Ofisa Mtendaji Mkuu wa Star Media Tanzania akutana na waandishi wa habari

*Aelezea mafanikio waliyoyapata kiutendaji kwa mwaka 2014 na matarajio kwa mwaka 2015

Ofisa Mtendaji Mkuu wa Kampuni ya StarTimes Media, wasambazaji wa ving'amuzi vya luninga vya StarTimes, Lanfang Liao, akizungumza na waandishi wa habari, Dar es Salaam leo, wakati alipokuwa akitoa tathimini ya mafanikio ya kiutendaji ya kampuni hiyo kwa mwaka 2014 nchini Tanzania. Wa nne kushoto ni Mkurugenzi wa Masoko na Mauzo wa kampuni hiyo, Jack Yu. (Picha zote na Kassim Mbarouk-www.bayana.blogspot.com)

Ofisa Mtendaji Mkuu wa Kampuni ya StarTimes Media, wasambazaji wa ving'amuzi vya luninga vya StarTimes, Lanfang Liao, akizungumza na waandishi wa habari, Dar es Salaam leo.

Ofisa Mtendaji Mkuu wa Kampuni ya StarTimes Media, wasambazaji wa ving'amuzi vya luninga vya StarTimes, Lanfang Liao, akizungumza na waandishi wa habari, Dar es Salaam leo, akifafanua jambo wakati wa mkutano huo. 

Mkurugenzi wa Masoko na Mauzo wa Kampuni ya StarTimes, Jack Yu, akizungumza na waandishi wa habari, Dar es Salaam leo, wakati wa mkutano huo, akielezea kuhusu bidhaa za kampuni hiyo.

Mkurugenzi wa Masoko na Mauzo wa Kampuni ya StarTimes, Jack Yu, akifurahia jambo wakati akizungumza na waandishi wa habari, Dar es Salaam leo, wakati wa mkutano huo.
Meneja Mauzo wa Kampuni ya StarTimes Media, wasambazaji wa ving'amuzi vya luninga vya StarTimes, David Kisaka, akizungumza kuhusu ubora wa bidhaa za kampuni hiyo, wakati wa mkutano huo.

Meneja Mauzo wa Kampuni ya StarTimes Media, wasambazaji wa ving'amuzi vya luninga vya StarTimes, David Kisaka, akizungumza na waandishi kuhusu ubora wa bidhaa za kampuni hiyo, wakati wa mkutano huo.

Meneja Mauzo wa Kampuni ya StarTimes Media, wasambazaji wa ving'amuzi vya luninga vya StarTimes, David Kisaka, akifafanua jambo kwa waandishi, wakati wa mkutano huo.

Meneja Mauzo wa Kampuni ya StarTimes Media, wasambazaji wa ving'amuzi vya luninga vya StarTimes, David Kisaka, akielezea kuhusu simu mpya ya kampuni hiyo ya Solar 5, wakati wa mkutano huo.

Na Mwandishi wetu

Dar es Salaam, Desemba 17, 2014.

OFISI ZA MAKAO MAKUU YA STAR MEDIA TANZANIA.

Habari za asubuhi ndugu waandishi wa habari, nawashukuru sana kwa kuitikia wito huu wa kujumuika pamoja nasi katika hafla hii fupi ikiwa ni maandalizi ya kuumaliza mwaka 2014.

Shukrani

Umekuwa ni mwaka wenye mafanikio kwa kweli, shukurani za dhati ziwaendee watanzania kwa kuendelea kutuunga mkono na kutufanya tuendelee kuwa wabunifu zaidi katika huduma na bidhaa tunazozitoa.

Ningependa kutoa shukrani za dhati kwa vyombo vya habari kwa kazi kubwa mliyoifanya kuhakikisha watanzania wanapata taarifa sahihi na tena kwa wakati bila  ya kujali umbali waliopo. Tunawashukuru sana na hiyo ndiyo sababu kubwa iliyotulazimu kuwaita hapa leo na kujumuika nasi kwani uhusuiano wetu ni wa karibu sana ukizingatia tunategemeana katika kazi zetu za kila siku.

Matawi na maduka ya wakala nchini

Kampuni ya Star Media Tanzania ambao ndio wasambazaji wa ving’amuzi vya StarTimes ambayo ilianza shughuli zake mnamo mwaka 2010 kwa kushirikiana na Shirika la Utangazaji Tanzania (TBC).

Tangu kuanzishwa kwake mpaka sasa StarTimes imepanua wigo wahuduma zake na kuifikia mikioa 16 ambayo ni pamoja na; Dar es Salaam, Mwanza, Arusha, Dodoma, Tanga, Tabora, Bukoba, Kahama, Morogoro, Mbeya, Iringa, Singida, Musoma, Iringa (DTH), Zanzibar na Songea (DTH).

Hiyo ni baadhi ya mikoa ambayo tumekwishaifikia huku mingineyo ikifuata, mikoa yote hiyo ina maduka na mawakala wanaotoa huduma zetu.

Kutengeneza ajira

Katika dunia hii ya ushindani ajira ni finyu ambazo huchukua watu wachache sana kulinganisha na uhitaji uliopo. Kama zilivyo nchi nyingi duniani, serikali ndio muajiri mkubwa, lakini kadri muda unavyokwenda sekta binafsi imekuwa ikichukua nafasi kubwa katika kuajiri na kutengeneza ajira kwa watu na hivyo kusaidia serikali kwa kiasi kikubwa.

StarTimes katika shughuli zake imekuwa ni chachu na ipo mstari wa mbele kuhakikisha inatoa fursa za ajira mbalimbali iwe za kuajiri moja kwa moja au za watu kujiajiri wenyewe kupitia uwakala.

Baadhi ya watanzania wamenufaika na uwekezaji wa kampuni hii nchini kwani wengi wao wameajiriwa, ambapo mpaka sasa kuna wafanyakazi takribani 300 na kampuni imewapa wazawa nafasi nyingi za kazi na nyadhifa kubwa.

Mbali na ajira za moja kwa moja kuna wengine wameweza kuchukua fursa ya kuwa mawakala ambapo mpaka kufikia sasa ndani ya mwaka huu pekee wapo takribani 800 sehemu mbalimbali zilipo huduma zetu.

Napenda kuwapongeza watanzania kwani wamekuwa mstari wa mbele kwa kuchangamkia fursa za uwekezaji zinazokuja mbele yao kwa kujiunga kuwa mawakala, wapo waliofungua maduka yanayotoa huduma na kuuza bidhaa zetu kama vile ving’amuzi, antenna na nyaya zake, simu, runinga, pamoja na kuuza vocha kwa ajili ya vifurushi vyetu.

Kupitia uwakala huo watu wanaendesha shughuli zao za kila siku na kulisha familia na kupunguza pengo la ajira linalotukabili, ni jambo ambalo tunajivunia kwa kweli.

Hivyo basi ni dhahiri uwepo wa StarTimes nchini umeongeza fursa za uwekezaji, ujasiriamali na hata ushirikiano kibiashara kwani kuna makampuni kadhaa tunashirikiana nayo katika kutoa huduma kama vile ya simu na benki.

Kupitia shughuli zote hizi watanzania wanapata huduma bora na za kisasa, ajira ambazo hukuza vipato vyao na hata kujiajiri wenyewe, huku nako serikali ikiingiza kodi ambayo inatumika katika shughuli za maendeleo ya nchi.

Hii ni dalili nzuri kwamba huduma na bidhaa zetu ni bora na zinahitajika na watanzania walio wengi. Hivyo basi kupitia hili tunaamini kwamba tunaiunga mkono serikali yetu katika jitihada za kupunguza umasikini na kuinua uchumi nchini.

Wateja wetu

StarTimes inajivunia kuwa na wateja wengi na wanaoongezeka kila kukicha, mpaka sasa tuna wateja zaidi ya 800,000 nchi nzima na hii kuifanya kampuni ya Star Media nchini Tanzania kufanya vizuri ukilinganisha na matawi ya nchi zingine barani Afrika.

Wateja hawa hatukuwapata kiurahisi bali ni kutokana na kujizatiti kwetu katika utoaji wa huduma bora ambazo ndio zimekuwa kipaumbele ukizingatia ushindani mkali uliopo katika soko letu.

Bado kampuni yetu inaimani kubwa kuwa huduma na bidhaa zake zitaendelea kuwa chaguo la kwanza na tunategemea kuongeza idadi ya wateja mpaka kufikia mwakani.

Kwa kipindi kifupi tulichowatumikia watanzania tumejifunza kuwa wanapenda huduma bora na za uhakika, na hicho ndicho kitu pekee kinachotutofautisha sisi na makampuni mengine yanayotoa huduma kama sisi.

Na katika kuhakikisha tunawajali na kuwathamini wateja wetu siku zote tunajitahidi kampuni yetu iwe mstari wa mbele kutoa huduma bora na kwa bei nafuu ndio maana mnaweza kujionea katika msimu huu wa sikukuu na shamrashamra za mwaka mpya tumeshusha bei za ving’amuzi vyetu na kuwaletea ofa kemkem.

Pia kadri siku zinavyokwenda tunazidi kuwa wabunifu zaidi kwa kuja na chaneli na vipindi mbalimbali ambavyo ni vyenye manufaa kwa wateja, sio tu kuburudisha bali pia kuelimisha, kufundisha na kutoa taarifa zenye manufaa kwa maendeleo ya taifa letu changa.

Programu na chaneli zetu

Vinga’muzi vyetu vya antenna za nje (DTT) pamoja na vya madishi (DTH) vimesheheni channeli na vipindi lukuki zinazo burudisha, furahisha, kuelimisha na kufundisha kama vile za watoto na katuni, michezo, filamu, makala, za uchina, za kihindi, habari, tamthiliya, muziki, wanyama, utafiti, sayansi na teknolojia na nyinginezo nyingi.

Kampuni yetu imekuwa sikivu kwa wateja wake na tumekuwa tukiwasikiliza wanataka nini, hali hii imepelekea maboresho ya mara kwa mara ili kuendana na soko la ushindani lililopo sasa.

Ndani ya chaneli hizo, StarTimes ina dhamira ya dhati kabisa katika kukuza na kuendeleza chaneli za nyumbani ambazo hutumia lugha ya Kiswahili. Ili Kukuza chaneli hizi na kuzifanya zipendwe zaidi na watanzania, ving’amuzi vyetu vina chaneli nyingi zaidi za nyumbani ambazo nyingi ni za bure huku chache zikilipiwa. Mfano wa chaneli zilizopo ni kama vile TBC1, TBC2, StarTV, ITV, EATV, Clouds TV, TV1, Sibuka Maisha, CTN, Channel Ten.

Katika jitihada za kukuza lugha ya Kiswahili, lugha ambayo inakua na kuongelewa sehemu kubwa ya bara la Afrika kwa sasa, StarTimes imeweka chaneli maalumu ya StarSwahili ambayo vipindi vyake vyote huruka kwa lugha ya Kiswahili, kuanzia vya nyumbani mpaka vya kigeni ambavyo vimetafsiriwa kwa lugha hiyo.

Mbali na StarSwahili, pia kuna chaneli mpya ya Swahili Bollywood, hii ni chaneli inayoonesha filamu za kihindi ambazo zimetafsiriwa kwa lugha ya Kiswahili na hivyo kuwafanya wale wapenzi wa filamu hizi ambao hawaifahamu lugha hii kupata uelewa na burudani zaidi.

Kwetu sisi tunajisikia fahari na faraja kubwa sana kuwa sehemu ya kuikuza lugha hii adhimu ya Kiswahili nchini, barani Afrika na dunia kwa ujumla, pia tunatoa fursa kwa watanzania kuleta kazi zao na kuweza kupata nafasi ya kurushwa katika cheneli hizi.

Huduma kwa wateja

Kampuni yetu imejizatiti katika utoaji wa huduma bora kwa wateja ukizingatia wao ndio msingi mkuu wa uwepo sisi hivyo basi ni lazima kuwatimizia yale wanayoyahitaji.

Huduma kwa wateja imewekezwa kwa kiasi kikubwa kuhakikisha kwamba mteja anahudumiwa au kufikiwa na huduma zetu popote pale alipo.

Ufunguzi wa maduka na matawi nchi nzima; Tukianzia na maduka yetu ambayo yanazidi kufunguliwa kila kukicha nchini, mpaka sasa mkoa wa Dar es Salaam ambao ndio una wateja wengi zaidi una maduka sita (6) ambayo yapo maeneo ya; Bamaga-Mikocheni, Mtaa wa Samora-Posta, Buguruni, Tegeta, Ukonga na Msimbazi-Kariakoo, huku mengine yakipatikana mikoa ya Arusha, Mwanza, Mbeya, Moshi, Bukoba, Tanga, Iringa, Dodoma na visiwani Zanzibar.

Ufunguzi wa maduka haya unalenga kuwahudumia vema wateja popote pale walipo na kuwaondolea usumbufu wa kutegemea duka moja tu. Wingi wa maduka haya unarahisisha huduma zetu, pia unaokoa muda na gharama za usafiri kwa wateja wetu.

Njia mbalimbali kulipia gharama za vifurushi vya king’amuzi chetu; Zipo njia nyingi ambazo mteja anaweza kulipia vifurushi, kwa mfano kupitia kwenye ofisi zetu, kupitia kwa mawakala wetu, njia za huduma za fedha kupitia simu za mkononi, Selcom na benki. Hii yote ni kumuondolea ule usumbufu wa kusafiri umbali mrefu, lakini kupitia njia hizi ni kitendo cha dakika chache kabla ya mteja kuunganisha na kufurahia huduma zetu.

Huduma kwa mteja; StarTimes inayo timu kubwa ya wafanyakazi wanaotoa huduma kwa wateja wetu kwa njia ya simu, huduma hii hupatikana masaa 24 katika wiki. Mteja akipiga nambari 0764 700 800 ataweza kuwasiliana moja kwa moja na kuweza kuhudumiwa kwa chochote kile.

Huduma ya mlango kwa mlango (door-to-door); Huduma hii inatolewa na mafundi wetu ambao husafiri maeneo tofauti kuhakikisha kwamba mteja anahudumiwa pale alipo. Kwa mfano pindi mteja anunuapo ving’amuzi vyetu lakini akashindwa namna ya ufungaji basi mafundi hawa wapo tayari kutoa huduma hiyo. Pia hutoa msaada wa kiufundi pindi mteja anapopatwa na matatizo katika ufungaji wake na kupelekea kupata mawimbi hafifu.

Mipango yetu ya baadae

Kama tunavyofahamu Mamlaka ya Udhibiti wa Mawasiliano Tanzania (TCRA) imekwisha tangaza kuwa mpaka kufikia mwakani mwezi Machi mitambo ya matangazo ya analojia itakuwa imezimwa rasmi na hivyo kuwalazimu watanzania kuhamia katika mfumo mpya wa dijitali.

Kama StarTimes tumejipanga vema kuhusu hili na kuwadhibitishia hili mpaka sasa mikoa ya Iringa na Songea tayari tumekwisha ifikia na huduma zetu na mingineyo ikiwa njiani.

Wateja wetu wanayoimani kubwa juu ya huduma na bidhaa zetu na kamwe hatuwezi kuwaangusha kwa hilo. Tumekuwa tukikumbwa na changamoto za kiufundi kuyafikia maeneo ambayo hayana mawimbi mazuri lakini kuja kwa huduma ya madishi au DTH (Direct-to-Home) tunaamini ni mombozi mkubwa sana.

Na kwa mujibu wa tathmini iliyofanyika ndani ya kipindi kifupi tangu kuzinduliwa kwa huduma hiyo mwezi wa Novemba wateja wengi wameipokea vizuri na wengine kuihitaji mahali waliko.

Kuhitimisha

Lakini kama nilivyosema hapo awali uwepo wetu sisi kwa watanzania umefanikiwa kwa kiasi kikubwa kutokana kazi nzuri mnayoifanya nyinyi na ninaimani kubwa kuwa ushirikiano huu utaendelea kadri siku zianvyokwenda.

Uongozi wetu siku zetu umeacha milango wazi kwa maoni, mapendekezo au kupata taarifa zozote ambazo mnaona zinafaa kufikiwa na watanzania kwa ujumla.

Asante sana kwa kunisikiliza