Mahafali ya 19 ya Kidato cha Sita, Shule ya Sekondari Jitegemee, DC wa Temeke awataka walimu kuomba viwanja vya kujenga nyumba Manispaa

Mkuu wa Wilaya ya Temeke, Sophia Mjema (kulia), akihutubia katika sherehe za mahafali ya 19 ya Kidato cha sita katika Shule ya Sekondari ya Jitegemee Mgulani JKT Dar es Salaam leo asubuhi. Wengine ni walimu na wafanyakazi wa  shule hiyo. (Picha na habari kwa hisani ya mwaibale. blogspot.com)

Na Dotto Mwaibale

Mkuu wa Wilaya ya Temeke Sophia Mjema, amewataka walimu  wa Shule ya Sekondari ya Jitegemee kuandika barua ya maombi kwa Manispaa ya wilaya hiyo ili wapate  viwanja vya kujenga nyumba zao kama motisha ya serikali kwao.

Mwito huo ulitolewa na Mkuu huyo wa wilaya ya Temeke wakati akizungumza na walimu hao baada ya kumalizika kwa mahafali ya 19 ya kidato cha sita ya shule hiyo Dar es Salaam leo ambapo alikuwa ni mgeni rasmi.

"Serikali inajua mazingira magumu mliyonayo hasa ninyi walimu muliopo mjini kwani hamna njia nyingine ya kujiongezea kipato" alisema Mjema.

Alisema walimu waliopo vijijini wanafursa kubwa ya kupata motisha ya kupewa mashamba na kulima hivyo kujikomboa kiuchumi tofauti na wale wa mjini.

"Nitawasaidieni katika maeneo mawili kwanza ninyi kama taasisi andike barua kuomba maombi ya kupata ardhi kwa ajili ya kufanyia shughuli zenu mbalimbali na mimi nitasaidia kulifanyia kazi jambo hilo" alisema Mjema.

Alisema katika eneo la pili kwa kila mwalimu aandike maombi ya kuomba kiwanja kwani vipo maeneo ya Kimbiji ambapo kiwanja kimoja kinauzwa sh.800 kwa mita moja.

Aliwataka walimu hao kuchangamkia fursa hiyo haraka iwezekanavyo wakati akiwa bado yupo katika wilaya hiyo kabla Rais Jakaya Kikwete haja muhamishia wilaya nyingine.

"Ningependa kuona nawasaidieni katika jambo hili kabla sijaondoka katika wilaya ya Temeke naamini mkiwa na mazingira mazuri ya kuishi  mtatoa elimu bora kwa watoto wetu" alisema Mjema.

Alisema kwamba viwanja hivyo vikipatikana na kuwa na hati miliki itasaidia kuwa dhamana ya kupata mikopo kutoka katika taasisi za fedha.

Mkuu wa Shule hiyo Luteni Kanali Martin Mkisi alitumia fursa hiyo kumshukuru mkuu huyo wa wilaya kwa kuonesha nia ya kuwasaidia walimu wa shule hiyo na kwamba mchakato huo utafanyika haraka.

Mkuu wa Shule hiyo, Luteni Kanali Martin Mkisi, akitoa hotuba fupi kabla ya kumkaribisha mgeni rasmi wa mahafali hayo, Mkuu wa Wilaya ya Temeke, Sophia Mjema.

Mkuu wa Wilaya ya Temeke, Sophia Mjema (katikati), akimkabidhi cheti cha kuhitimu kidato cha sita, mwanafunzi Aneth Mathias, katika mahafali ya 19 ya Shule ya Sekondari ya Jitegemee yaliyofanyika Dar es Salaam leo asubuhi. Kushoto ni Makamu Mkuu wa Shule Utawala Meja, Ernest Sikaponda, Mkuu wa Shule hiyo  Luteni Kanali Martin Mkisi na Mratibu wa masomo kwa kidato cha tano na sita wa shule hiyo, Geofrey Karume. 

Walimu wa Shule hiyo wakiwa katika mahafali hayo.

Wazazi na walezi wakiwa katika mahafali hayo.

Mkuu wa Wilaya ya  Temeke Sophia Mjema, akiwasisitizia wanafunzi hao kujali masomo na kutimiza doto zao za maisha kwa kujiepusha na ukimwi.

Skauti wakiwa na mwalimu wao, Mary Anyitike kwenye mahafali hayo.

Wahitimu hao wakiwa kwenye mahafali yao.

Wahitimu hao wakiserebuka kwaito.

Mkuu wa Shule hiyo Luteni Kanali Martin Mkisi na  Mkuu wa Wilaya ya Temeke, Sophia Mjema wakiondoka viwanja vya sherehe ya mahafali hayo.

Mkuu wa Wilaya ya Temeke Sophia Mjema, akimkabidhi cheti mmoja wa wanafunzi wa shule hiyo.