Mkuu wa majeshi afutwa kazi Gambia

Image captionMkuu wa majeshi Ousman Badjie afutwa kazi Gambia

Rais wa Gambia Adama Barrow amemfuta kazi mkuu wa majeshi Jenerali Ousman Badjie.

Jenerali Badjie alitangaza utiifu wake kwa rais aliyeondoka madarakani Yahya Jammeh baada ya uchaguzi wa Disemba ulioleta vuta nikuvute.

• Jeshi lamuunga mkono rais Jammeh nchini Gambia
• Mkuu wa magereza akamatwa akitoroka Gambia
• Jeshi ladhibiti jengo la tume ya uchaguzi Gambia

Hata hivyo, chini ya amri yake, jeshi halikutoa msaada wowote pindi vikosi kutoka nchi za Afrika Magharibi vilipoingia nchini Gambia mwezi jana.

Vikosi hivyo vilifanikiwa katika kumshawishi bwana Jammeh kukubali kushindwa na kuondoka nchini.