Mahakamani jana: Shauri la Viongozi wa Uamsho kupinga na Uamuzi wa dhamana ya Lwakatare wasikilizwa

Mawakili wanaowatete washtakiwa, viongozi wa Jumuiya ya Uamsho, Sheikh Farid Ahmed na wenzake, Salim Taufiq Ali (kushoto), Rajab Abdalla Rajab (katikati) na Abdalla Juma Mohamed, wakijadili jambo, nje ya Mahakama ya Rufaani Tanzania jana, baada ya kusikilizwa kwa rufani ya wateja wao, kupinga rufaa iliyowasilishwa na Mkurugenzi wa Mashtaka (DPP), kwa kuwa katika shauri lao hakuna hukumu yoyote iliyokwisha kutolewa na Mahakama Kuu ya Zanzibar. (Picha zote na Kassim Mbarouk)

Mawakili wanaowatete washitakiwa, viongozi wa Jumuiya ya Uamsho, Sheikh Farid Ahmed na wenzake, wakiondoka Mahakama ya Rufaa baada ya kusikilizwa na mahakama hiyo jana.

Askari Polisi wakiwa wameimarisha ulinzi kwenye Mahakama ya Rufaa, wakati mawakili wa Viongozi wa Jumuiya ya Uamusho, walipokuwa kwenye chumba cha Mahakama kupeleka shauri lakupinga rufaa iliyofunguliwa na DPP, katika kesi ya viongozi hao, jijini Dar es Salaam jana.

Na Grace Gurisha ULINZI wa umeimarishwa katika Mahakama ya Rufani nchini, jijini Dar es Salaam jana, wakati wa usikilizwaji wa ombi lililowasilishwa  na viongozi wa Jumuiya ya Uhamsho  na Miadhara iliyokatwa na kiongozi wa jumuiya hiyo, Sheikh Farid Hadi Ahmed na wenzake tisa dhidi ya Mkurugenzi wa Mashtaka  wa Zanzibar. Sanjari na hilo washtakiwa hao hawakuwepo mahakamani hapo, bali mawakili wao tu ndiyo walikuwepo, kitu ambacho kiliwafanya baadhi ya watu waliyokuja kusikiliza rufaa hiyo kupigwa na butwaa. Askari wa Jeshi la Polisi wakiwa na mabomu ya machozi walizunguka eneo la mahakama hiyo kwa kuimarisha usalama, ambapo watu waliyokuwa wakiingia katika geti la mahakama hiyo walikuwa wakikaguliwa kwanza ndiyo waingie. Pia baadhi ya  waandishi wa habari walitakiwa kutoa vitambulisho kwa wakaguzi hao ili waweze kujiridhisha kama kweli ni waandishi wa habari kama walivyodai. Upande wa waoombaji (Uhamsho), waliwasilisha ombo lao mbele ya  jopo la majaji watatu, ambao ni January Msoffe, Salum Massati na William Mandia kupitia mawakili wao. Mbali ya Sheikh Ahmed , waombaji wengine ni Mselem Ali Mselem,  Mussa Juma Mussa, Azan Khalid, Suleiman Juma Suleiman, Khamis Ali Suleiman, Hassan Bakar Suleiman, Ghalib Ahmada Juma, Abdallah Said na Fikirini Fikirini. Sheikh Ahmed na wenzake wanaiomba mahakama hiyo, itoa amri ya kuifuta rufaa iliyowasilishwa na DPP, Aprili 15, ya mwaka huu, kwa sababu hadi sasa hakuna  rufaa iliyokuwa imefunguliwa mahakamani ya kupinga amri ambazo zilitolewa na mahakama. Watuhumiwa hao  waliwasilisha maombi hayo chini ya hati ya dharura na wameonyesha tangu Oktoba 25, mwaka 2012  hadi sasa wanaishi gerezani  na kwamba kama maombi hayo yatacheleshwa  kusikilizwa hivyo kama yakicheleweshwa kusikilizwa yatasababisha waendelee kusota gerezani kwa muda mrefu na hivyo kuwaletea madhara na usumbufu. Sheikh Ahmed anadai  taarifa ya kukata rufaa ya DPP haihusiani na uamuzi ulitolewa Machi 11, mwaka 2013 ambao mdaiwa (DPP), anaupinga. Anadai katika maombi ya DPP hayajaambatanishwa na kiapo cha mwapaji  ambapo mwapaji ni wakili wa Sheikh Ahmed , Abdallah Juma Mohammed, ambaye anadai kuwa Oktoba 25, mwaka 2012 waombaji walishitakiwa kwa makosa manne chini ya sheria ya Usalama wa Taifa na Kanuni ya Adhabu ya mwaka 2002. Wanadai kuwa , mashtaka dhidi yao  walisomewa mbele ya Msajili wa Mahakama Kuu ya Zanzibar siku hiyo, lakini hawakupewa nafasi ya kujibu kwasababu msajili hana mamlaka ya kusikiliza mashitaka hayo. Wakili Abdallah anadai waombaji waliomba kudhaminiwa mbele ya msajili ambapo Wakili wa Serikali alipinga  maombi hayo kwa msingi wa kuwa kuna hati ya DPP wa Zanzibar chini ya Sheria ya Usalama wa Taifa kwamba usalama wa nchi ungetetereka hivyo mahakama isiwape dhamana. Alidai Msajili aliwanyima dhamana  wateja wake  na kuwaamuru warudi rumande hadi Novemba 8, mwaka 2012, kesi ilipokuja kwaajili ya utajwa. Kwa mujibu wa wakili huyo, waombaji hawakuridhika na uamuzi na kuwasilisha maombi ya marejeo ya uamuzi Mahakama Kuu ya Zanzibar lakini mlalamikiwa aliwasilisha pingamizi la awali akiomba mahakama itupilie mbali maombi hayo. Anadai baada ya  Jaji Abraham Mwampashi wa Mahakama Kuu  kusikiliza maombi ya marejeo na pingamizi la awali la DPP, Machi 11, mwaka huu, alitoa uamuzui wa kutupilia mbali pingamizi na kufuta mwenendo mzima uliokuwa chini ya msajili na uamuzi wa maombi ya dhamana. Wakili huyo anadai kuwa  Machi 12, mwaka huu,DPP   aliwasilisha taarifa ya kukata rufani kupinga uamuzi wa Jaji Mwampashi kutupilia mbali pingamizi lake la awali na kuwasilisha sababu za kukata rufani. Hata hivyo, wakili huyo anadai kuwa uamuzi wa Mahakama Kuu wa Machi 11, mwaka 2013, hauwezi kupingwa kwa njia ya rufani wala ya marejeo mbele ya Mahakama ya Rufani. UAMUZI WA DHAMANA YA LWAKATARE KUTOLEWA LEO

Mshitakiwa katika kesi ya kula njama ya kumdhuru, Denis Msaki wa gazeti la Mwananchi, Mkurugenzi wa Usalama wa Chama cha Demokrasia na Maendeleo (CHADEMA), Wilfread Lwakatare (kulia), akiwa na mshitakiwa mwenzake, Ludovic Joseph katika Mahakama ya Hakimu Mkazi, Kisutu, Dar es Salaam jana, kusubiri uamuzi wa kupata dhama katika kesi yao hiyo. (Picha zote na Kassim Mbarouk)

Na Grace Gurisha

MAHAKAMA ya Hakimu Mkazi Kisutu, leo inatarajia kutoa uwamuzi mdogo katika kesi ya kula njama inayomkabilia Mkurugenzi wa Ulinzi na Usalama wa Chadema, Wilfred Lwakatare, baada ya mahakama kupitia hoja na sheria zilizowasilishwa na pande zote mbili.

Hoja ya upande wa utetezi  ulidai kuwa Lwakatare kisheria dhamana ni haki ya msingi ya kwa kuzingatia washtakiwa wapo ndani kwa muda muda mrefu, ambapo upande wa Jamhuri ulidai kuwa huu si muda mwafaka wa utetezi  kuomba dhamana.

Wakili wa utetezi  Peter Kibatala  alidai jana, mbele ya Hakimu Mkazi Aloyce Katemana wa mahakama hiyo alidai  shauri limekuja kwa kusikilizwa, ambapo aliomba mahakama itoe uwamuzi wa dhamana leo.

"Hoja zilizotolewa hakimu mwingine hawezi kutoa tarehe ya uwamuzi, kwa hiyo kwa sababu wewe hukuwepo na hoja zipo kwa maandishi, tunaomba mahakama yako itoe dhamana", alidai Kibatala.

Baada ya Kibatala kudai hivyo, hakimu Katemana alihoji juu ya kusikilizwa kwa shauri hilo, ambapo alisema katika kumbukumbu za mahakama zinaonesha kesi imekuja kwa kutajwa na si kusikilizwa.

Hata hivyo wakili wa Serikali  Ponzino Lukos alidai kuwa katika kumbukumbu inaonesha kuwa shauri limekuja kwa kutajwa, Mei 13 mwaka huu mbele ya hakimu Sundi Fimbo upande wa utetezi walileta maombi ya dhamana.

Alidai maombi hayo yalijadiliwa mahakamani na Fimbo alidai kuwa hawezi kutoa uwamuzi, kwa sababu hakimu anayesikiliza kesi hiyo hayupo kwa hiyo iliahirishwa hadi Mei 27 mwaka huu kwa kutajwa, ambapo pia iliahirishwa hadi Juni 10 mwaka huu kwa kutajwa.

Mbali na Lwakatare mshtakiwa mwingine ni Ludovick Joseph ambapo wote wanakabiliwa na shtaka la kula njama la kumdhuru kwa sumu Denis Msacky, ambaye ni Mhariri wa habari wa Gazeti la Mwananchi.

Ilidaiwa kuwa  washtakiwa  walikula njama , wakiwa Kimara Kingíongío Stopover,walitaka kutumia sumu kwa lengo la kumdhuru Msacky.

Awali wakili wa Lwakatare, Peter Kibatala alidai wanaamini katika faili kuna nakala ya uwamuzi uliyotolewa Mahakama Kuu Kanda ya Dar es Salaam la ombi namba 14/2013.

Nakala hiyo niya uwamuzi uliyotolewa na Jaji Lawrence Kaduri wa kutupilia mbali mashtaka ya tuhuma za Ugaidi na kubaki na shtaka mmoja la kuala njama,ambalo lipo chini ya Sheria ya Kanuni ya Adhabu.

Hata hivyo alidai kuwa shtaka hilo linadhamana, inagawa hakimu anayesikiliza kesi hiyo,Katemana hayupo, lakini bado anaamini mahakama inaweza kutoa dhamana.

"Dhamana ni haki ya msingi ya mshtakiwa ukizingatia washtakiwa wapo ndani kwa muda muda mrefu na pia Lwakatare afya yake siyo nzuri,hivyo wanaiomba mahakama itoe masharti ya dhamana",alidai Kibatala.

Wakili wa Serikali Prudence Rweyongeza alidai kuwa huu si muda mwafaka wakuwasilisha maombi yao kwa kuwa uwamuzi wa Mahakama Kuu unaanza kufanya kazi baada ya Mkurugenzi wa Mashtaka (DPP)kuwasilisha taarifa.

Machi 18 mwaka huu,Lwakatare na Joseph walipandishwa kizimbani katika Mahakama ya Kisutu na kusomewa mashtaka manne yakiwemo ya Ugaidi,ambayo ilikuwa ni kesi namba 37 ya mwaka 2013.

Machi 20,2013,DPP aliwafutia mashtaka,lakini muda mfupi baadaye walikamatwa na kufunguliwa mashtaka hayohayo katika kesi namba 6 ya 2013.

Mawakili wanaomtetea Lwakatare hawakukubaliana na uamuzi huo,hivyo waliwasilisha maombi Mahakama Kuu Kanda ya Dar es Salaam, wakiupinga. Pia waliiomba mahakama hiyo itengue uamuzi huo.

Mwakaili hao ni Mabere Marando, Profesa Abdallah Safari, Peter Kibatala, Lissu, Nyoronyo Kichere.

Wakili wa Serikali Mkuu,Rweyongeza akisaidiana na wenzake Peter Maugo na Ponsiano Lukosi alisema DPP alifuta mashtaka ya Lwakatare na mwenzake kwani kesi ya awali ilifunguliwa katika masjala isiyostahili.

Rweyongeza alidai kuwa kesi ya kwanza ilisajiliwa katika kitabu cha kesi zinazosikilizwa na Mahakama za chini,badala ya kitabu cha kesi zinazosikilizwa na Mahakama Kuu.

Pia alitaja sababu zingine kuwa, mahakama ilikosea kwa kuwaruhusu washtakiwa kujibu mashtaka ambayo husikilizwa na Mahakama Kuu pekee.

Katika sababu hizo Jaji Kaduri alisema Mkurugenzi wa Mashtaka(DPP),hakukosea kufuta kesi namba 37 ya mwaka huu na kufungua kesi nyingine.

Lakini alikubaliana na hoja ya wakili wa Lwakatare, Tundu Lissu kuwa mashtaka yaliyokuwa yakimkabili Lwakatare yalikuwa hayana uhalisia wa mashtaka ya Ugaidi.