California: Maporomoko ya ardhi yaua watu 13 Marekani

Haki miliki ya pichaREUTERS

Image captionBarabara nyingi zimezibwa na mawe makubwa

Watu 13 wamefariki kutokana na maporomoko ya ardhi yaliyosababishwa na mvua kubwa kusini mwa jimbo la California, Marekani, maafisa wamesema.

Wengine 163 wamelazwa hospitali, 20 wakiwa na majeraha yanayohusiana na mvua kubwa.

Wanne wana majeraha mabaya.

• Kwa Picha: Moto mkubwa California

Watu wapatao 300 wanadaiwa kukwamba katika hori ya Romero, mashariki mwa mji wa Santa Barbara.

Polisi wamesema eneo lililokumbwa na maporomoko hayo linafanana na "uwanja wa vita wakati wa Vita Vikuu vya Kwanza vya Dunia".

Haki miliki ya pichaTWITTER/ @ELIASONMIKE

Image captionMawe makubwa yalimeguka kutoka milimani na kuziba barabara

Mafuriko na maporomoko ya ardhi yameathiri baadhi ya maeneo ambayo yaliathiriwa na moto mkubwa wa nyika na yameharibu barabara kuu ya pwani umbali wa maili 30 (48km).

Maafisa wa uokoaji wamesema kuna watu kadha ambao hawajulikani waliko na kwamba idadi ya waliofariki inatarajiwa kupanda.

Maafisa wa Kikosi cha Ulinzi Baharini wametuma ndege kadha kusaidia juhudi za uokoaji na wametahadharisha umma dhidi ya kutumia ndege zisizo na marubani kwani zitatatiza juhudi za uokoaji.

• California yaidhinisha matumizi zaidi ya bangi
• Popo nondo apewa jina la Donald Trump

Maelfu ya wakazi wa California waliamrishwa kuondoka makwao Jumatatu, mara ya pili katika kipindi cha miezi miwili. Mara ya kwanza ilikuwa ni kwa sababu ya moto, wakati huu ni kwa sababu ya mvua.

Haki miliki ya pichaREUTERS

Image captionMbwa wa polisi akiwatafuta manusura eneo la Montecito