RAIS MAGUFULI: JENGENI KITUO CHA DALADALA NA KUPAKI MAGARI MADOGO KIMARA MWISHO

Rais wa Jamhuri ya Muungano wa Tanzania Dkt. John Pombe Magufuli akiwasili katika kituo cha mabasi yaendayo haraka Kariakoo Gerezani alipoenda kuzindua Miundombinu na Huduma za mabasi yaendayo haraka jijini Dar es Salaam leo. Kulia ni Makamu wa Rais wa Benki ya Diunia kwa Ukanda wa Afrika  Maktahar Diop. 

Rais wa Jamhuri ya Muungano wa Tanzania Dkt. John Pombe Joseph Magufuli akihutubia mamia ya wakazi wa jiji la Dar es Salaam wakati wa hafla ya uzinduzi wa Miundombinu na Huduma za mabasi yaendayo haraka Dar es Salaam, awamu ya kwanza leo jijini Dar es Salaam. 

Waziri wa Ujenzi Uchukuzi na Mawasiliano Profesa Makame Mbarawa akifafanua jambo wakati wa hafla ya uzinduzi wa Miundombinu na Huduma za Mabasi yaendayo haraka Dar es Salaam, awamu ya kwanza leo jijini Dar es Salaam. 

Waziri wa Nchi Ofisi ya Rais-TAMISEMI, George Boniphace Simbachawene akizungumza jambo wakati wa hafla ya uzinduzi wa Miundombinu na Huduma za Mabasi yaendayo haraka Dar es Salaam, awamu ya kwanza leo jijini Dar es Salaam. 

Makamu wa Rais wa Benki ya Dunia Kanda ya Afrika Makthar Diop akizungumza wakati wa hafla ya uzinduzi wa Miundombinu na Huduma za Mabasi yaendayo haraka Dar es Salaam, awamu ya kwanza leo jijini Dar es Salaam. 

Mkuu wa Mkoa wa Dar es Salaam Paul Makonda akizungumza wakati wa hafla ya uzinduzi wa Miundombinu na Huduma za Mabasi yaendayo haraka Dar es Salaam, awamu ya kwanza leo jijini Dar es Salaam. 

Katibu Mkuu wa Wizara ya Ujenzi Uchukuzi na Mawasiliano Mhandisi Joseph Nyamhanga akimtambulisha Waziri wa Mambo ya Nje na Ushirikiano wa Afrika Mashariki Balozi Augustine Mahiga (aliyesimama) wakati wa hafla ya uzinduzi wa Miundombinu na Huduma za Mabasi yaendayo haraka Dar es Salaam, awamu ya kwanza leo jijini Dar es Salaam. 

Rais wa Jamhuri ya Muungano wa Tanzania Dkt. John Pombe Joseph Magufuli akiwaongoza viongozi na wananchi wa Dar es Salaam kuimba wimbo wa taifa wakati wa hafla ya uzinduzi Miundombinu na Huduma za Mabasi yaendayo haraka jijini Dar es Salaam leo. Kutoka kulia ni Mbunge wa Ilala Mussa Zungu, Mwenyekiti wa CCM Mkoa wa Dar es Salaam Ramadhan Madabida,Waziri wa OR – TAMISEMI George Simbachawene, Makamu wa Rais wa Benki ya Dunia Kanda ya Afrika Makthar Diop, Waziri wa Ujenzi, Uchukuzi na Mawasiliano Profesa Makame Mbarawa, Waziri wa Mambo ya Nje Balozi Augustine Mahiga na Mkuu wa Mkoa wa Dar es Salaam Paul Makonda. 

Baadhi ya wakazi wa jiji la Dar es Salaam wakifuatilia hotuba mbalimbali za viongozi wakati wa hafla ya uzinduzi wa Miundombinu na Huduma za Mabasi yaendayo Haraka awamu ya kwanza leo jijini Dar es Salaam. 

Baadhi ya wakazi wa jiji la Dar es Salaam wakifuatilia hotuba mbalimbali za viongozi wakati wa hafla ya uzinduzi wa Miundombinu na Huduma za Mabasi yaendayo Haraka awamu ya kwanza leo jijini Dar es Salaam. 

Rais wa Jamhuri ya Muungano wa Tanzania Dkt. John Pombe Joseph Magufuli akitazama jiwe la msingi mara baada ya kuzindua rasmi Miundombinu na Huduma za Mabasi yaendayo Haraka awamu ya kwanza leo jijini Dar es Salaam.Kutoka kulia kwa Rais ni Waziri wa Nchi OR – TAMISEMI George Simbachawene na Waziri wa Ujenzi, Uchukuzi na Mawasiliano Profesa Makame Mbarawa. 

Rais wa Jamhuri ya Muungano wa Tanzania Dkt. John Pombe Joseph Magufuli (wa pili kulia), akiwa na Katibu Mkuu wa Ofisi ya Rais, Tawala za Mikoa na Serikali za Mitaa (TAMISEMI) Mhandisi Mussa Iyombe (katikati) na Makamu wa Rais wa Benki ya Dunia Kanda ya Afrika Makthar Diop wakimwagilia maji mti uliopandwa kama kumbukumbu za uzinduzi wa Miundombinu na Huduma za mabasi yaendayo haraka Dar es Salaam, awamu ya kwanza leo jijini Dar es Salaam. 

Rais wa Jamhuri ya Muungano wa Tanzania Dkt. John Pombe Joseph Magufuli akipeana mkono na Makamu wa Rais wa Benki ya Dunia Kanda ya Afrika Makthar Diop wakati wa hafla ya uzinduzi wa Miundombinu na Huduma za mabasi yaendayo haraka Dar es Salaam, awamu ya kwanza leo jijini Dar es Salaam. 

Rais wa Jamhuri ya Muungano wa Tanzania Dkt. John Pombe Joseph Magufuli akieenda kumtumza msaani wa muziki Mrisho Mpoto na Banana Zoro wakati wa hafla ya uzinduzi wa  Miundombinu na Huduma za mabasi yaendayo haraka jijini Dar es Salaam leo. Uzinduzi huo umefanyika katika kituo cha mabasi yaendayo haraka cha Gerezani Kariakoo amba Mpoto na Banana waklitumbuiza wimbo wao unaohamasisha wananchi kufanya kazi hali iliyomvutia Rais Magufuli. 

Rais wa Jamhuri ya Muungano wa Tanzania Dkt. John Pombe Joseph Magufuli akiwa katika picha na baadhi ya viongozi wa kiserikali na siasa wakati wa hafla ya uzinduzi wa Miundombinu na Huduma za mabasi yaendayo haraka, awamu ya kwanza leo jijini Dar es Salaam. Aliyemshikana naye mkono ni Meya wa Jiji la Dar es Salaam Isaya Mwita. 

Rais wa Jamhuri ya Muungano wa Tanzania Dkt. John Pombe Joseph Magufuli akiwa katika picha na baadhi ya viongozi wa kiserikali na siasa wakati wa hafla ya uzinduzi wa Miundombinu na Huduma za mabasi yaendayo haraka, awamu ya kwanza leo jijini Dar es Salaam. 

Rais wa Jamhuri ya Muungano wa Tanzania Dkt. John Pombe Joseph Magufuli akiendesha Basi la Mwendokasi mara baada ya kuzindua Miundombinu na Huduma za Mabasi yaendayo Haraka, awamu ya kwanza leo jijini Dar es Salaam. 

Baadhi ya wanacnhi wakiwa katita mageti ya kuingilia katika Kituo cha Mabsi yaendayo haraka cha Gerezani Kariakoo walipokuwa wakimshuhudia Rais Magufuli akiendesha Basi kama ishara ya kuzindua Miundombinu na Huduma za Mabasi yaendayo Haraka leo jijini Dar es Salaam.

Na DaudiManongi-Maelezo.
RAIS wa Jamhuri ya Muungano wa Tanzania Mhe.Dkt.John Pombe Magufuli ameagiza kujengwa kituo kikubwa cha kupaki magari na kituo cha dala dala ili kuwawezesha wananchi wanaotumia magari binafsi kupaki Kimara mwisho na kutumia usafiri wa mwendokasi ili kupunguza msongamano wa magari katika Jiji la Dar es Salaam.

Rais Magufuli ametoa wito huo, leo Jijini Dar es Salaam alipokuwa akizindua Awamu ya Kwanza ya Miundombinu na Utoaji wa Huduma ya Mabasi Yaendayo Haraka (BRT), katika Kituo Kikuu cha Mabasi kilichopo Kariakoo eneo la Gerezani.

“Wito wangu ni kwamba kuna watu wengi wana magari madogo madogo na wanatoka sehemu mbalimbali mpaka kufika kituo cha Kimara mwisho na kuna eneo kubwa pale la hifadhi ya barabara ambalo halihitaji hata kulipa fidia ili kulitumia, wananchi wanaona adha ya foleni iliyopo lakini hawana sehemu ya kupaki magari yao, ili watumie magari ya mwendo kasi, nawaomba mjenge kituo cha magari madogo madogo eneo hili la Kimara ili wananchi hawa wafaidike vyema na mradi huu”, aliongeza Rais Magufuli.

Aidha, Rais Magufuli ametoa wito kujengwa kwa kituo cha mabasi ya daladala katika eneo la Kimara mwisho ili kuwasaidia wananchi wanaofika katika kituo cha magari ya mwendo kasi kutopata shida ya kuunganisha magari ya kwenda Mbezi na sehemu nyingine za Jiji kwani watakuwa na kituo rasmi.

Awali akizungumzia mradi huo, Rais Magufuli alisema kuwa iliwachukua abiria kusafiri kwa zaidi ya masaa matatu kutoka Kimara mpaka Posta lakini kukamilika kwa mradi huu kumesaidia kurahisisha abiria kufika kituo cha Posta kwa kutumia dakika 30 mpaka 40 na hivyo mradi huu kuwa kichocheo kikubwa cha uchumi katika maeneo mbalimbali ya Jiji la Dar es Salaam.

Alisema kuwa kukamilika kwa mradi huu wa awamu ya kwanza wenye kilometa 20.9, umetumia jumla ya shilingi bilioni 403.5, ambapo Tanzania imechangia bilioni 86.5 na Benki ya Dunia wametukopesha sh. bilioni 317.

Amesema kuwa kukamilika kwa awamu ya kwanza kume kuwa chachu ya kuanza kwa awamu ya pili ambayo itajengwa kuanzia Gerezani mpaka Mbagala, ambapo mpaka kufikia awamu ya sita kutalifanya Jiji la Dar es Salaam kuwa la kisasa na salama zaidi na hivyo kuwa Jiji kuu la Biashara.

Rais Magufuli amewataka Watanzania kutumia vyema miundombinu ya mabasi yaendayo haraka na pia madereva wa magari madogo kuzingatia sheria kwa kutotumia njia hizo.

Rais Magufuli ametoa shukrani kwa Benki ya Dunia kwa ushirikiano wao mkubwa katika kufanikisha mradi huo na miradi mingine nchini na kuwataka kusaidia katika kufanikisha mradi wa kujengwa kwa barabara za juu katika eneo la Ubungo na wale wote wanaohusika katika kupata mkandarasi wafanikishe haraka suala hilo, ili kusaidia mabasi yaendayo haraka kupita kwa urahisi na hivyo kutimiza dhana halisi ya mabasi hayo.