WIZARA YA HABARI, VIJANA UTAMADUNI NA MICHEZO YATOA TAARIFA KUHUSU RASIMU YA KATIBA

KATIKA siku za hivi karibuni kumeibuka kundi la baadhi ya viongozi wa vyama vya siasa na wanasiasa ambao wanapita sehemu mbalimbali nchini kupotosha umma wa Watanzania kuhusu zoezi la kujadili rasimu ya Katiba mpya ya Tanzania. Viongozi hao wamefikia hatua hatakuwachanganya wananchi kuhusu nini ikinachotakiwa kufanywa katika mchakato unaoendelea wa kujadili rasimu ya Katiba Mpya. Wengine wanaielezea rasimu ya Katiba Mpya kama katiba kamili iliyopitishwa kutumika sasa.

Serikali inapenda kutoa ufafanuzi kwamba mjadala kuhusu Katiba mpya haujafungwa na wananchi wanapaswa kuendelea kujadili na kutoa maoni yao kwa uwazi bila kuingiliwa ama kulazimishwa na mtu yeyote.

Ieleweke pia kwamba kilichopo hivi sasa ni rasimu ya Katiba, siyo Katiba Mpya. Mchakato wa kupata Katiba Mpya ndio kwanza umeingia katika hatua ya kwenda kujadiliwa katika Bunge Maalum la Katiba ambalo litaamua nini maudhui ya Rasimu ya Katiba Mpya kabla ya kupelekwa kwa wananchi kupigiwa kura.

Ndugu wananchi ni vema ikafahamika  kuwa Bunge Maalum la Katiba ndilo lenye mamlaka ya mwisho ya kubadilisha , kurekebisha , kufuta ama hata kuingiza vipengele vipya vya rasimu ya Katiba.

Ni vema wananasiasa mkaacha kutumia Rasimu hiyo kuwapotosha wananchi kuwa na kuwafanya wafikiri kuwa tayari kuna  Katiba mpya .

Imetolewa na Idara ya Habari (MAELEZO)