Maofisa wa Jeshi la Nigeria watembelea Wizara ya Habari, Katibu Mkuu awaeleza: Elimu ya Uzalendo imesaidia vijana kuipenda nchi yao

Katibu Mkuu, Wizara ya Habari, Vijana, Utamaduni na Michezo, Sethi Kamuhanda (kulia), akisoma jarida la Eagle alilopewa zawadi na Mkurugenzi wa Kikosi cha Maji kutoka nchini Nigeria, Meja Jenerali Ati John, alipomtembelea ofisini kwake, jijini Dar es Salaam leo. Jumla ya wanajeshi 22 kutoka Chuo cha Ukamanda na Unadhimu cha Nigeria, wako nchini kwa ziara ya mafunzo ya siku tano. (Picha zote na Anna Nkinda – Maelezo)

Katibu Mkuu wa Wizara ya Habari, Vijana, Utamaduni na Michezo, Sethi Kamuhanda (kulia), akiangalia picha ya nembo ya Chuo cha Ukamanda na Unadhimu cha Jeshi la nchini Nigeria, aliyopewa na Mkurugenzi wa Kikosi cha Maji kutoka nchini humo, Meja Jenerali Ati John (kushoto), alipomtembelea ofisini kwake leo, jijini Dar es Salaam. Jumla ya wanajeshi 22 kutoka chuo hicho, wako nchini kwa ziara ya mafunzo ya siku tano.

Mkurugenzi wa Kikosi cha Maji kutoka Nigeria, Meja Jenerali  Ati John (kushoto), akimwelezea jambo Katibu Mkuu wa Wizara ya Habari, Vijana, Utamaduni na Michezo, Sethi Kamuhanda  kuhusu picha ya kinyago kinachoonyesha mtawala wa makabila mbalimbali ya nchi hiyo, alipomtembelea ofisini kwake leo, jijini Dar es Salaam.Jumla ya wanajeshi 22 kutoka Chuo cha Ukamanda  na Unadhimu cha Nigeria, wako nchini kwa ziara ya mafunzo ya siku tano.

Katibu Mkuu, Wizara ya Habari, Vijana, Utamaduni na Michezo, Sethi Kamuhanda (kulia), akimkabidhi picha ya wamasai, Mkurugenzi wa Kikosi cha Maji kutoka Nigeria, Meja Jenerali  Ati John, wakati wanajeshi 22 kutoka Chuo cha Ukamanda na Unadhimu cha jeshi, walipomtembelea ofisini kwake leo, jijini Dar es Salaam.

Katibu Mkuu, Wizara ya Habari, Vijana, Utamaduni na Michezo, Sethi Kamuhanda (kulia), akimkabidhi picha ya kinyago cha ujamaa, Mkurugenzi wa Kikosi cha Maji kutoka Nigeria, Meja Jenerali Ati John, wakati wanajeshi 22 wa Chuo cha Ukamanda na Unadhimu cha Nigeria, walipomtembelea  ofisini kwake leo, jijini Dar es Salaam. Wanajeshi hao, wako nchini kwa ziara ya mafunzo ya siku tano nchini.

Kanali Anderson Msuya (kushoto), kutoka Jeshi la Wananchi wa Tanzania (JWTZ), akiongea jambo na Mkurugenzi wa Kikosi cha Maji kutoka Nigeria, Meja Jenerali Ati John, wakati wanajeshi 22 kutoka Chuo cha Ukamanda na Unadhimu, walipoitembelea Wizara ya Habari, Vijana, Utamaduni na Mchezo leo, jijini Dar es Salaam.

Baadhi ya wanajeshi 22 kutoka Chuo cha Ukamanda na Unadhimu cha Nigeria, wakimsikiliza Katibu Mkuu wa Wizara ya Habari, Vijana, Utamaduni na Michezo, Sethi Kamuhanda (hayupo pichani) wakati walipomtembea ofisini kwake leo, jijini Dar es Salaam.

Mkurugenzi wa Bodi ya Filamu na Michezo ya kuigiza nchini, Joyce Fisoo, akielezea kuhusu kazi za bodi hiyo kwa wanajeshi 22 kutoka Chuo cha Ukamanda na Unadhimu cha jeshi la Nigeria, walipoitembelea Wizara ya Habari, Vijana, Utamaduni na Michezo leo, jijini Dar es Salaam. Kulia ni Joyce Hagu ambaye ni Kaimu Mkurugenzi Msaidizi wa Idara ya Utamaduni.

Wanajeshi 22 kutoka Chuo cha Ukamanda na Unadhimu cha jeshi la Nigeria, wakiwa katika picha ya pamoja  na wafanyakazi wa Wizara ya Habari, Vijana, Utamaduni na Michezo, wakati walipoitembelea wizara hiyo leo, jijini Dar es Salaam. Wanajeshi hao kutoka Chuo cha Ukamanda na Unadhimu jeshini, wako nchini kwa ziara ya mafunzo ya siku tano.

Na Magreth Kinabo "ELIMU ya uzalendo imesaidia  kuwafanya  vijana  wa Kitanzania kuipenda nchi yao, hali iliyochangia nchi yetu kuwa na amani na utulivu". Kauli hiyo, ilitolewa leo na  Katibu Mkuu wa Wizara ya Habari, Vijana ,Utamaduni na  Michezo,Seth Kamuhanda wakati akizungumza na ujumbe wa  watu 22,baadhi yao ni viongozi wa utawala na 13 ni wanafunzi wa Chuo cha Ukamanda na Unadhimu wa mafunzo ya   kijeshi  kutoka  Nigeria. Ujumbe huo umetembelea wizara hiyo kwa ajili ya kujifunza masuala mbalimbali ya  Utamaduni wa Kitanzania, umeongozwa na kiongozi wa msafara, Meja   Generali, Ati  John,ambaye ni Mkurugenzi wa Jeshi la Wanamaji. “Mojawapo ya program tunazowafundisha  vijana ili kuondoa  migogoro  katika nchi  yetu ni elimu ya uzalendo ,yaani tunawafundisha jinsi ya kuipenda nchi yao.  Elimu hii imesaidia  kupunguza migogoro,alisema.” Katibu Mkuu huyo alipokuwa akijibu swali la mmoja ya wanafunzi  hao   lililouliza kuwa  kuna program  zipi zinazochangia kupunguza migogoro  hususan kwa vijana. Katibu Mkuu huyo aliongeza kuwa kuna mkakati wa kuwawezesha vijana kiuchumi ili waweze kubuni miradi mbalimbali kwa kuwa na mfuko wa vijana. Alisema katika mpango huo vijana wanakuwa katika vikundi na kufanya shughuli  mbalimbali  kuwawezesha kiuchumi. Aidha Katibu Mkuu huyo akizungumza kuhusu masuala ya kiutamaduni ,alisema wizara  yake ndi yenye jukumu lakuendeleza Utamaduni wa Mtanzania, hivyo katikawizara hiyo yenye sekta nne, ambazo ni Habari, Vijana, Utamaduni na Michezo.  Kamuhanda  alisema sektaya utamuduni ndio inayofanyakazi ya kudumisha Utamaduni huo. Aliongeza kuwa lugha ya Kiswahili ndio imekuwa lugha kuu ya mawasiliano nchini  na ndiyo iliyoleta umoja ,amani na mshikamano. Wakizungumzia kuhusu ziara hiyo kiongozi huyo na mmoja wa wanafunzi,  Ikema Francis walisema wameshukuru kwa taarifa walizopata kuhusu wa masuala hayo ya kiutamaduni na kuhafamu kuwa lugha ya Kiswahili ndiyo imeleta umoja.