Marekani yailaumu Korea Kaskazini kwa kirusi cha WannaCry

Haki miliki ya pichaREUTERS

Image captionThomas Bossert ambaye ni msadizi wa Rais Donald Trump, aliyesama haya kupitia jarida la Wall Street Journal.

Utawala nchini Marekani unasema kuwa Korea Kaskazini ilihusika moja kwa moja na kirusi cha wannaCry kilichoadhiri hospitali, biashara na mabenki kote duniani mapema mwaka huu.

Kirusi hicho kilidaiwa kuvamia zaidi ya kampuni 300,000 kwenye mataifa 150 na kusababisha hasara ya mabilioni ya dola.

• Kirusi cha WannaCry kilitoka Korea Kaskazini?
• Wadukuzi wa Korea Kaskazini wadukua kampuni ya televisheni Uingereza

Thomas Bossert ambaye ni msadizi wa Rais Donald Trump, aliyasema haya kupitia jarida la Wall Street Journal.

Hii ndiyo mara ya kwanza Marekani imeilaumu Korea Kaskazini kwa kirusi hicho.

Haki miliki ya pichaEPA

Image captionKompyuta zinazotumia Windows zilivamiwa na kirusi hicho na kufungwa ambapo watumiaji walitakiwa kulipa ili kuweza kupata data zao

Bw. Bossert anayemshauri Trump katika masuala ya usalama wa ndani wa nchi alisema kuwa madai hayo ni kutokana na ushahidi uliopo.

• Makampuni mengi duniani yakumbwa na udukuzi wa mitandao
• Kompyuta yako inaweza kutekwa na kirusi?

Serikali ya Uingereza na kampuni ya kompyuta ya Microsof waliilaumu Korea Kaskazini kwa kirusi hicho.

Mwezi Mei kompyuta zinazotumia Windows zilivamiwa na kirusi hicho na kufungwa ambapo watumiaji walitakiwa kulipa ili kuweza kupata data zao.

Haki miliki ya pichaKCNA/AFP

Image captionKorea Kaskazini haijajibu madai hayo