BUNGE LA 18 LAVUNJWA RASMI LEO MJINI DODOMA

 Waziri Mkuu, Mizengo Pinda akivunja Bunge.

Mwenyekiti wa Kamati Teule ya Bunge, Christopher Ole Sendeka, akijibu hoja za wabunge kuhitimisha mjadala.Kamati hiyo iliundwa kuchunguza na kuchambua Sera mbalimbali zinazohusu masuala ya Aridhi, Kilimo, Mifugo,Maji na Uwekezaji ili kubaini kasoro zilizomo katika matumizi ya Ardhi. 

Aliyekuwa Waziri wa Ardhi, Nyumba na Maenedeleo ya Makazi na Mbunge wa Mbunge wa Manyoni Mashariki, Kapteni Mstaafu John Chiligati, akichangia hoja.

 Mbunge wa Bariadi Mashariki, John Cheyo, akichangioa taarifa ya kamati teule.

Mbunge wa Viti Maalum (CHADEMA) Sabrina Sungura aichangia hoja. 

 Mbunge wa Gando, Khalifa Suleiman akichangia taarifa.

Wabunge wakitoka nje ya ukumbi wa Bunge baada ya mkutano wa Bunge kuvunjwa. 

 Naibu Waziri wa Nishati na Madini Charles Mwijage, akisalimiana na Mke wa Waziri Mkuu, Mama Tunu Pinda (kulia) baada ya Bunge kuvunjwa.Katikati ni Mbunge wa Viti maalum (CCM) Mkoa wa Singida Diana Mkumbo Chilolo.

 Mwanasheria Mkuu wa Serikali, Jaji George Masaju akibadilishana mawazo na Mbunge wa Viti Maalum (CCM) Martha Mlata.

Baadhi ya wafugaji waliohudhuria Bungeni wakizaungumza na Shirika la Utangazaji Tanzania (TBC) baada ya kuvunjwa kwa Bunge.

Waziri Mkuu Pinda awaambia wakulima, wafugaji wanahaki ya kuishi popote

Na Lorietha Laurence-Maelezo, Dodoma

WAZIRI Mkuu Mizengo Pinda ametoa rai kwa wakulima na wafugaji nchini kujikubali kuwa wote ni Watanzania na wanahaki ya kuishi popote bila kuvunja sheria.

 Amesema hayo Bungeni Dodoma alipokuwa akipokea na kukubali taarifa na mapendekezo iliyotolewa na kamati teule ya Bunge ya kuchunguza na kuchambua sera mbalimbali zinazohusu masuala ya Ardhi,kilimo,mifugo,maji na uwekezaji.

“Nimepokea mapendekezo yote yaliyotolewa na kamati na ninaahidi yatafanyiwa kazi kwa maslahi ya wananchi wa Tanzania” alisema Pinda.

Aliongeza kuwa kwa utekelezaji wa awali serikali itauunda tume maalum  ya wataalum mchanganyiko na tume ya   makatibu wakuu ili  kuweza kupitia taarifa  hizo  na baadaye kuwasilisha  kwa ajili ya utekelezaji.

 Aidha alisema ni wajibu wa Wizara ya Ardhi kupima ardhi katika maeneo mbalimbali  na kwa wale  wanaokiuka taratibu wachukuliwe hatua  madhubuti ya kuwawajibisha.

Hata hivyo Waziri Pinda  alisema kuwa kuna umuhimu wa kutolewa kwa elimu ya kuwahamasisha wananchi  umuhimu wa kulinda na kuitunza amani ya nchi yetu katika kuleta mabadiliko na kuondokana na mgawanyiko.

Vile vile alizitaka  Wizara ya Tawala za Mikoa na Serikali za Mitaa pamoja na Wizara ya Mifugo na Uvuvi, kuwachunguza watendaji wake wanaokiuka sheria na taratibu za utendaji na baadaye kuweza kuwawajibisha.

Naye Mwenyekiti wa kamati hiyo teule Mbunge wa Simanjiro Christopher Ole Sendeka alisema kuna haja ya kuwatengea maeneo yaliyopimwa wafugaji na wakulima  ili kuepusha vurugu kwa jamii hizo mbili.

“Naiomba serikali iweze kushughulikia suali hili la wafugaji na wakulima ili kuepukana na migogoro inayojitokeza mara kwa mara katika maeneo hayo” alisema Ole Sendeka.

Tanzania ina chakula cha ziada

Na Hussein Makame-MAELEZO, Dodoma

TANZANIA ina ziada ya tani Milioni 3.2 za chakula kutokana na uzalishaji wa mazao ya chakula katika msimu wa 2013/2014 kufikia jumla ya tani Milioni 16.0 wakati makadirio ya mahitaji ya chakula kwa mwaka 2014/2015 ni tani Milioni 12.8.

Hayo yamesemwa na Waziri Mkuu Mizengo Pinda wakati akisoma hotuba ya kuahirisha mkutano wa 18 wa Bunge la Jamhuri ya Muungano wa Tanzania uliokaa kwa siku 12 mjini Dodoma.

“Tathmini ya awali ya uzalishaji wa mazao ya chakula nchini hadi Mwezi Septemba mwaka 2014 inaonesha kuwa uzalishaji wa mazao ya chakula katika msimu wa kilimo 2013/2014 ulifikia jumla ya Tani Milioni 16.0 zikiwemo Tani Milioni 9.8 za mazao ya nafaka na Tani Milioni 6.2 za mazao yasiyo ya nafaka” alisema Waziri Mkuu Mizengo Pinda.

Alisema kutokana na hali hiyo, Tanzania imeweza kujitosheelza kwa chakula kwa asilimia 125, hali iliyomfanya kuwapongeza wakulima kwa kuitikia wito wa Serikali wa Mpango wa Kilimo Kwanza ambao umeongeza tija katika uzalishaji.

Kwa upande wa utekelezaji wa maagizoya ujenzi wa maabara nchini, Waziri Mkuu Pinda aliwataka wakuu wa mikoa, wilaya, mameya, wenyeviti na wakurugenzi watendaji wa halmashauri za wialaya na miji nchini kuhakikisha maagizo hayo yanatekelezwa.

Alisema hadi kufikia Desemba mwaka jana, mkoa wa Njombe ambao ulifanikiwa kukamilisha ujenzi wa vyumba vya maabara kwa asilimia 96 ya shule za sekondari zilizopo mkoani humo huku mkoa wa Ruvuma na Morogoro ukikamilisha ujenzi huo kwa asilimia 81, 53 mtawalia.

Aliitaka mikoa ambayo haijakamilisha ujenzi huo kuhakikisha inakamiliasha hadi kufikia mwezi Juni, 2015 kama Rais Jakaya Kikwete alivyoagiza.

Akizungumzia utekelezaji wa Mradi wa REA wa upatikanaji wa nishati ya umeme vijijini, Waziri Mkuu alisema idadi ya Watanzania waliounganishwia umeme imeongezeka kutoka asilimia 2.5 kwa mwaka 2007 hadi asilimia 18.4 kwa mwaka 2010 na kufikia asilimia 24 kwa mwaka 2014.

Katika Mkutano huo wa 18 wa Bunge la Jamhuri, jumla ya maswali 122 ya msingi na 313 ya ngongeza yaliulizwa na wabunge na maswali 15 ya msingi kwa Waziri Mkuu na nyongeza 13 yaliulizwa.

Mkutano huo umeahirishwa hadi Machi 17 mwaka huu ambapo Bunge hilo litakutana tena katika Mkutano wa 19.