Jengo la PPF Tower laungua, moto wadhibitiwa

Kikosi kazi cha zimamoto kutoka Makampuni mbalimbali wakiwa kwenye sehemu ya juu ya gorofa la PPF Tower lililopo mtaa wa Ohio, eneo la Posta Mpya, jijini Dar es Salaam, baada ya kuwaka moto leo asubuhi, ambao chanzo chake bado hakijafahamika. Hata hivyo sehemu iliyowaka moto ni sehemu yenye mitambo mingi inayotumika kwa shughuli mbalimbali za mawasiliano na huduma za kupozea hewa ndani ya jengo hilo.

Timu iliyodhibiti moto huo, ikiendelea kuzima kabisa moto huo.

Pichani askari wa kikosi cha uokoaji cha zimamoto, wakiingia kwenye chumba chenye mitambo inayoungua kilichopo sehemu ya juu ya jengo hilo, kwa zamu kutokana na kuwepo kwa moshi mzito ndani yake.

Baadhi ya mashuhuda, wakiwa nje ya jengo hilo, sehemu ya chini ya gorofa huku shughuli za uzimaji zikiendelea juu ya jengo hilo.

Kama kawaida ya matukio mengi yanayotokea jijini Dar es Salaam, mashuhuda hawakosi kama unavyoona pichani huku kila mmoja akitaka kushuhudia kinachoendelea.

Kikosi cha zimamoto kikijipanga eneo la nje ya sehemu ya juu ya gorofa hilo na kuingia kwa zamu sehemu iliyokuwa ikiteketea kwa moto. (Picha zote na Dotto Mwaibale)