Bongo Movie kuadhimisha miaka mitatu ya kuzaliwa kwake

Rais wa Bongo Movie, Steve  Mengele  ‘Steve Nyerere' (kulia), akizungumza katika mkutano na waandishi wa habari Dar es Salaam leo, kuhusu maadhimisho ya miaka mitau tangu kuzaliwa kwa Bongo Movie yatakayo fanyika Machi 28 katika ukumbi wa East 24 Arcade  uliopo Barabara ya Mwai Kibaki Mikocheni jijini Dar es Salaam kwa udhamini wa Kampuni ya Mabibo Beer Wines and Spirits Limeted. Kutoka kushoto ni Devotha Mbaga, Claud Issa na Ofisa Mauzo wa Kampuni ya Mabibo, Calvin  Costa.

Viongozi wa Bongo Movie wakiwa kwenye mkutano huo.

Ofisa Mauzo wa Kampuni ya Mabibo, Calvin  Costa akitoa taarifa kwa ufupi kuhusu udhamini walioutoa kwa Bobo Movie.

Wanahabari wakiwa kwenye mkutano huo.

Mkurugenzi Mtendaji wa Kampuni ya Mabibo Beer Wines and Spirits Limited, Benedicta Rugemalira (kulia), akitoa hutuba fupi katika mkutano huo.

Na Dotto Mwaibale

UONGOZI wa Bongo Movie leo umetangaza tarehe ya  kusherehekea sikukuu yake ya kuzaliwa  itakayoadhimishwa kwa shamrashamra mbalimbali Machi 28   watakapoaadhimisha miaka mitatu tangu kuzaliwakatika ukumbi wa East 24 Arcade  uliopo Barabara ya Mwai Kibaki Mikocheni jijini Dar es Salaam.

Akizungumza  na waandishi wa habari Dar es Salaam leo Rais wa Bongo Movie Steve  Mengele almaarufu kwa jina la ‘Steve Nyerere’alisema  kwamba  siku hiyo kutakuwa na  burudani ya aina yake kutoka kwa bendi ya FM Academia ‘Wazee wa Ngwasuma’.

Kadhalika Nyerere aliwatangaza wadhamini ambao wataghariamia sherehe hiyo kuwa ni kinywaji cha Windhoek.

Akizungumza na waandishi wa habari ofisa mauzo wa kanda ya kinondoni Calvin  Costa aliongeza  kwa kusema siku hiyo kinywaji hicho cha Windhoek ndicho kitakachonyweka.

“Tunawaita mashabiki na wadau wake kwa wingi siku ya sherehe hiyo ambayo tuna matumainui sisi kama wadhamini itaacha gumzo la aina yake” alisema  Costa.

Akitoa neno la shukran Jackline Wolper aliongeza kwa kuwashukuru Windhoek kwa kuwadhamini mwaka huu kwani miaka yote wamekuwa wakijichangisha ili kufanya sherehe hiyo.

Mweka Hazina wa Bongo Movie  Issa Musa ‘Cloud amesema kwamba kutakuwa na  zulia jekundu ambapo mashabiki wataweza kupiga picha na wasanii bila usumbufu siku hiyo huku akisistiza kuwa tiketi zitauzwa kabla, kwa sh.10,000 na meza sh. 50,000.

Wakati huohuo kutakuwa na shindano kwa wasanii waliopita na kutwaa taji la Miss Tanzania huku mshindi akiondoka na zawadi ya aina yake kutoka Windhoek.