Chama cha Tennis Tanzania chaandaa mashindano ya vijana umri chini ya miaka 16 na wenye ulemavu wa miguu Oktoba 18 Gymkhana jijini Dar es Salaam

Makamu wa Rais wa Chama cha Tennis Tanzania (TTA), Fina Mango akizungumza na waandishi wa habari, Dar es Salaam leo, kuhusu mashindano ya vijana, umri chini ya miaka 16 na wenye ulemavu, yatakayofanyika keshokutwa, viwanja vya Gymkhana, Dar es Salaam. Kushoto ni Mratibu wa mashindano hayo, Fouard Somi na kulia ni Meneja Mauzo wa Kampuni ya Selcom, wadhamini wa mashindano hayo, Bupe Mwakalundwa. (Picha zote na Kassim Mbarouk)

Wapigapicha wa vyombo mbalimbali vya habari, wakichukua habari zilizokuwa zikitolewa na Makamu wa Rais wa Chama cha Tennis Tanzania (TTA), Fina Mango, wakati alipokuwa akizungumza na waandishi wa habari, Dar es Salaam leo, kuhusu mashindano ya vijana, umri chini ya miaka 16 na wenye ulemavu, yatakayofanyika keshokutwa, viwanja vya Gymkhana, Dar es Salaam. 

Makamu wa Rais wa Chama cha Tennis Tanzania (TTA), Fina Mango akizungumza na waandishi wa habari, Dar es Salaam leo, kuhusu mashindano ya vijana, umri chini ya miaka 16 na wenye ulemavu, yatakayofanyika keshokutwa, viwanja vya Gymkhana, Dar es Salaam. Kushoto ni Mratibu wa mashindano hayo, Fouard Somi, Kulia ni Mwalimu wa timu ya Vijana, Willy Kiango na Meneja Mauzo wa Kampuni ya Selcom, wadhamini wa mashindano hayo, Bupe Mwakalundwa.

Dar es Salaam, 16 Oktoba 2014. 

CHAMA cha Tennis Tanzania (TTA) kwa kushirikiana na Gymkhana Club ya Dar es Salaam, leo wametangaza mashindano ya Tennis kwa vijana wa umri chini ya miaka 16 na wachezaji wenye ulemavu wa miguu yaani wheelchair.

Haya ni mashindano ya wazi na yatatoa pointi kwa watoto watakao shiriki kwa kila kipengele cha umri (age category) yaani chini ya umri wa miaka 16, 14 na 12. Pointi hizo zitatokana na wingi wa ushiriki au uchache wao kama inavoainishwa kwenye majedwali hapo chini:

Mashindano haya yamepata udhamini kutoka kwa Selcom Wireless Limited.

Kuhusu Selcom Wireless:

Selcom Wireless ni kampuni ya kitanzania iliyoanzishwa Novemba 2001. Selcom imejikita zaidi kwenye shughuli za mifumo ya elektroniki kama ulipaji wa Ankara mbalimbali kama maji, umeme na ving’amuzi; Uwezeshaji wa matumizi ya huduma za miamala ya kibenki kwa kupitia mitandao ya simu na benki zaidi ya 30. Selcom pia inamawakala zaidi ya 7,000 nchi nzima wanaotoa huduma za malipo mbalimbali kupitia POS na tunazidi kukua kila siku kwa kuongeza idadi ya mawakala hawa. Na sasa Selcom inakuletea huduma za ATM ambayo zitamuwezesha mwananchi yoyote kupitia simu yake ya mkononi na kadi, awe na uwezo wa kufanya miamala mbali mbali. Selcom inajivunia ubunifu na utengenezaji wa programu mbalimbali za mitandao kupitia wataalamu waliobobea na kazi zote hufanywa ndani ya nchi. Selcom inatambuliwa na Benki kuu ya Tanzania (BOT) kama kampuni inayoongoza nchini kwa kutoa huduma za miamala ya kibenki na kwa mitandao ya simu kuwezesha malipo ya Ankara mbalimbali.

Kwa kutambua umuhimu wa michezo hasa kwa vijana wadogo na watu wenye changamoto za viungo (walemavu), Selcom imeona ni vyema kushirikiana na TTA katika mashindano haya ili kukuza mchezo huu wa Tenis na kuupeleka hatua nyingine za kimataifa. Hii ni mara ya kwanza kwa Selcom kushiriki na ni mategemeo yetu tatazidi kushiriki tena na tena kwa miaka ijayo.