Zambia yamuaga hayati Michael Sata

Mwili wa hayati Rais Michael Sata utazikwa leo mjini Lusaka Zambia

Mazishi ya kitaifa yamefanyika nchini Zambia kumuaga hayati Rais wa nchi hiyo Michael Sata aliyefariki hospitalini mjini London Uingereza mwezi jana.

Sata alikuwa na umri wa miaka 77 na maelfu ya watu walihudhuria mazishi hayo ambayo yalikuwa kumbukumbu kwa maisha ya Sata pamoja na kilio cha kumpoteza Rais huyo.

Sata alichaguliwa mwaka 2011 baada ya miaka mingi ya kuwa katika upinzani na alisifika kwa jina la King Cobra kwa matamshi yake makali.

Katika wiki chache zilizopita, wanachi walitoa heshima zao za mwisho kwa kiongozi huyo ambaye mwili wake ulikuwa umelazwa katika majengo ya bunge.

Rais Sata alifariki akipokea matibabu mjini London Uingereza

Mazishi yalidhuriwa na viongozi mbali mbali wa kikanda.

Rais Sata alizikwa katika eneo lenye makaburi yaliyotengewa Marais wa nchi hiyo.

Taifa hilo kwa sasa linaongozwa na Rais wa muda huku uchaguzi mkuu ukipangwa kufanyika katika muda wa miezi michache ijayo.