Waziri Mkuu Pinda afungua mkutano wa Bodi ya Magavana wa Benki PTA

Waziri Mkuu wa Jamuhuri ya Muungano wa Tanzania, Mhe. Mizengo Pinda akifungua mkutano wa 30 wa mwaka wa Bodi ya Magavana wa Benki ya Maendeleo ya Biashara Mashariki na Kusini mwa Afrika (PTA), ulioandaliwa na benki hiyo leo, jijini Dar es Salaam. Katikati ni Waziri wa Nchi Ofisi ya Rais (Mahusiano na Uratibu), Stephen Wasira na kulia ni Rais na Mtendaji Mkuu wa Benki ya Maendeleo ya Biashara Mashariki na Kusini mwa Afrika (PTA), Admassu Tadesse.

Waziri Mkuu wa Jamuhuri ya Muungano wa Tanzania, Mhe. Mizengo Pinda akifungua mkutano wa 30 wa mwaka wa Bodi ya Magavana wa Benki ya Maendeleo ya Biashara Mashariki na Kusini mwa Afrika (PTA), ulioandaliwa na benki hiyo leo, jijini Dar es Salaam. Katikati ni Waziri wa Nchi Ofisi ya Rais (Mahusiano na Uratibu), Stephen Wasira na kulia ni Rais na Mtendaji Mkuu wa Benki ya Maendeleo ya Biashara Mashariki na Kusini mwa Afrika (PTA), Admassu Tadesse.

Waziri wa Nchi Ofisi ya Rais (Mahusiano na Uratibu), Stephen Wasira akitoa hotuba kwa niaba ya Waziri wa Fedha Saada Mkuya Salum ambaye yupo nje ya nchi wakati wa ufunguzi wa mkutano wa 30 wa mwaka wa Bodi ya Magavana wa Benki ya Maendeleo ya Biashara Mashariki na Kusini mwaA frika (PTA), iliyoandaliwa na benki hiyo leo, jijini Dar es Salaam.

Rais na Mtendaji Mkuu  wa Benki ya Maendeleo ya Biashara Mashariki na Kusini mwaAfrika (PTA), Admassu Tadesse akitoa maelezo juu ya utendaji kazi wa benki  hiyo, wakati wa ufunguzi wa mkutano wa 30 wa mwaka wa Bodi ya Magavana wa Benki ya Maendeleo ya Biashara Mashariki na Kusini mwa Afrika (PTA), leo, jijini Dar es Salaam.

Baadhi ya Wajumbe wa Bodi ya Magavana wa Benki ya Maendeleo ya Biashara Mashariki na Kusini mwa Afrika (PTA), wakimsikiliza Waziri Mkuu wa Jamuhuri ya Muungano wa Tanzania, Mhe. Mizengo Pinda alipokuwa akifungua mkutano wa 30 wa mwaka wa benki hiyo jijini Dar es Salaam leo.

Baadhi ya Wajumbe wa Bodi ya Magavana wa Benki ya Maendeleo ya Biashara Mashariki na Kusini mwa Afrika (PTA), wakimsikiliza Waziri Mkuu wa Jamuhuri ya Muungano wa Tanzania, Mhe. Mizengo Pinda alipokuwa akifungua mkutano wa 30 wa mwaka wa benki hiyo jijini Dar es Salaam leo. (Picha zote na Eleuteri Mangi – MAELEZO

Na Lorietha Laurence, Maelezo

WAZIRI Mkuu wa Jamuhuri ya Muungano wa Tanzania Mhe. Mizengo Pinda amefungua rasmi mkutano wa 30 wa mwaka wa Bodi ya Magavana wa Benki chini ya udhamini wa Benki ya PTA leo jijini Dar es Salaam.

Mhe. Pinda amewasihi washiriki wa mkutano huo wasiishie tu kushiriki katika mkutano bali pia wapatapo nafasi waweze kutembelea sehemu mbalimbali nchini ikiwenmo mbuga za wanayama na vivutio vingine kwa kuwa Tanzania ni nchi iliyobarikiwa sana katika sekta ya Utalii.

“kwa niaba ya Serikali ya Tanzania nimefurahi sana kwa kutupatia nafasi hii ya kuwa wenyenji wa  mkutano  huu hivyo tunawakaribisha washiriki waweze kutembelea vivutio mbalimbali vilivyomo nchini kwetu pale wapatapo nafasi” alisema Mhe.Pinda

Aliongeza kusema benki ya PTA imesaidia  katika kukuza na kuinua uchumi wa Afrika kwa nchi washiriki na kwa kufanya hivyo imeongeza chachu ya kuwepo mshikamano na mahusiano mazuri baina ya nchi hizo.

Aidha Waziri wa   Nchi Ofisi ya Rais Uratibu na Uhusiano Mhe.Steven Wassira kwa niaba ya Waziri wa Fedha Mhe. Saada Mkuya ameshukur kwa fursa ya kusimamia mkutano huo wenye lengo la kujadili mambo ya kibenki na uchumi kwa nchi washiriki.

“kupitia mkutano huu Tanzania inapata fursa ya kuweza kujadili mambo mbalimbali yanahusu maendeleo na namna ya kujikwamua kutoka katika umaskini tunaishukuru Benki ya PTA kwa kutupa nafasi hii na tunawakaribisha tena kwa wakati mwingine”alisema Mhe. Wassira.

Naye Rais na Mtendaji Mkuu wa Benki ya PTA, Admassu Tadesse ameishukuru serikali ya Tanzania kwa kukubali kuwa mwenyeji wa mkutano huo.

Benki ya PTA inatoa huduma zake kwa  nchi wanachama ikiwa na lengo la kuwa Taasisi ya kifedha inayoongoza  Mashariki na Kusini mwa Afrika katika utoaji wa huduma za kibenki ambapo mwaka huu imetimiza miaka 30 tangu kuanzishwa kwake mnamo mwaka 1985.