Vodacom foundation yatoa mikopo isiyo na riba kwa wajasiriamali, Mlandizi kupitia mradi wa mwei

Mkuu wa kitengo cha Vodacom Foundation, Yessaya Mwakifulefule akifafanua jambo kwa akina mama wajasiliamali wa Mlandizi mkoani Pwani, kuhusiana na matumizi ya mikopo waliyopewa na Vodacom Tanzania kupitia mradi wa MWEI. Kupitia mradi huo, Vodacom imewanufaisha jumla ya wanawake 425 kwa kuwapa mikopo isiyo na riba wa zaidi ya shilingi Milioni 30, mkoani humo. (Picha na Mpigapicha Wetu)

Mratibu wa mradi wa mradi wa MWEI wa Vodacom Tanzania, Mgongo Emmanuel, akiongea na akinamama wajasiriamali wa vikundi mbalimbali kutoka katika kijiji cha Kilangalanga, Mlandizi kabla ya kuanza kuwakabidhi mikopo yao, isiyo na riba kwa ajili ya kuendeleza biashara zao na kurudisha mikopo hiyo kwa njia ya m-pesa. Jumla ya akinamama 425 walinufaika na mkopo huo, wa zaidi ya shilingi milioni 30.

Meneja wa mradi wa MWEI, unaondeshwa na Vodacom Tanzania, Mwamvua Mlangwa, akimkabidhi Fedha, Radhia Abdallah, ambazo ni mkopo usio na riba uliotolewa na Kampuni hiyo, ambao utarudishwa kwa njia ya m-pesa.

Mkuu wa Mkoa wa Pwani, Mwantumu Mahiza, akimkabidhi fedha Mwanaidi Said, ambaye ni mmoja wa akinamama wajasiriamali wa kikundi cha Kilangalanga cha Mlandizi mkoani humo. Fedha hizo zilitolewa na Vodacom Tanzania kupitia mradi wake wa MWEI kwa ajili ya kusaidia wakinamama wajasiriamali.

Mkuu wa Mkoa wa Pwani, Mwantumu Mahiza, akimkabidhi fedha Khadija Khalifan, ambaye ni mmoja wa akinamama wajasiliamali wa kikundi hicho, zilizotolewa na Vodacom kupitia mradi wake wa MWEI kwa ajili ya kusaidia wakinamama wajasiriamali. Katikati ni Meneja mradi huo, Mwamvua Mlangwa na Kuliani Diwani wa kata ya Janga Mlandizi, Fedilia Simba.

Baadhi ya akina mama wajasiriamali wa kikundi cha Kilangalanga kilichopo Mlanzidi mkoani Pwani, wakifurahia kupata mikopo isiyo na riba kutoka Vodacom Tanzania kupitia mradi wake wa MWEI. Jumla ya kinamama 425 wamenufaika na mkopo huo wa zaidi ya shilingi mil. 30.