Usajili wa wachezaji watakaocheza SHIMIWI - 2014

SHIRIKISHO la Michezo ya Wizara na Idara za Serikari (SHIMIWI) limeanza kufanya usajili wa wachezaji watakaoshiriki Michezo ya watumishi wa Serikali (SHIMIWI) itakayofanyika Mjini Dodoma kuanzia tarehe 27 Septemba  hadi 11 Oktoba, 2014.

Watumishi hao watashiriki katika Michezo ifuatayo;

1.    Mpira wa Miguu (Wanaume)

2.    Netboli (Wanawake)

3.    Kuvuta Kamba (Wanaume na Wanawake)

4.    Riadha (Wanaume na Wanawake)

5.    Baiskeli (Wanaume na Wanawake)

6.    Karata (Wanaume na Wanawake)

7.    Bao (Wanaume na Wanawake)

8.    Drafti (Wanaume na Wanawake)

9.    Darts (Wanaume)

Usajili huo umeanza rasmi tarehe 27 juni, 2014 na unatakiwa kukamilika ifikapo  tarehe 31 Agosti,2014. Shirikisho linaomba kila  Kadi ya usajili wa Mchezaji iambatane na vifuatavyo;

1.     Kitambulisho cha kazi

2.     “Salary slip” ya karibuni

3.     Kitambulisho cha Bima ya Afya

Aidha, Klabu zitakazoshiriki zinatakiwa kuthibitisha kwa kutaja aina ya Michezo watakayocheza kabla ya tarehe iliyotajwa hapo juu.

         

Moshi Makuka

KAIMU KATIBU MKUU (SHIMIWI)

     Imetolewa leo tarehe 10 Julai, 2014.