Trump: Ni kitu kimoja tu kitafanya kazi dhidi ya Korea Kaskazini

Haki miliki ya pichaREUTERS

Image captionTrump: Ni kitu kimoja tu kitafanya kazi kwa Korea Kaskazini

"Ni kitu kimoja tu kitafanya kazi" katika kukabiliana na Korea Kaskazini baada ya miaka kadha ya muzungumzo na Korea Kakazini, rais wa Marekani Donald Trump ameonya.

"Marais na uongozi wao wamekuwa wakizungumza na Korea Kasakazini kwa miaka 25," aliandika katika twitter akisema kuwa hilo halijafanikiwa

• Trump: Tutaisambaratisha Korea Kaskazini tukilazimishwa

Bw Trump hakueleza zaidi.

Nchi hizo zimekuwa kwenye vita vya maneno kufuatia mipango ya nyuklia ya Korea Kaskazini, huku Marekani ikitaka kusitishwa majaribio ya makombora.

Haki miliki ya pichaAFP

Image captionNdege za jeshi la Marekani

Korea Kaskazini inasema kuwa imefanikiwa kulifanyia jaribio bomu la haidrojeni ambalo linaweza kubebwa na kombora la masafa marefu.

• Marekani: Hatutaivumilia tena Korea Kaskazini

Awali Trump ameonya kuwa Marekani itaiharibu Korea Kaskazini ikiwa itahitajika kujilinda pamoja na washirika wake

Haki miliki ya pichaREUTERS

Image captionKuna hofu kuwa Korea Kaskazini itakuwa na uwezo wa kuishambulia Marekani kwa silaha za nyuklia

Kiongozi wa Korea Kaskazini siku ya Jumamosi alisifu silaha za nyulia kama kitu cha nguvu kinachoipa nchi yake ulinzi.

• Korea Kaskazini yarusha kombora anga ya Japan

Hivi majuzi Korea Kaskazini ilirusha makombora kupitia anga ya Japan na kupuuza vikwazo vya kimataifa na kufanya jaribio lake la sita la nyuklia mwezi Septemba.

Imetangaza kuwa itafanya jaribio lingine katika bahari ya Pacific.