Ebola:Makamu wa rais ajitenga S Leone

Ebola Sierra leone.Makamu wa rasi wa taifa hilo amejiweka karantini baada ya mlinzi wake mmoja kuaga dunia

Makamu wa rais nchini Sierra Leone amejiweka kwenye karantini baada ya mmoja wa walinzi wake kuaga dunia kutokana na ugonjwa wa ebola.

Bwana Samwel Sam-Sumana alisema kwamba hataweza kukaribiana na yeyote kwa muda wa siku 21.

Wakati huo huo utawala umerejesha tena vikwazo kufuatia kuongezeka kwa visa vya ugonjwa wa ebola.

Hatua hizo ni pamoja na ukaguzi wa kiafya wa mara kwa mara na kupunguzwa kwa idadi ya watu kwenye magari ya usafiri