Mwakilishi wa Bububu Zanzibar azikwa

Wanawake mbalimbali wakiwa katika mazishi ya aliyekuwa Mwakilishi wa Jimbo la Bububu kupitia Chama Cha Mapinduzi  Marehemu Salum Amour Mtondoo, aliyefariki jana kutokana na ugonjwa wa shinikizo la damu akiwa  Hospitali ya Mnazi Mmoja Zanzibar. (Picha na Yussuf Simai Maelezo Zanzibar)

 Rais wa Zanzibar na Mwenyekiti wa Baraza la Mapinduzi Dk. Ali Mohammed Shein, akiwa pamoja na Viongozi wengine wa Kitaifa wa Serikali hiyo, katika mazishi ya Mwakilishi wa Jimbo la Bububu, Marehemu Salum Amour Mtondoo, yaliyofanyika kijijini kwao, Bumbwini Mkoa wa Kaskazini Unguja.

 Rais wa Zanzibar, Dk Ali Mohamed Shein pamoja na viongozi wengine wa Kitaifa wa Serikali ya Mapinduzi Zanzibar, wakishiriki dua maalum ya kumwombea maiti huyo, wakati wa mazishi yake kijijini kwao Bumbwini leo. 

 Naibu Katibu Mkuu wa CCM Zanzibar, Vuai Ali Vuai, akitoa hotuba kwa niaba ya Chama Cha Mapinduzi (CCM),  kuhusu utendaji kazi wa marehemu huyo katika chama hicho, enzi za uhai wake.

Rais wa Zanzibar Dk. Ali Mohamed Shein (watatu kulia), akiwa katika dua ya mwisho ya kumwombea marehemu mwakilishi huyo, iliyokuwa ikisomwa na Mufti Mkuu wa Zanzibar Sheikh Omar Kaabil, Kulia kwa Rais Shein ni Makamu wa Kwanza wa Rais wa Zanzibar, Maalim Seif Shariff Hamad pamoja na Rais Mstaafu wa Jamhuri ya Muungano wa Tanzania Ali Hassan Mwinyi na  kushoto kwa Rais ni Makamu wa Pili wa Rais, Balozi Seif Ali Idd.