Mkutano wa Saba wa Kimataifa wa Wanawake wafanyabiashara Mashariki mwa Afrika kufunguliwa kesho

Mwenyekiti wa Tanzania Women Chamber of Commerce (TWCC), Fatuma Riyami (kulia), akizungumza na waandishi wa habari leo, jijini Dar es Salaam, kuhusu Mkutano wa Saba wa Kimataifa wa Wanawake Wafanyabiashara wa Nchi za Mashariki mwa Afrika, unaofanyika Tanzania kwa mara ya kwanza. Mkutano huo unaotarajiwa kufunguliwa na Makamu wa Rais wa Tanzania, Dk. Mohamed Gharib Bilal. Kushoto ni Makamu wa Mwenyekiti wa TWCC Anna Matinde. Mkutano huo unafunguliwa kesho Jumatau katika Hotel Kunduchi Beach.

 



Mwenyekiti wa Tanzania Women Chamber of Commerce (TWCC), Fatuma Riyami (kulia), akizungumza na waandishiwa habari leo, kuhusu Mkutano wa Saba wa Kimataifa wa Wanawake Wafanyabiashara wa Nchi za Mashariki mwa Afrika, unaofanyika Tanzania kwa mara ya kwanza. Kushoto ni Makamu wa Mwenyekiti wa TWCC Anna Matinde. Mkutano huo unafunguliwa kesho Jumatau katika Hotel Kunduchi Beach. (Picha zote na Tiganya Vincent-MAELEZO-Dar es Salaam)

Na Tiganya Vincent-MAELEZO-Dar es Salaam

21.10.2012

 

Makamu wa Rais wa Tanzania Dkt. Mohamed Gharib Bilal anatarajiwa kuwa Mgeni rasmi katika ufunguzi wa Mkutano wa Saba wa Kimataifa wa Wanawake wafanyabiashara wa Nchi za Mashariki mwa Afrika unaonza kesho, jijini Dar es salaam kwa lengo la kuimarisha mtandao wao.
Kauli hiyo imetolewa leo na Mwenyekiti wa Tanzania Women Chamber of Commerce (TWCC) Fatma Riyami wakati akiongea na waandishi wa habari Ofisi kwake.
Amesema kuwa Mkutano huo ambao ni wa saba(7) unafanyika nchini Tanzania kwa mara ya kwanza tangu walipoanzisha ushirikiano huo wa wanawake wafanyabiashara kwa nchi za Afrika Mashariki.
Mwenyekiti huyo amesema kuwa wajumbe wa Mkutano huo wanatarajiwa kutoka katika Nchi za Kenya, Uganda, Rwanda , Burundi, Ethiopia , Sudan Kusini na mwenyeji Tanzania.
Amesema kuwa Mkutano huo utakuwa fursa nzuri kwa wajumbe kutoka nchi zote saba kubadilishana uzoefu katika kazi ya kuwainua kiuchumi wakimama na kuimarisha Mtandao wa Wafanyabiashara wanawake katika Nchi za Afrika Mashariki.

Ameongeza kuwa hatua hiyo itasaidia kufanya soko la wafanyabiasha wanawake wa Afrika Mashariki kuwa kubwa na hivyo kuwainua kiuchumi wakimama.

Aidha Bibi Fatma Riyami amesema kuwa TWCC imeanzisha matawi katika Mikoa ya Kagera, Mwanza, Pwani, Dodoma, Mbeya, Dar es salaam na Arusha ikiwa na lengo la kutaka kuwa karibu na wafanfanyabiashara wanawake kwa nia kuimarisha Umoja wao.
Wakati huo Mwenyekiti huyo amewasisitiza wajumbe wa Mkutano huo kufika katika Hoteli hiyo ifikapo saa 1.30 Asubuhi , Mgeni rasmi atafungua mkutano huo saa 2.00 kamili