MAMA JANETH: MUENZINI MWALIMU NYERERE KWA KUWAHUDUMIA WAZEE

Mke wa Rais wa Jamhuri ya Muungano wa Tanzania Mama Janeth Magufuli akisalimiana na Viongozi wa Serikali na Chama Mkoani Morogoro alipofika kutembelea makazi ya kulea wazee ya Chazi yaliyopo Wilayani Mvomero Mkoani Morogoro.

Mke wa Rais wa Jamhuri ya Muungano wa Tanzania Mama Janeth Magufuli akitembelea na kukagua makazi ya Wazee ya Chazi yaliyopo Wilayani Mvomero Mkoani Morogoro.

Baadhi ya Misaada iliyokabidhiwa kwa wazee wanaoishi katiika makazi ya Chazi yaliyopo Wilayani Mvomero Mkoani Morogoro.

Mke wa Rais wa Jamhuri ya Muungano wa Tanzania Mama Janeth Magufuli akisaini kitabu cha wageni alipofika kutembelea makazi ya kulea wazee ya Chazi yaliyopo Wilayani Mvomero Mkoani Morogoro, Kulia ni Mkuu wa Mkoa wa Morogoro Dkt. Stephen Kebwe.

Mke wa Rais wa Jamhuri ya Muungano wa Tanzania Mama Janeth Magufuli akicheza mziki pamoja na Viongozi wa Serikali wa Mkoa, Chama na baadhi ya wazee alipofika kutembelea makazi ya kulea wazee ya Chazi yaliyopo Wilayani Mvomero Mkoani Morogoro.

Baadhi ya Wazee wakimsikiliza Mke wa Rais wa Jamhuri ya Muungano wa Tanzania Mama Janeth Magufuli alipofika kutembelea makazi ya kulea wazee ya Chazi yaliyopo Wilayani Mvomero Mkoani Morogoro.

Mke wa Rais wa Jamhuri ya Muungano wa Tanzania Mama Janeth Magufuli, Mkuu wa Mkoa wa Morogoro Dkt. Stephen Kebwe na Mkuu wa Wilaya ya Morogoro wakitoa heshima kumuenzi Hayati Baba wa Taifa Mwalimu Julius Kambarage Nyerere.

Baadhi ya Wazee wakimsikiliza Mke wa Rais wa Jamhuri ya Muungano wa Tanzania Mama Janeth Magufuli alipofika kutembelea makazi ya kulea wazee ya Chazi yaliyopo Wilayani Mvomero Mkoani Morogoro.

Kaimu Afisa Mfawidhi wa Makazi ya Kulea Wazee ya Chazi Bw. Rashid Kamwana akisoma risala kwa Mama Janeth Magufuli ambapo aliishukuru serikali ya awamu ya Tano inayoongozwa na Rais Dkt. John Magufuli kwa kuwajali na kuwahudumia wazee.

Kaimu Afisa Mfawidhi wa Makazi ya Kulea Wazee ya Chazi Bw. Rashid Kamwana akimkabidhi Mama Janeth Magufuli Risala aliyoisoma kuhusu makazi ya kulea wazee ya Chazi yaliyopo Wilayani Mvomero Mkoani Morogoro yenye jumla ya wazee 28 walioko ndani ya kambi na 162 walioko nje ya kambi.

Mkuu wa Mkoa wa Morogoro Dkt. Stephen Kebwe akiongea wakati wa ziara ya Mama Janeth Magufuli katika makao ya wazee ya Chazi na kuahidi kuendelea kutekeleza kwa vitendo ahadi ya serikali ya kuwahudumia wazee na watu wasiojiweza katika mkoa wake.

Mke wa Rais wa Jamhuri ya Muungano wa Tanzania Mama Janeth Magufuli akiongea wakati wa ziara yake ya kutembelea makao ya wazee ya Chazi na kuwaasa watanzania kumuenzi Hayati Mwalimu Julius Kambarage Nyerere kwa kuwahudumia na kuwapatia mahitaji muhimu wazee nchini kwa ajili ya ustawi wa maisha yao.

Mke wa Rais wa Jamhuri ya Muungano wa Tanzania Mama Janeth Magufuli akimkabidhi zawadi ya vyakula muwakilishi wa wazee katika makao ya kulea wazee ya Chazi yaliyopo Wilayani Mvomero Mkoani Morogoro Bw. Abdalah Mbena.

Mke wa Rais wa Jamhuri ya Muungano wa Tanzania Mama Janeth Magufuli akipokea misaada mbalimbali kutoka kwa wadau kwa ajili ya wazee wanaoishi katika makao ya wazee ya Chazi yaliyopo Wilayani Mvomero Mkoani Morogoro.

Muwakilishi wa wafanyakazi katika Makao ya Wazee ya Chazi yaliyopo Wilayani Mvomero Mkoani Morogoro akimkabidhi zawadi mkungu wa ndizi Mke wa Rais wa Jamhuri ya Muungano wa Tanzania Mama Janeth Magufuli alipotembelea Makao hayo mapema leo.

Mkuu wa Mkoa wa Morogoro Dkt. Stephen Kebwe akimkabidhi zawadi Mke wa Rais wa Jamhuri ya Muungano wa Tanzania Mama Janeth Magufuli kwa ajili ya wazee katika makao ya wazee ya Chazi.

Mke wa Rais wa Jamhuri ya Muungano wa Tanzania Mama Janeth Magufuli akisalimiana na Wazee alipofika kutembelea makazi ya kulea wazee ya Chazi yaliyopo Wilayani Mvomero Mkoani Morogoro.

Mke wa Rais wa Jamhuri ya Muungano wa Tanzania Mama Janeth Magufuli na Mkuu wa Mkoa wa Morogoro Dkt. Stephen Kebwe wakiwa katika picha ya pamoja na wazee wanaoishi katika makazi ya kulea wazee ya Chazi yaliyopo Wilayani Mvomero Mkoani Morogoro.

Mke wa Rais wa Jamhuri ya Muungano wa Tanzania Mama Janeth Magufuli akisalimiana na watoto alipofanya ziara katika makao ya wazee ya Chazi yaliyopo Wilayani Mvomero Mkoani Morogoro.

Mke wa Rais wa Jamhuri ya Muungano wa Tanzania Mama Janeth Magufuli akiwa katika picha ya pamoja na watoto alipofanya ziara katika makao ya wazee ya Chazi yaliyopo Wilayani Mvomero Mkoani Morogoro.

Na Hassan Silayo-MAELEZO

MKE wa Rais wa Jamhuri ya Muungano wa Tanzania Mama Janeth Magufuli amewataka watanzania kumuenzi kwa vitendo Hayati Baba wa Taifa Mwalimu Julius Kambarage Nyerere kwa kuwahudumia Wazee nchini kwa kuwapatia mahitaji ya muhimu kwa ajili ya ustawi wa maisha yao.

Akiongea na Wazee katika Kambi ya kulea wazee ya Chazi iliyopo Wilayani Mvomero Mkoani Morogoro Mama Janeth amesema kuwa watanzania wanapaswa kutambua Wazee ni kundi muhimu kwa ustawi wa nchi kwani miongoni mwao walishiriki katika ukombozi wa taifa leo hivyo tuitumie Siku kama ya leo na nyingine kumuenzi Hayati mwalimu Julius Nyerere akiwa kama mzee aliyetangulia mbele za haki.

"Leo ni siku muhimu sana katika taifa letu siku ambayo tunaenzi siku aliyofariki muasisi awa Taifa letu Hayati Mwalimu Julius Kambarage Nyerere, hivyo ni rai yangu kwa watanzania kwa ujumla kumuenzi kwa kushiriki kwa pamoja katika kuwahudumia wazee na kuwapatia mahitaji yao muhimu" Alisema Mama Janeth.

Aidha, Mama Janeth alisema kuwa amesikia changamoto zinazokabili Makazi hayo na ameahidi kuendelea kushirikiana na wadau kwa kadri iwezekanavyo ili kuhakikisha wanapunguza na kuondoa kabisa changamoto hizo iwe makazi ya wazee Chazi na yote nchini yawe sehemu salama ya kuwahudumia wazee.

Katika kutembelea kituo hicho Mamam Janeth Magufuli ametoa zawadi ya mchele, Maharagwe,unga na mafuta ya kupikia kwa ajili ya wazee na watu wasiojiwezakatika kituo hicho.

Akimkaribisha Mgeni Rasmi, Mkuu wa Mkoa wa Morogoro Dkt. Stephen Kebwe amesema kuwa serikali ya mkoa wake inatekeleza kwa vitendo maagizo ya Rais wa Jamhuri ya Muungano wa Tanzania Dkt. john Pombe Magufuli  ya kuwahudumia wazee na kwa kushirikiana na wadau mbalimbali ndani mkoa wameshaanza kutatua baadhi ya kero na wataendelea kufanya hivyo ili kuyaimarisha makazi ya wazee mkoani humo.

Pia Dkt. Kebwe amewataka watu wote waliovamia makazi ya wazee kuondoka mara moja na kutafuta maeneo mengine na atakayekiuka agizo hilo serikali itamchukulia hatua kali za kisheria.

Akiwasilisha Risala ya Makazi ya Ya wazee ya Chazi kwa Mama Janeth Magufuli Kaimu Afisa Mfawidhi wa Makazi hayo Bw. Richard Kamwana amemshukuru Rais wa Jamhuri ya Muungano wa Tanzania Dkt. John Pombe Magufuli kwa misaada aliyoitoa kwa wazee wa kituo hicho wakati wa sikukuu ya Eid.

Naye Mkurugenzi wa Halmashauri ya Wilaya ya Mvomero Bw. Florent Kiombo amemuhakikishia Mama Janeth Magufuli wataendelea kushirikiana na taasisi nyingine katika kukiendeleza kituo hicho ikiwamo kuwapatia wazee wote kadi za CHF kwa ajili ya kuwasaidia wazee hao kupata huduma ya Afya popote waendapo.