitoa maelekezo kwa wachezaji wake mara baada ya kumalizika kwa kipindi cha kwanza cha mchezo wa fainali kati ya timu hiyo na NSSF leo jijini Dar es salaam.

 Waziri wa Habari, Vijana, Utamaduni na Michezo, Dk. Emanuel Nchimbi, akizungumza na wadau wa michezo na washiriki wa michezo kutoka vyombo mbalimbali vya habari mara baada ya kumalizika kwa fainali za mashindano ya 9 ya NSSF kwa vyombo vya habari na kutoa wito kwa taasisi, mashirika na makampuni mbalimbali kujitokeza kudhamini michezo mbalimbali nchini.

 Waziri wa Habari Vijana na Utamaduni, Dk. Emmanuel Nchimbi, akimkabidhi kombe na Fedha taslimu shilingi milioni 3, nahodha wa timu ya Habari kutoka Zanzibar,  Mwanaidi Awadhi, mara baada ya timu hiyo, kuibuka na ushindi kwa kushika nafasi ya kwanza kwenye mchezo wa mpira wa pete kwa wanawake katika mashindano ya 9 ya NSSF, kwa vyombo vya habari leo jijini Dar es Salaam. Timu hiyo imeifunga timu ya wanawake ya TBC Queens kwa jumla ya magoli 30 kwa 10. 

Nahodha wa Timu ya TBC Queens, Grace Kingalame, kombe na zawadi ya mshindi wa pili kwa niaba ya timu yake, shilingi milioni 2,  kutoka kwa Waziri wa Habari, Vijana, Utamaduni na Michezo, Dk. Emmanuel Nchimbi mara baada ya kumalizika kwa mashindano ya NSSF kwa vyombo jijini leo.

  Nahodha wa timu ya TBC Queens, Grace Kingalame(kulia), akionyesha ujirani mwema kwa kushangilia na wachezaji wa timu ya wanawake ya mpira wa pete ya Habari kutoka Zanzbar licha ya timu hiyo kuifunga TBC Queens magoli 30 kwa 10 katika mchezo wa fainali ya NSSF Cup, jijini leo.

Kikosi cha timu ya mpira wa miguu cha  Habari kutoka Zanzibar, kikishangilia ushindi mara baada ya kutwaa kombe na fedha taslimu shilingi milioni 3.5, mara baada ya kuwaondoa wenyeji wa mashindano hayo, timu ya NSSF kwa bao 4-0, leo jijini Dar es salaam.